news-inner
clock11:10 calendar-gray 13 May 2016 view-gray279 dəfə oxunub
view-gray279 dəfə oxunub

Bir güllə dənizə, bir güllə buluda... - ŞEİRLƏR

Kulis.Az gənc şair Ulucay Akifin yeni şeirlərini təqdim edir.

***

Daha güclü çiyinlərə
ehtiyacımız var
Bu arabanı çamurlu dərədən
çıxartmaq üçün.

Bax,
O boz dağların arxasında
buludlar qızarır.

Kim deyir ki,
İnsanlar fotosintezlə yaşamır?
Məsələn, mən,
Bir səhər çıxacaq günəşin
Eşqiylə yaşayıram.

Sən də inan,
Sən də inan, dostum.
O boz dağların arxasından
Günəş çıxmağa hazırlaşır.

Günəşli günlər üçün

Qalx,
üstünün tozunu çırp,
Bir çimdik qopar günəşdən,
Təbəssümlə gözünü qırp.
Bir çimdik qopar günəşdən.

Bir çimdik pənbə buluddan,
Bir çimdik göy qurşağından,
Bir ovuc mavi sulardan götür,
Səpələ ruhuna.

Dağıt köhnə üsulları,
Min bir cür köhnə yolları,
Lap uzanar səmaya da,
Sənin o incə qolların.

***

Bax, sevgilim,
Yeni günəşin rəngi sezilir üfüqdəki buludlardan.
Yeni günəşə hazırlaşır yeni səhərimiz,
Yetim qalmış ölkəmiz, yetim şəhərimiz.

Sən də ümidlərini geyin ruhuna.
Gülümsə.

Günəşli günlərin xətrinə, gülümsə.
Bax, yumurtadan cücə çıxırmış kimi,
Yeni şəhər çıxır bu şəhərin uçqunları altından.

Bəlkə görə bildik, bəlkə görmədik
Bəlkə isitmədi bizi o günəş,
Amma kim deyir ki, kərpic hörmədik
Həmin şəhər üçün, həmin günəş üçün.

Qalx daha, sevgilim, qalxmaq vaxtıdı.
Daha dizlərimiz qanamayacaq.
Qalx, bizdən sonrakı nəsillər üçün,
Savaş olmayacaq, qan olmayacaq.

İnan, qəbrimizə qonan quşlar da,
Susuz qalmayacaq, ac olmayacaq.

Kimsəsiz adamlar

Kimsəsiz uşaqlar da böyüyüb
çevriləcək kimsəsiz adamlara.
Necə ki, hamımız böyüyüb
Çevrilirik kimsəsiz uşaqlara.

Ən yaxın dostlar əriyib getdikcə
Həyatın içində,
Ən böyük sevgilərdən geriyə
sadəcə xatirələr qaldıqca,
Boylanırıq geridə qalan uzaqlara.
Hamımız böyüyüb
çevrilirik kimsəsiz uşaqlara.

***

Şəhid analarına ithaf edilir

Bir güllə dənizə,
bir güllə buluda,
bir güllə də günəşə atın,
əgər gücünüz çatırsa onları da öldürün.
İnsanları öldürməyə nə var ki?

Qaz sobasında çaydan cızıldayır,
"Cəbhə xəttində atəşkəs yenə pozulub,
Atışma nəticəsində bir əsgərimiz şəhid olub,
Allah rəhmət eləsin" - deyir xəbərçi qız.

Anam qulağını dartıb
əli ilə taxtanı tıqqıldadır,
Mənə baxıb əllərini göyə qaldırır.

Qaz sobasında çaydan cızıldayır,
Hövsələsi çatmayanlar kanalı çevirir.
Başqa evdə isə bir şəhid anası
Həmin o çaydanı devirir.

Elə bil çaydana da güllə dəyir.
Qapağı bir tərəfdə, suyu döşəmədə.
Ayaqları yox, ürəyi yanır ananın.
Su buxarlanır,
Çaydan cızıldayır.

news-inner-user

19967 məqalə

Oxşar xəbərlər

Xəbər lenti

"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021
Qəbrinin üstündə kitab rəfi yaradılan Nərminin hekayəsi
11:00 20 Sentyabr 2021
Çinarənin mahnısı qalmaqal yaratdı - Oğru kimdir?
10:31 20 Sentyabr 2021
Güllü Muradova: “Məni efirdə görüb, deyib, bu qızı alacam” – Müsahibə
09:00 20 Sentyabr 2021
Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021