Teoman aktyorluğa başladı

Kino

Ana səhifə
Kino

Teoman aktyorluğa başladı

12 avqust 2011

13:27

Musiqidən gedən Teoman yeni filmlə pərəstişkarlarının qarşısına çıxacaq.

Rejissoru Sinan Çetin yeni filmi “Çanaqqala uşaqları”nda müğənni Teomanın da rol aldığını bildirib.

O, yaxın dostu Teomanın filmin adının seçilməsində də iştirak etdiyini deyib: “Filmin adı “Çanaqqala ruhu” idi. Bəyənmədi, dəyişdirib “Çanaqqala uşaqları” etdi. Filmdə oynamağı çox istəyir. Film üçün mahnı da yazacaq. “Əgər” adlı bir mahnı yazır indi. Bizim ofisdə bir otağı var. Hər gün gəlib işlərimizə qarışır”.

Ssenarisinin də Sinan Çetinin yazdığı filmdə Haluk Bilginer, Oktay Qaynarca və Yavuz Bingöl baş rolları paylaşacaq. Film anaları ingilis, ataları türk olan iki qardaşın hekayəsini anladır.

Xatırladaq ki, Teoman əvvəllər də filmlərə çəkilib. O, “Balans ve Manevra” və “Romantik” filmlərində baş rolda oynayıb.

Günel ƏSGƏRZADƏ