news-inner
clock11:38 calendar-gray 11 May 2016 view-gray159 dəfə oxunub
view-gray159 dəfə oxunub

Gənc yazar: “İki ilə dörd roman yazdım”

Kulis.Az gənc yazar Məsudə Cabbarla söhbəti təqdim edir.


- Nə vaxtdan yazırsınız?

- 18 yaşımdan etibarən. Əslində daha əvvələ də getmək olar amma o qədər də önəmli yazılar olmayıb.

- Səhv etmirəmsə, roman yazmazdan öncə “Pıçıltı” adlı Facebook səhifəsi işlədirdiniz, xeyli də izləyicisi vardı. Səhifədən öncə başladınız roman yazmağa yoxsa sonra?

- “Pıçıltı”nın bu işlərimlə əlaqəsi yoxdur. İllər öncə təmənnasız yaratdığım səhifə idi sadəcə.

- Romanı da təmənnasız yazırsınız?

- Məqsədim oxucu qazanmaq, ilk kitabımı oxuyan insanın ürəyində ikinci kitabımı da oxuması üçün az da olsa istək yarada bilməkdir.

- Neçə romanınız var?

- Gələn ay artıq 4 olacaq.

- Neçə il ərzində yazıldı bu 4 roman?

- İki il ərzində çıxdı. 3-cü romanım nəşriyyat tərəfindən alındı.

- Bir çox yazar yeni fikir , yeni ideya, missiya ilə yazdığı halda məncə siz tamam başqa yöndə sevildiniz. Hər kəsin bildiyi, yaşadığı illərin nostalgiyası var.

- Yeni ideya əlbəttə ki, lazımdır. Amma bunu elə etmək lazımdır ki, oxucu oxuyanda az da olsa nəyəsə ümid edə bilsin. Tək olmadığına inansın.

- İxtisasınız nədir?

- Ali təhsilim yoxdur.

- Bildiyim qədəri ilə filmləri və kitabları çox sevirsiniz. Maraqlıdır, kimləri oxuyursunuz? Sevdiyiniz rejissorlar kimlərdir?

- Miloş Forman. Bu rejissorun yeri ayrıdır. Ən sevdiyim yazarlar: Brandon Sanderson, Patrick Ness və Xalid Hüseyni.

- Azərbaycan ədəbiyyatından kimləri oxuyursunuz?

- Əgər günümüz ədəbiyyatını nəzərdə tutursunuzsa Rasim Qaraca və Elxan Qaraqanın kitablarını oxumuşam.

- İki ilə 4 roman yazmaq ədəbiyyata nə dərəcədə ciddi yanaşmaqdır? Məsələn, Nobel ödüllü yazıçı Orhan Pamuk romanını 3, 4, 6 il ərzində yazır.


- Daha ciddi ədəbiyyat deyəndə maraqlıdır, siz nəyi nəzərdə tutursunuz. Bu o deməkdir ki, 6 ilə kitabı bitirən biri mütləq şəkildə 6 aya kitab bitirən birindən çox daha mükəmməl yazır. Təbii ki, mən bu misalda özümü nəzərdə tutmuram.

- Oxucu kütləsi toplayandan sonra belletristikadan uzaqlaşıb daha ciddi nələrsə yazasınız? Mütaliə etdikcə yazmamaq kimi istəyiniz yaranırmı?

- Xeyr, daha çox mütaliə daha çox həvəsləndirir. Çünki öz səhvlərini görüb onları doğruya çevirmək şansın var. Yavaş-yavaş düzəlmək və bunu edərkən oxucudan utanmamaq, hətta onların dəstəyini görmək çox xoşdur.

- Sevdiyiniz ədəbi cərəyan?

- Realizm və Modernizm

- Bir az da yeni romanın mövzusundan danışaq. əvvəlkilərə bənzəyir?

- Bitib artıq. Fərqli mövzusu var. Bir çox elmi məlumatlar və faktlardan ibarətdir.

- Bilim-qurğu janrında?

- Bilmirəm, tam olaraq bilim-qurğu sayılır, ya yox. Çünki tamam elmi kitab deyil. Real həyatla qaynayıb-qarışıb bir az.

- Şeirlə aranız necədir?

- Açığı şeir çox oxuyan deyiləm, amma Mikayıl Müşfiqin şeirləri hər zaman ürəyə toxunub.

- Romanlarınızın adları?

- “Aciz qalan ulduzlar”, “Göy qurşağının bitdiyi yer”, “Ən” və “Dinlə məni”.

- Ədəbiyyatla bağlı gələcək planlarınız...

- Daha da təkmilləşmək, fikirlərimi və yaşantılarımı oxucularla paylaşmaqdır.

Dəniz Pənahova

Oxşar xəbərlər

Xəbər lenti

Ağ ölümə qurşandı, səsini və ailəsini itirdi, mənzilində ölü tapıldı – Elçin Cəlilovun faciəvi həyatı
13:01 14 İyul 2020
Yazıçılar Birliyi bəyanat verdi - Mətn
12:26 14 İyul 2020
Şəhriyar del Gerani: “Oxuculardan üzr istəyirəm”
11:52 14 İyul 2020
Güllələr demədi geri qayıdın - Günün şeiri
11:08 14 İyul 2020
Şəhid uşaqlarının ürək parçalayan fotoları – Onlara bu travmanı yaşatmayaq
10:30 14 İyul 2020
Stiven Kinqin hekayələri film olacaq
09:58 14 İyul 2020
Sonsuz - Şərif Ağayardan yeni hekayə
08:57 14 İyul 2020
Mübariz Örəndən yeni hekayə: İlıq
21:00 13 İyul 2020
Nərgiz İsmayılovanın yeni monoqrafiyası nəşr olundu
18:44 13 İyul 2020
Bollivud ulduzu koronavirusa yoluxdu
18:02 13 İyul 2020
Payızda vağzala getməyəsən... - Poetik etüdlər
17:36 13 İyul 2020
Mirmehdi Ağaoğlunun Türkiyədə hekayələr kitabı çap olundu
17:18 13 İyul 2020
On beş ilin salamı – Kənan Hacı yazır
16:39 13 İyul 2020
Bu gün “Vətən borcu” filminin premyerası olacaq
15:51 13 İyul 2020
Tənqidin sərhədləri - Qismətin Tomas Eliotdan tərcüməsi...
15:10 13 İyul 2020
Məşhur müğənni kitab yazdı
14:25 13 İyul 2020
Koronavirusa həsr olunan film çəkilir
13:37 13 İyul 2020
Elvis Preslinin nəvəsi intihar etdi
12:56 13 İyul 2020
Qanıyla torpağa “Qarabağ” yazan, son nəfəsdə şikəstə oxuyan, mina ilə tankın altına sürünən Azərbaycan əsgəri – Müharibə əhvalatları
12:15 13 İyul 2020
Ötən günün müharibə həyəcanı
11:37 13 İyul 2020