news-inner
clock09:00 calendar-gray 06 May 2016 view-gray303 dəfə oxunub
view-gray303 dəfə oxunub

Aqşin Yenisey: “İndi nə yaza, nə içə bilirəm”

Kulis Aqşin Yeniseylə müsahibəni təqdim edir.

- Vidalaşma şeirinizdə belə bir misra var: Soruşma xoşbəxtliyə necə getmək olar? Hardan getmək olar? Hələ də bu suala cavab tapa bilməmisiz? Ümumiyyətlə xoşbəxtliyə getmək olarmı?

- Şeirdəki suallar cavab tapmaq üçün deyil, poeziyanın riyaziyyatdan, fizikadan fərqi də elə budur. Poeziya gözlənilməz təsəvvürlərdən ibarət olduğu üçün onun verdiyi suallar da öz gözlənilməzliyi ilə maraqlıdır. Poeziya avtobusdan məhz belə soruşa bilər ki, insanın birini xoşbəxtliyə neçəyə aparırsınız? Əgər o soruşsa ki, Məleykə Əsədovanın evinin yanından keçirsinizmi, heç vaxt poeziya ola bilməz. Şeir din kimi məntiqdənkənar hadisədir, şeir özü-özünün izahıdır, ya heyran olmalısan, ya asi.

- Bakı şeir şəhəridir?

- Bakı daha çox nəsr mövzusudur. Mən şeir üçün Gəncəni seçərdim. Bizim ədəbiyyatımızın paytaxtı kimi Gəncə daha genişdir. Bakıya sığınmaqla ədəbiyyatımızdakı mövzuların ərazisini də kiçiltmişik. Şairləri Bakıda saxlayan iş yerləridir. Fikir verin, son on ildə Bakıda daha sevgi şeirləri yazılmır, sevgi mövzu kimi nəsrin diqqətini cəlb etmir. Bu, təkcə cinslərarası münasibətlərə aid deyil. Bakıda elə vətəni də sevən azdır. Çünki paytaxtda insanlar arasında sevgi, ümumiyyətlə, bir rabitə vasitəsi kimi sıradan çıxıb. Onun yerini məişət rəqabəti tutub. Yalnız məişətdə özünü təsdiqləmiş adamlar Bakıda sevgiyə layiqdir. Amma tarixin bütün eşq qəhrəmanları məişətdən üz çevirib çöllərə düşən divanələrdi. Ədəbiyyat divanəlik sənətidir. Nə qədər ki, ədəbiyyatımızda divanəlik var idi, Azərbaycanın ərazisi də geniş idi, Dərbənddən başlayıb Dəməşqdə qurtarırdı. Divanəliyimiz çəkildikcə vətənimiz də kiçildi. Mən Bakıda özümü hər gün işə gedib-gələn bir divanə cəsədi kimi hiss edirəm. Görünür, istedadım məni divanəyə çevirəcək gücdə deyildi ki, mən də Bakının adiliklərinə yenildim, azadlığı rahatlığa dəyişdim.

- Sizin, fikrinizcə, Azərbaycan nə qazandı bu müharibədə?

- Mənim dediyim divanəlik budur. Bu döyüşlərdə Azərbaycanın içindəki vətən divanəliyi, torpaq eşqi özünü göstərdi və biz qazandıq. Ölkə ilə bərabər insanların da ruhani, mənəvi ərazisi böyüdü, genişləndi. Mən bu müharibəyə bazarkom təfəkkürü ilə yanaşan intellektual humanistlər kimi yanaşmıram. 25 ildir ki, Azərbaycanda düz-əməlli sənət əsəri yaranmır, incəsənətin heç bir sahəsində yenilik yoxdur. Bilirsinizmi niyə? Çünki biz 25 ildir müharibədə vətənimizi itirmişik. O itirdiyimiz torpaqlar bizim ruhumuzdan, mənəvi energetikamızdan gedib. Qarabağ itkisi həm də bizim mənəvi şikəstliyimizdir. Ona görə cır-cır şairlər, bəstəkarlar, rəssamlar doğulur ölkədə. Mədəniyyətimizdən 25 ildir milçək vızıltısı eşidilir. Məğlub atanın belindən məğrur oğul gələ bilməz. Bütün xalqların mədəniyyəti ilə tarixdə apardığı müharibələrin sayı arasında bir uyğunluq var. Mədəniyyət xalqların qanla həyata keçirə bildiyi arzularıdır. Müharibə cəmiyyət hadisəsi deyil, təbiət hadisəsidir. Ya döyüşüb sağ qalacaqsan, ya da səni yeyəcəklər.

