news-inner
clock15:22 calendar-gray 02 May 2016 view-gray214 dəfə oxunub
view-gray214 dəfə oxunub

Elçin Hüseynbəylinin Qarabağ haqda hekayəsi Litvada

Tanınmış yazıçı və dramaturq Elçin Hüseynbәylinin Qarabağ müharibəsi mövzusunda yaratdığı məşhur əsərlərdən biri - “Boz eşşəyin məktubları” adlı hekayәsi Litva dilində işıq üzü görübdür. Hekayə Litva Yazıçılar İttifaqının “Literatura ir Menas” (“Әdәbiyyat vә İncәsәnәt”) hәftәliyinin 8 aprel 2016-cı il tarixindә çıxmış 14-cü sayında çap edilibdir.

Əsəri orijinaldan litvacaya tanınmış türkoloq alim və tərcüməçi, karay türklәrinin ünlü simalarından biri, nüfuzlu Litva ictimai xadimi, Litvanın Azərbaycan və Türkiyədəki sabiq səfiri, Azәrbaycan Yazıçılar Birliyinin fәxri üzvü Halina Kobetskayte vә Litva Azәrbaycanlıları Cәmiyyәtinin sәdri, Litva Ədəbi Tərcüməçilər İttifaqının üzvü, ədəbiyyatşünas və tərcüməçi Mahir Hәmzәyev çeviriblәr.

Publikasiya, litoqrafiya və oymaları ilə tanınmış latış rəssamı və qrafika əsərləri ustası Lasma Puyatenin linoqravür texnikası üsulu ilə yaratdığı „Resolve“ („Düyün“) adlı əsəri ilə illüstrasiya olunubdur.

Bu tәrcümә Litva oxucularının E. Hüseynbәyli yaradıcılığı ilә ilk tanışlığı deyildir. Belә ki, 2013­cü ildәn indiyədək Litvanın әdәbi­bәdii jurnallarında Azәrbaycan nasirinin yeddi әsәri – “Nәnәm, babam vә kommunizm”, “Sular günәşә nәğmә oxuyanda”, “Mәzar gәlini”, “Gözünә gün düşür”, “İlk öpüş”, „Oyun“ vә “Qumru quşu” adlı hekayәlәri oxuculara tәqdim olunmuşdu. Odur ki, „Boz eşşəyin məktubları“-nın tərcüməsi ədibin Litva oxucuları ilə səkkizinci görüşüdür.

Göstərilən hekayələrdən ikisi - “Gözünә gün düşür” və „Boz eşşəyin məktubları“ əsərləri Azərbaycan nəsrində Qarabağ müharibəsi mövzusunda qələmə alınmış və diqqəti cəlb edən məşhur əsərlər sırasına daxildir.

E.Hüseynbəylinin Litva әdәbi­mәdәni ictimaiyyәti tәrәfindәn ciddi maraqla qarşılanmış әsәrlәri Litva Azәrbaycanlıları Cәmiyyәtinin tәşәbbüsü ilә tәrcümә edilib yayımlanıbdır.

1988­ci ildә Vilnüsdә yaradılmış Litva Azərbaycanlıları Cəmiyyətinin prioritet məqsədlərindən biri Ermənistan-Azərbaycan, Qarabağ münaqişəsilə ilgili həqiqətləri, tarixi bilgiləri və xalqımızın haqq səsini Litva ictimaiyyətinə çatdırmaq, ölkədə ictimai fikri doğru istiqamətdə formalaşdırmaq üçün təbliğat və maarifləndirmə tədbirləri keçirmək, Ermənistanın işğalçı siyasətini ifşa edərək onu qınaq hədəfinə çevirmək, Litva xalqını bu münaqişəyə biganə qalmamağa çağırmaq, münaqişənin beynəlxalq hüquq normaları əsasında və Azərbaycanın ərazi bütövlüyü çərçivəsində həllinin zəruriliyini əsaslandırıb təşviq etmək, problemi daima ictimaiyyətin diqqətində saxlamaq və onun ədalətli həllinə Litva Respublikasının Seymi və Hökuməti tərəfindən siyasi dəstəyin verilməsi üçün lazımi lobbiçilik fəaliyyəti qurub konstruktiv addımlar atmaqdan ibarətdir.

İndiyәdәk Cәmiyyәt tәrәfindәn bu yönümdә bir sıra konkret işlәr görülübdür. Həmin işlərin davamı olaraq, E. Hüseynbәylinin hekayələrinin, həmçinin onun Qarabağ müharibəsi mövzusunda əsərlәrinin litvaca nəşr olunması oxucuları müasir Azərbaycan nəsrinin önəmli nümunələrilə tanış etmək, Litva-Azərbaycan ədəbi əlaqələrinin üfüqlərini genişləndirmək və xalqlarımızın mədəniyyətlərarası dialoqunu inkişaf etdirməklə yanaşı, həm də Qarabağ müharibəsilə bağlı həqiqətləri və onun indiki ağrı-acılarını bədii üsullarla Litva ictimaiyyətinə çatdırmaq işinə xidmət edir.

Mahir Həmzəyev

Litva Azərbaycanlıları Cəmiyyətinin sədri,

Azərbaycan Yazıçılar Birliyinin fəxri üzvü

Vilnüs, 2 may 2016-cı il.

Literatura ir Menas_2016 04 08.jpg görüntüleniyorLiteratura ir Menas_2016 04 08.jpg görüntüleniyor

news-inner-user

19970 məqalə

Oxşar xəbərlər

Xəbər lenti

Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyirlər? - Sorğu
14:41 20 Sentyabr 2021
"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021
Qəbrinin üstündə kitab rəfi yaradılan Nərminin hekayəsi
11:00 20 Sentyabr 2021
Çinarənin mahnısı qalmaqal yaratdı - Oğru kimdir?
10:31 20 Sentyabr 2021
Güllü Muradova: “Məni efirdə görüb, deyib, bu qızı alacam” – Müsahibə
09:00 20 Sentyabr 2021
Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021