news-inner
clock15:14 calendar-gray 20 May 2017 view-gray88 dəfə oxunub
view-gray88 dəfə oxunub

Markesin kitabına şərik çıxan qəhrəmanı

1955-ci il fevralın 28-də Kolumbiyanın “Kaldas” adlı hərbi gəmisi fırtınada qəzaya uğrayır. Səkkiz matros dənizə düşür.

On gün sonra matroslardan sadəcə biri quruya çıxır. O, xilasedici qayıqda günlərlə ac-susuz qalmışdı. Luis Velasko adlı matros bir anda qəhrəmana çevrilir. Bütün Kolumbiya ondan danışır. O zamanlar 27 yaşlı Qabriel Qarsiya Markes ölkənin ən tanınmış qəzetlərindən olan “El-Espektador”da müxbir işləyirdi.

Redaksiya tapşırığına əsasən Markes Velaskonu tapıb müsahibə almalı idi. Lakin Velasko Hərbi Dəniz Qüvvələrinin nəzarətində xəstəxanada saxlanıldığı üçün ona diqtə olunan sözlərdən əlavə heç nə danışmır. Bir müddət sonra xəstəxanadan çıxan matros reklam şirkətlərinin, radioların ovuna çevrilir. Misal üçün, reklam şirkətləri Velaskoya qonorar verərək tələb edirlər ki, dənizdə qaldığı müddətdə ayağında filan marka ayaqqabının olduğunu və cırılmadığını desin.

Bütün bunlardan narahat olan gənc müxbir müsahibə fikrindən daşınır. Bu günlərdə redaksiyaya gələn Markesi baş redaktor sürprizlə qarşılayır: “Velasko müsahibəyə razılaşıb.” Markes istəməsə də baş redaktorun təkidi ilə matrosla söhbətləşməli olur. Hekayə Velaskonun dilindən yazılıb onun imzası ilə çap olunacaqdı.

1955-ci il, aprelin 5-də “Mənim macəram haqqında həqiqətlər” yazısının ilk sayı çap olunur. Nəticələr gözlənildiyindən də uğurlu olur. “El-Espektador”un bütün tirajı cəmi bir neçə saata satılır.

Matros hər gün redaksiyaya gəlir, Markes onun söhbətlərini qeyd edir, sahmana salır, səhərki nəşrə hazır edirdi. Gələcəyin nobelçi yazıçısı hekayəni matrosun dilindən elə ustalıqla yazır ki, hətta yaxın dostları da onun dənizçilik haqqında məlumatlarına təəccüb edir.

Velasko başına gələnləri olduğu kimi danışır. Sən demə qəzanın səbəbi fırtına deyilmiş. Gecikən maaşlarını alan matroslar pullarına soyuducu, paltaryuyan, qaz sobası kimi məişət əşyaları alıblarmış. Hərbi gəminin göyərtəsində yerləşdirilən yükün ipləri külək zamanı qopur, nəticədə yüklərlə birlikdə matroslar da dənizə düşür. Xilasedici qayıqlarda isə su və qida ehtiyatı olmadığından matroslar xilas ola bilmirlər. Təkcə Velasko möcüzə nəticəsində xilas olur. Matrosun danışıqlarından belə görünürdü ki, Hərbi Dəniz Qüvvələri bu faciədə məsuliyyət daşıyır.

Xəbər ölkədə ildırım sürətilə yayılır. Satış rekordlarına görə redaksiya on dörd məqalədən ibarət silsiləni iyirmi məqaləyə qədər artırır.

Kolumbiyanın Hərbi Dəniz Qüvvətləri qəzeti hədələyir. Markes Avropaya qaçmağa məcbur olur. Hadisədən on beş il sonra bu yazılar İspaniyada ayrıca kitab halında çap olunur. Markes “Açıq dənizdə boğulmayan adam haqqında hekayə” adlandırdığı kitabın ön sözündə belə yazırdı: “Bəzi kitablar onları yazanlara deyil, əzabını çəkənlərə aiddir; bu da o kitablardan biridir. Bu səbəbdən yazıçının qonorarı buna layiq olan haqq edən adama veriləcək: Bu kitabın yazılması üçün xilasedici qayıqda on gün ac və susuz qalmış adsız qəhrəmanımıza.”

Markesin tapşırığı ilə kitabın qonorarı on dörd il ərzində Luis Velaskoya göndərilir.

Amma günlərin birində vəkili Velaskonu inandırır ki, həmmüəllif kimi Velaskonun da adı qeyd olunmalı imiş.

Məhkəmədə Markesin vəkili kitabın ön sözünü fakt kimi irəli sürərək işi yazıçının xeyrinə udur. Markes kitabın qonorarını məhkəmədən sonra bir təhsil fonduna köçürməyə başlayır.

Qonorardan məhrum olan matros öz adını Markeslə yanaşı yazdıra bilməsə də böyük yazıçının bənzərsiz qəhrəmanlarından biri kimi tarixdə daim yaşayacaq.

news-inner-user
Mirmehdi Ağaoğlu

542 məqalə

Paylaş

Oxşar xəbərlər

Xəbər lenti

Nobeli alan yazıçının ilk müsahibəsi: “Qorxuram...”
21:00 17 Oktyabr 2019
Adil Cəmilin 65 illik yubileyi qeyd edilib
18:40 17 Oktyabr 2019
“Bir şeir” yarışmanın qalibləri mükafatlandırıldı - Fotolar
18:00 17 Oktyabr 2019
“YUĞ”da “Lənət” olacaq
16:57 17 Oktyabr 2019
Haqqımı mənimsəyən İmdat Avşar – Elçin Hüseynbəyli yazır...
16:15 17 Oktyabr 2019
Kəramət Böyükçöl: “O qız bilməliydi ki, mən anormalam” – Müsahibə
15:31 17 Oktyabr 2019
Bakıda ilk: Dayanacaqda kitab köşkü - Foto
14:45 17 Oktyabr 2019
“Danışır Bakı: 1900-1940-cı illər” adlı sərgi davam edir
14:17 17 Oktyabr 2019
Rusiyaya gedən azərbaycanlının kədərli tarixçəsi
13:30 17 Oktyabr 2019
Nəsiminin 650 illiyi UNESKO-da qeyd olunub
12:50 17 Oktyabr 2019
Bu şeirlər 10-luğa düşüb - Mətnlər
12:20 17 Oktyabr 2019
Bu gün qaliblərə mükafatlar təqdim olunacaq
11:35 17 Oktyabr 2019
Tarzanın oğlu anasını öldürdü
11:01 17 Oktyabr 2019
Kinonun ittifaq dərdi
10:33 17 Oktyabr 2019
Ceyms Coysun məzarı köçürülə bilər
10:00 17 Oktyabr 2019
Qızının elçilərini evdən qovan azarkeş
09:00 17 Oktyabr 2019
Mənim sevmədiyim futbol - Şərif Ağayarın yazısı
20:44 16 Oktyabr 2019
Şabanın oğlunun ata uğursuzluğu – “Hərəkət səkkiz” filminin pərdəarxası
17:44 16 Oktyabr 2019
Əmir Pəhləvanın 60 illiyi qeyd olunub
17:11 16 Oktyabr 2019
Sən günahkar deyilsən, Zeynəb – Yeni İmza
16:30 16 Oktyabr 2019