writer1

Elçin Hüseynbəyli

Məqalə sayı

66
clock13:27 calendar-gray 26 Aprel 2016 view-gray321 dəfə oxunub
view-gray321 dəfə oxunub

Qonşu qadından siqaret soruşan kişi

Kulis.az Elçin Hüseynbəylinin “Qonşu, ay qonşu” yazısını təqdim edir.

Dördüncü mərtəbənin balkonunda bu binaya təzə köçmüş bir qadın paltar asır.

Birinci mərtəbədə yaşayan ahıl bir kişi isə başını yuxarı qovzayıb çağırır:

- Qonşu, ay qonşu!

Qadın bu səsə əhəmiyyət vermir. Amma səs kəsilmək bilmir:

- Qonşu, ay qonşu!

Qadın bu dəfə kişiyə reaksiya verir. Əlində asdığı paltarı məhəccərin üstünə qoyur və kişiyə baxır.

- Qonşu, ay qonşu, sizdə siqaret çəkən var?

“Əcəb işə düşdük e! Bu kişinin başı xarabdı-nədi!? Qadından siqaret soruşur. Yenə də qapıbir qonşu olsaydı. Yoxsa ki, birinci mərtəbə. Heç salam-kəlamları da yoxdu. Getsin dükandan alsın da!”

- Qonşu, ay qonşu, sizdə siqaret çəkən var?

Ər evdə, qardaşı da yanında. İndi səsini necə çıxarsın. Deməzlərmi ki, yad adamla sənin nə işin var? Ona görə də başını bulayır, yəni ki, yoxdu. Əslində qadın, yumşaq desək, düz demir. Əri hərdən balkonda durub siqaret tüstülədir, qardaşı da ondan geri qalmır. Amma məcburdu ki, yox desin.

Kişi başını yelləyir və həyətdə əkdiyi ağacların dibindən, gül kollarının arasından siqaret kötükləri dənləyir. Qadın bu dəfə məsələnin məğzini anlayır. Demə, yuxarı mərtəbədə kimsə siqaret çəkib yerə atır, həyəti zibilləyir. Amma qadın yenə də ona əhəmiyyət vermir və paltar asmaqda davam edir.

- Qonşu, ay qonşu!

Qadın yenə də əlini saxlayır.

- Deyirəm, bəlkə qonaqlardan-zaddan...

“Bu kişi ekologiya polsidi-nədi? Lap elə çəksinlər. Ona nə?” Amma yenə də başını bulayır, yəni ki, yox.

Kişi yenə də kor-peşman və narazı halda siqaret kötüklərini yığmağa davam edir. Qadın anlayır ki, həmin adam bu balkonda kiminsə siqaret çəkib yerə atdığını görüb. “Qoca kişisən, get yat da, qonşuları niyə güdürsən!?” Qadın ürəyində bu cür fikirləşir və içəri keçir. Paltarların çoxuna ipəzor (şpilka) vurmağı da yadından çıxarır.

Bir azdan güclü külək qalxır. Qadının asdığı paltarlar pərən-pərən düşür. Qadın tez balkona qaçır, paltarları yığışdırır.

Bir azdan sonra külək yavaşıyır. Qadın paltarları təzədən asmaq istəyir. Və yenidən həmin səsi eşidir:

- Qonşu, ay qonşu!

“Əcəb işə düşdük e!”

Bu dəfə qadın dözmür və əllərini işə salır. Əsəbi şəkildə və səsini çıxarmadan soruşur: “Hə, nədi?!”

- Qonşu, ay qonşu, bu paltar sizindi? Qadın baxır ki, kişi əlində qadın alt paltarı tutub. Pərt olur. Kişiyə də acığı tutur ki, qadından belə şey soruşarlar? “Abır-həyası yoxdu e, bunun!” Qadın hirslə başını bulayır, yəni bizim deyil. Onun paltar asmaq həvəsi ölür. Birdən əri, ya qardaşı balkona çıxdı?

Ona görə də içəri keçir.

Birinci mərtəbədə yaşayan kişinin yenə də səsi gəlir.

- Qonşu, ay qonşu!

Bu dəfə əri və qardaşı balkona çıxmaq istəyirlər ki, görən aşağıdakı qonşu nə istəyir.

Qadın onları sakitləşdirir:

- Başdanxarab bir kişidi. İkinci mərtəbədəki qonşunu çağırır. Deyəsən, onlar da evdə yoxdular...

Səs isə kəsilmək bilmir:

- Qonşu, ay qonşu!

“Azar, çor qonşu!” – Qadın ürəyində fikirləşir və evin kişilərinə çay gətirmək üçün mətbəxə adlayır...

- Qonşu, ay qonşuuu!!!

REKLAM

Yazarın digər yazıları

Xəbər lenti

Ən başıbəlalı mahnımız: Onu Fatimeyi-Zəhraya, Şah İsmayıla və Cəfər Cabbarlıya nə bağlayır?
09:02 31 İyul 2021
Facebookda tənha insanları necə tanımaq olar?
21:00 30 İyul 2021
Ssenaristlər üçün Yay Məktəbi təşkil olunur
19:00 30 İyul 2021
Şəhidlərə həsr olunmuş kitab işıq üzü görüb
18:05 30 İyul 2021
Ürək dil acır ki, sönməmiş odum - Səməd Vurğundan şeir çələngi
17:30 30 İyul 2021
Qısa hekayə: Yanğın
16:23 30 İyul 2021
Hüquqşünas teatra rəhbər gəldi
15:30 30 İyul 2021
Xalqı efirdən partizan hərəkatına çağıran Xalq artisti - O, İlhamə Quliyeva ilə eşq yaşamışdımı?
14:26 30 İyul 2021
Türkiyə evimizdir - evimiz yanır
13:51 30 İyul 2021
Rejissorumuz beynəlxalq festivalda jüri sədri oldu
13:06 30 İyul 2021
İçimizi yanır! – Türk sənətçilərin yanğın harayı
12:20 30 İyul 2021
Yazıçımız Beynəlxalq ədəbiyyat festivalında qalib gəldi
11:41 30 İyul 2021
Ssenarimiz Ukraynada ən yüksək balı topladı
11:05 30 İyul 2021
Özü torpağın altında, saatı cibimdə... - Orxan Cuvarlı yazır
10:09 30 İyul 2021
Tural Abbaslının hay-küyü, Aysel Əlizadənin kukla eksperimenti - “Elin sözü” düzdürmü?
09:01 30 İyul 2021
Ən gözəl sevgilərlə xərçəng belə sağalar - Bahar Zamanının şeirləri
21:00 29 İyul 2021
Kino Günü açıq havada qeyd olunacaq
18:06 29 İyul 2021
Müəllifi kim öldürüb? - Qismət yazır...
17:20 29 İyul 2021
Azərbaycan almanlarından bəhs edən kitab çıxdı
16:51 29 İyul 2021
Dünya şöhrətli musiqiçi vəfat etdi
16:07 29 İyul 2021