news-inner
clock09:00 calendar-gray 17 May 2016 view-gray11037 dəfə oxunub
view-gray11037 dəfə oxunub

Laçın ağısı – ŞEİRLƏR

Kulis.Az Laçının işğalının 24-cü ildönümü ilə bağlı şair İlham Qəhrəmanın bu mövzuda yazdığı şeirləri təqdim edir.

Alt üzdə yazı

1

Əldə silah yurdunu geridə qoyub

Daşburundan bəri gəlir...

Bu kimdi – Məmməddi,

Bu kimdi – Əhməddi.

Alın isladan söhbətdi...

Əldə silah

torpaqdan qaçan oğulun

qazandığı “qaçqın” adının

alt üzündəki yazı “töhmət”di!

2

Əldə silah yurddan qaçan oğulun

yurd həsrəti, yurd sevgisi

Canda soyuqdəymə kimidi -

can sıxılar, tıncıxar.

Qaçanın yurd sevgisi

soyuqdəymə kimi

Puçur-puçur alın suyuynan

axıb candan çıxar.

...Daşburundan bəri gəlir,

Bu kimdi – Məmməddi,

Bu kimdi – Əhməddi,

Ölüb yerə girməli söhbətdi

15.03.15

Bizə salam düşmür

Div dedilər cırtdan çıxdıq,

Bizə salam düşmür, oğul!

Nə sifətdə yurddan çıxdıq?!

Bizə salam düşmür, oğul!

Viranələr qorxumuzcan,

Dəhnəmiz can, arxımız can.

Torpaq ağlar arxamızcan

Bizə salam düşmür, oğul!

Bu küçə küçən olmadı,

Canından keçən olmadı

Yüzüm bir çeçen olmadı,

Bizə salam düşmür, oğul!

Heç gördünmü mərd yarıdı?!

Çaqqal-çuqqal, qurd yarıdı.

Döyüşsəydik dərd yarıdı

Bizə salam düşmür, oğul!

Biz qisası canda boğduq,

Qılıncları qında boğduq,

Sizi borc altında boğduq,

Bizə salam düşmür, oğul!

Bəy olmuşuq, xan çıxmışıq,

Götürüb canı çıxmışıq

Sağ ikən canıçıxmışıq,

Bizə salam düşmür, oğul!

Kim bu şeirdən bezikdi

Şairdən ağzıbüzükdü.

Boynumuz qıldan nazikdi,

Bizə salam düşmür, oğul!

17.03.2016

Silah görəndə

Eymənirəm, ürpənirəm

Silah görəndə,

ya hərbi keçiddə,

ya bir törəndə.

Onun zəhmi basdı

itirdik totorpaqları.

Onun zəhmindən oldu

iman möhtaclığımız,

qeyrət quraqlığımız.

Onun zəhmindən oldu

babaların mirasına

keşikçi maymaqlığımız.

21.03.2016

***

Ağ suyu boyamış rəngtək canımda

Dostum, itirilmiş yurd əzabım var.

Deyirlər Laçını dəyişəcəklər

Qarmağa taxılmış qurd əzabım var.

19.04.2016

Laçın ağısı

Əlim qulağımda qalıb,

Mənəm eyyy, səni çağıran.

Bir gör yadına düşürəm? –

Fəhlə Umudun oğluyam,

Ay elim, heyyy,

Ay obam, hey...

Dilimdən düşməz deyərəm –

Bir axşam, bir səhər səni.

Dərdləri çinə vurmuşam,

Üstündən qoymuşam səni.

Sənin dağında, dərəndə

Görən məndən nəyim qalıb?!

Mən sənsiz dəliyəm, bircə -

Çöllərə düşməyim qalıb.

O dağların dalındadı

Dədəm evi, dədəm evi.

Azərbaycan azad oldu,

Ağlaya-ağlaya sevin.

Ay elim, heyyy,

Ay obam, hey...

Kim ki ağrıdan yazacaq,

Özünü oda salacaq.

Ac qılınca çapan yerdə

Səni kim yada salacaq?!

Ay elim, heyyy,

Ay obam, hey...

Bu şəhərdə dustaq mənəm,

Haram var, hara gedərəm.

Dostlar kənddən danışanda

Mən ölüb yerə girərəm.

Sən qara geyinən gündən

Bir geyinib bəzənmədim.

Sağam... ruhum canımdadı –

O dağlarda gəzən nədi?!

Necə yarasan bilmirəm,

Göynəyir duz basmasan da.

Sicim, ələk, sac var idi

Dəhlizin hər asmasında.

Dırmığımız, kərəntimiz

Ağacda sallaşa qaldı.

Xalamgilin oğlaqları

Mələşə-mələşə qaldı.

Cücəli toyuğumuzun,

Cücəsi öldü, ölmədi?!

Nənəm xəmir yoğurmuşdu,-

Xəmiri gəldi, gəlmədi?!

Ay elim, heyyy,

Ay obam, hey...

Bağında gül əkilən ev,

On beş ilə tikilən ev,

Gözlərimiz dikilən ev,

Dədəm evi, dədəm evi.

Allah vardı, kərim vardı,

Ölüm vardı, dirim vardı,

Bir vaxt güvənc yerim vardı,-

Dədəm evi, dədəm evi.

Ətirli iydə bilirdim...

Minnətsiz gedə bilirdim,

Dədəmə Dədə bilirdim,

Dədəm evi, dədəm evi.

Əlim qulağımda qalıb,

Mənəm eyyy, səni çağıran.

Bir gör yadına düşürəm? –

Fəhlə Umudun oğluyam,

Ay elim, heyyy,

Ay obam, hey...

May-iyun, 1998

news-inner-user

19981 məqalə

Oxşar xəbərlər

Xəbər lenti

Şəhid anasının əli ilə veriliş bağlayan Tolik
11:33 21 Sentyabr 2021
Səməd Vurğuna görə ianə toplanır – Foto
11:01 21 Sentyabr 2021
Laçında teatr açmaq istəyən aktyor – Müzakirə
10:33 21 Sentyabr 2021
Çingiz Abdullayev Vətən müharibəsindən hekayə yazdı – Mətn
10:05 21 Sentyabr 2021
Məşhur müğənni əməliyyat olundu
09:31 21 Sentyabr 2021
Toy gecəsi mahnıya görə döyülən gəlin – Yeni hekayə
09:01 21 Sentyabr 2021
Vyetnam prezidenti ilə dostluq edən, 4 qardaşını vaxtsız itirən, Türkan Şorayı filmə çəkən Xalq artistimiz - Maraqlı faktlar
21:00 20 Sentyabr 2021
Qarabağda 15 tarix-memarlıq abidəsi pasportlaşdırılıb
18:59 20 Sentyabr 2021
Pikassonun əsərləri Fransa hökumətinə bağışlanacaq
18:31 20 Sentyabr 2021
Britaniya filmi beynəlxalq müsabiqədinin qalibi oldu
18:00 20 Sentyabr 2021
Uşaqları sevməyimizin sirri - Sahib Altay yazır...
17:16 20 Sentyabr 2021
Məmməd Əmin Rəsulzadənin nəvəsinin ölüm anı lentə alınıbmış - İlk dəfə - Video
16:38 20 Sentyabr 2021
Soyuq burnunla toxunursan üzümə - Rasim Qaracadan şeirlər
16:17 20 Sentyabr 2021
Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyir? - Sorğu
14:41 20 Sentyabr 2021
"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021