Azərbaycan Dövlət Mədəniyyət və İncəsənət Universitetinin (ADMİU) teatr sənəti fakültəsinin tələbələri Əməkdar İncəsənət Xadimi Əli Əmirlinin “Sevən qadın” psixoloji dramını tamaşaya qoyublar.
Diplom işi kimi təqdim olunan tamaşanın quruluşçu rejissoru musiqili teatr rejissorluğu ixtisasının IV kurs tələbəsi Şərəf Yusifova, baş rolların ifaçıları ADMİU-nun istedadlı tələbələri Natavan Abbaslı, Ümman Budaqov, Həcərxanım Cavanşir və Fəridə Əlizadədir. Universitetin “Səda” teatrında uğurla keçirilən tamaşa müəllim və tələbələrin alqışları ilə qarşılanıb.
Tamaşanın kurs rəhbəri əməkdar incəsənət xadimi Əliqismət Lalayev, diplom rəhbəri Xalq Artisti, professor İlham Namiq Kamaldır.
Qeyd edək ki, mürəkkəb kişi və qadın münasibətlərindən bəhs edən və əsasən aktyor ustalığına hesablanmış “Sevən qadın” bir neçə teatrda, o cümlədən Azərbaycan Dövlət Akademik Milli Dram Teatrında, Rusiya Federasiyasının Elista şəhərində fəaliyyət göstərən Kalmık Milli Dram Teatrında rus dilində səhnələşdirilib. /azərtac/
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər