news-inner
clock11:49 calendar-gray 11 May 2016 view-gray220 dəfə oxunub
view-gray220 dəfə oxunub

Allahım, sən alma bu gözəlliyi... - Ülkər Piriyevanın şeirləri

Kulis.Az BSU Yaradıcılıq fakültəsinin tələbəsi Ülkər Piriyevanın şeirlərini təqdim edir.

Bu yerlər

Bu yerlər, bu yerlər məni yaşadan,

Ürəyim havasın udduğu yerdir.

Gecələr içində canı sıxılan,

Bir zaman günəşi batdığı yerdir.

Müqəddəs torpağın lap buz halında,

Gəzərəm üstündə ayaqyalın da.

Gör neçə igidin vətən yolunda,

Özünü alova atdığı yerdir.

İçində yüz arzu, min arzu dünya,

İnsan sevgisinə tamarzı dünya.

Bir daha eşıdıb bilsin bu dünya,

Türklərin ocaqlar çatdığı yerdir.

İgidlik verilib ər gözəlinə,

Donaram, bir qarış çıxsam çölünə.

Vətən bayrağını alıb əlinə,

Sinəsi üstündə tutduğu yerdir.

Bəzən görərsən ki, bəxt də, qaradır,

Torpaq hara baxsan, para-paradır.

İlahim, ibadət yerim buradır,

Qəhrəman oğullar yatdığı yerdir.

Yolu çətin oldu, çətin millətin,

Əzabı çox imiş mətin millətin.

Zülmdən qurtulan bütün millətin,

Azadlıq tamını daddığı yerdir...

Həyat

Ağacdan, insandan, daşdan, qayadan,

Hamıdan, hər şeydən keçirsən, həyat.

Beləmi tapşırıb Ulu Yaradan,

Canı şərab kimi içirsən, həyat!

Dərdimi bölüşdüm dənizlə, çayla,

Hönkürə-hönkürə səslə, harayla.

Məqamla, fəsillə, saatla, ayla,

Hər kəsin vaxtını ölçürsən, həyat!

Səninlə gah küsər, gah barışarıq,

Sənli fikirlərim qatmaqarışıq.

Hər kəsin qəlbində bir cürə işıq,

Boyadan-boyaya köçürsən, həyat!

Hərarət duyulmaz sönmüş çıraqdan,

Sevgim kül bağlayıb qaçır ocaqdan.

Gah gözdən salırsan, gah ucalıqdan,

Əzirsən, döyürsən, biçirsən, həyat!

Hər ömrün öz yası, toyu, büsatı,

Dağılan lələyi, sınmış qanadı.

Mən haqqı gəzirdim dərd qabaqladı,

Kaş, erkən biləydim, nə cürsən, həyat!

Allahım sən alma bu gözəlliyi

Düşüb yer üzünə Tanrıdan gəlir,

Torpaq gözəlliyi, su gözəlliyi.

Hələ qoy yaşayaq günlər içində

Allahım, sən alma bu gözəlliyi...

Bir üzü qaranlıq bir üzü işıq,

Elə başdan-başa dünya yaraşıq.

Hələ gözəllikdən heç doymamışıq,

Allahım, sən alma bu gözəlliyi...

Haqq ilə nahaqqı ayırır insan,

Ruhunu söz ilə doyurur insan..

Qəlbini içindən sıyırır insan,

Allahım, sən alma bu gözəlliyi...

Hər xeyir tapılar bir itən şərdə,

Nə deyim sonumda gizlənən dərdə...

Gözəllik eşqiylə gəzir bəşər də,

Allahım sən alma bu gözəlliyi...

news-inner-user

18116 məqalə

Oxşar xəbərlər

Xəbər lenti

Dovşanın ölümü - Afaq Məsudun hekayəsi
16:30 08 Mart 2021
Qadınlar bayramı faciədən doğuldu – 8 Mart haqqında 8 fakt
12:30 08 Mart 2021
Gülay Hüseynova: “Mənə seksist suallar verirsən” - Müsahibə
09:00 08 Mart 2021
Qızı tərəfindən tərk edildi, kirayələrdə yaşadı, küçədə dünyasını dəyişdi – Xalq artistindən maraqlı faktlar
15:30 07 Mart 2021
Bəzənib, qurşanıb sеyrə çıxan yar... – Aşıq Ələsgərdən qoşma çələngi
11:00 07 Mart 2021
Məşhur müğənni kitabxanada striptiz klip çəkdi – Video
18:00 06 Mart 2021
Xalq artisti “Ay laçın” mahnısına klip çəkdirdi - Video
17:05 06 Mart 2021
Papaq - Cəfər Cabbarlının hekayəsi
16:32 06 Mart 2021
“Digitalart-lab” layihəsi çərçivəsində ustad dərsi keçirilib
16:10 06 Mart 2021
Oğuruq əşyalar Luvr muzeyinə qaytarıldı
15:02 06 Mart 2021
Qocalar evində yaşayan aktrisa vəfat etdi
13:45 06 Mart 2021
Tez öləcəyini bildiyi üçün evlənməyən aktyorumuz - Maraqlı faktlar
12:30 06 Mart 2021
Berlin Film Festivalının qalibləri açıqlandı
11:13 06 Mart 2021
Xalq rəssamı haqqında tədbir keçirilib
10:12 06 Mart 2021
Kişilərə qarşı terror törədən feministlər – Sevda Sultanova yazır...
09:01 06 Mart 2021
“Baku” jurnalı “Yandeks dzen” platformasında təqdim olunur
18:55 05 Mart 2021
Qadınlar Gününə həsr olunmuş sərgi keçiriləcək
18:01 05 Mart 2021
Qadına görə özünü yandıran məşhur meyxanaçı - Məşədibaba Elçini niyə öldürmüşdü? - Video
17:09 05 Mart 2021
“Oyaq gözəl” tamaşası onlayn nümayiş ediləcək
16:22 05 Mart 2021
Yanlış tanıdığımız Amerika – Cavid Ramazanov yazır
15:30 05 Mart 2021