- Tolstoyun belə bir fikri var: “Hökumət gücünü xalqın cahilliyindən alır”. Siz necə düşünürsüz?

- İstənilən hökumət xalqın öz övladıdır, sözsüz ki, söhbət azad xalqlardan gedir. Cahil xalq aqil hökumət yetişdirə bilməz. Xalq cahildirsə, onun hökuməti də öz günündə olacaq. Bu Tolstoyun dövründə də belə olub, bundan sonra da belə olacaq. Hökumət ilanın qabığı kimi bir şeydir, altda yenisi əmələ gəlincə, üstəki köhnəlmiş qabıq öz-özünə yırtılıb məhv olur. Tarixdə xeyli nümunələr var ki, xalq öz taleyinə təhlükə hiss eləyəndə hökumətsiz də qərar verməyi, uğur qazanmağı bacarıb. Məsələn, yəhudilər min il dünyada hökumətsiz yaşayıblar. Sadəcə, özlərinin mənəvi-ruhani kimliklərinə sədaqət eşqi onları bir xalq kimi tarixin bütün sınaqlarından qorudu. İkinci Dünya müharibəsindən sonra almanlar demək olar ki, hökumətsiz idilər, amma alman iradəsi hökumətsiz də öz sözünü dedi. Azərbaycan xalqının yaxın tarixinə baxın, elə bir tarixi məqam tapa bilməzsiniz ki, biz əlimizə düşən tarixi fürsəti xalq olaraq qaçıraq.

- Sizi nə ruhdan salır adətən? Ən çox hansı ruh halında yazırsız?

- Məni heç nə ruhdan salmır, əksinə, ruhdan salan şeylərə əsəbiləşirəm ki, bu da mübarizə, müqavimət gücümü artırır. Açığını deyim ki, hər hansı bir dindar, yaxud aristokrat kimi ruhani vəziyyətimə qulluq və nəzarət etməyi sevmirəm. Mənim azadlığım özümün özümə verdiyim mənəvi özbaşınalığımdır. Bütün yaradıcılığım da bu mənəvi-ruhani özbaşınalığımın nəticəsidir.

- Şeiri yazıb bitirdikdən sonra hansı hissləri keçirirsiz?

- Əvvəllər xoşuma gələn bir şeiri yazanda onun şərəfinə tək içirdim və şeiri yüksək səslə güzgü qabağında bir neçə dəfə özümə oxuyurdum. Sözsüz ki, evdə adam olmayanda. Ya da gözləyirdim, hərə bir yerə gedəndən sonra şeirlə təkbətək qalanda bunları edirdim. Xəstələnəndən sonra hər şey məhv oldu; indi nə yaza, nə içə, nə də oxuya bilirəm.

- Yeni nəsr əsəri yazırsız. Deyəsən adı da “Dan yeri”-dir. Nə çatdırmaq istəyirsiz? Mövzusu nədir?

- Tarixlə allah arasında çapalayan insan haqqındadır yeni kitab, amma yazı mətbəximin sirrini açmaq, oxuculara bəri başdan istiqamət vermək istəmirəm.

Səmayə Nənə

news-inner-user

19977 məqalə

Oxşar xəbərlər

Xəbər lenti

Vyetnam prezidenti ilə dostluq edən, 4 qardaşını vaxtsız itirən, Türkan Şorayı filmə çəkən Xalq artistimiz - Maraqlı faktlar
21:00 20 Sentyabr 2021
Qarabağda 15 tarix-memarlıq abidəsi pasportlaşdırılıb
18:59 20 Sentyabr 2021
Pikassonun əsərləri Fransa hökumətinə bağışlanacaq
18:31 20 Sentyabr 2021
Britaniya filmi beynəlxalq müsabiqədinin qalibi oldu
18:00 20 Sentyabr 2021
Uşaqları sevməyimizin sirri - Sahib Altay yazır...
17:16 20 Sentyabr 2021
Məmməd Əmin Rəsulzadənin nəvəsinin ölüm anı lentə alınıbmış - İlk dəfə - Video
16:38 20 Sentyabr 2021
Soyuq burnunla toxunursan üzümə - Rasim Qaracadan şeirlər
16:17 20 Sentyabr 2021
Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyirlər? - Sorğu
14:41 20 Sentyabr 2021
"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021
Qəbrinin üstündə kitab rəfi yaradılan Nərminin hekayəsi
11:00 20 Sentyabr 2021
Çinarənin mahnısı qalmaqal yaratdı - Oğru kimdir?
10:31 20 Sentyabr 2021
Güllü Muradova: “Məni efirdə görüb, deyib, bu qızı alacam” – Müsahibə
09:00 20 Sentyabr 2021
Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021