news-inner
clock21:00 calendar-gray 10 Aprel 2018 view-gray573 dəfə oxunub
view-gray573 dəfə oxunub

Haramdan bol nə varmış görəsən?! - Azad Yaşarın şeirləri

Bu gün şair, rəssam, tərcüməçi Azad Yaşarın doğum günüdür. Kulis.az bu münasibətlə Azad bəyi təbrik edir və onun şeirlərindən bir neçəsini təqdim edir.

NAZİM HİKMƏTƏ ANTİPARODİYA

Mən çıxmasam,

sən çıxmasan,

o çıxmasa aydınlığa,

necə girər

başqaları

qaranlığa?!

SİLİK ONA SAVAŞ

“Analarının silikonlu məmələrini əmən

körpələrin beyinləri

böyüyəndə

eynilə o dolğu maddəsi kimi

vıcıq-vıcıq olacaq” deyir alimlər.

Çünki elm adamları

zamanla onun qana işlədiyini,

irsiyyətə ciddi təsir göstərdiyini

artıq sübuta yetiriblər.

Sevgililərinin silikonlu dodaqlarını sümürən

kişilərin beyinləri isə

artıq vıcıq-vıcıqdır.

Bunun səbəbi –

bol silikonlu dodaqların

daim aralı qalması sonucu

bədənə

və ən betəri isə, beyinə

gen-bol hava dolması imiş.

Bəli, bəli, məhz… hava dolması!

Buyurun, bu da sizin üçün

milli yeməyimiz olan dolmanın təzə çeşidi!

Ancaq, siz Allah, diqqət edin,

bunu da o mənfur qonşular oğurlayıb,

öz adlarına çıxmasınlar!

PLASTİK ƏMƏLİYYAT DUASI

Narkoz veriləndən sonra

plastik əməliyyat masasında

uyumağa başlayan qadın

dua kimi

bu sözləri pıçıldamağa

özündə ancaq güc tapdı:

“Cərrahım!

Sən özün məni

təzədən, başdan…

yarat!”

HORROR ŞEİR

Yastıqla üzünü qapayıb,

2-3 dəqiqəyə boğduğun adamı

öldürən… sənsən.

Yoxsa bunca pisniyyətlik, qansızlıq

o yumşaq yastıqda nə gəzər?!

Gülləni

başına sıxdığın o adamı öldürən də

əlindəki tapança deyil,

və yenə də sənsən!

Atəş səsi eşidilməsin deyə,

üzünə yastıq basıb,

üstündən də güllə sıxmağı isə

vallah,

nə o qara, soyuq tapança qıyardı insanoğluna,

nə də qu tüküylə dolu yastıq.

Niyyəti pozuq olan bir kəs üçün

bu dünyada haramdan bol

nə varmış görəsən?!

NUR İÇİNDƏ YATMAQ

Məzarı başında:

“Nur içində yatsın” deyənlərə

mərhum o biri tərəfdən:

“Yahu, mən heç sağlığımda da

işıq yanan yerdə yata bilmirdim”

deməyi umar bəlkə də…

Amma

necə desin?!

NEOTƏCNİS

İnsanların çoxusu yaramazdır…

Buna söz yox.

Şayəd onlardan kiməsə

sirr gəlsən ki,

bəs mənim yaram azdır,

əlüstü sənə o qədər yara vurar ki,

bir daha qələt edib deyərsən:

“Yaram azdır…”

TARİXİ ADA DÜZƏLİŞ

XXI yüzilin əvvəllərində

Qız qalasının başından

rus millətindən olan ağbirçək bir ana

və onun qırx yaşlı oğlu

özlərini aşağı atdılar.

Görünür, bu sayədə onlar

indən belə

bu qədim abidənin

“Ana, oğul və qız qalası”

adlanacağını umublar.

Həm də bu sadalamada

bütün hallarda “qız” kəlməsi

“qala”dan öncə gəlməliydi ki,

abidənin ilkin adı qeybə qarışmasın,

itib-batmasın, unudulmasın,

tanınsın.

Bir intihar aksiyası ilə

bu millətin memarlıq tarixini

bax, belə dəyişmək mümkünmüş!

ƏZRAYILA ALDANMAQ

Keçindiyi zaman

üzündə xoş bir təbəssüm donmuşdu.

Görünür,

ölüm mələyi ona

hədsiz suyuşirin gəlibmiş…

OVERDOSE – DOZANIN QAÇMASI HALLARI

1.

Qadının

üst dodağı göyü,

alt dodağı isə yeri süpürürsə,

deməli,

plastik cərrah silikonun dozasını

ta-a-ma-am qaçırıbmış…

2.

Arzudan

sürəkli arzu doğursa,

bu, o deməkdir ki,

onların sahibinin arzu əyləci…

ço-o-x-d-a-a-n sıradan çıxıb.

O cür arzularla yaşayana

məzə üçün

“Arzu tramvayı” da

deyə bilərsiniz.

3.

Əsas məğzini bilməkdən ötrü

biz

hər şeyi gün işığına çıxarmağa

bir növ adətkarıq.

Bu zaman onu da unuduruq ki,

bəzi şeylər

gün işığında vaxtından tez xarab olur.

news-inner-user
Azad Yaşar

83 məqalə

Oxşar xəbərlər

Xəbər lenti

Musiqili Teatr Xocalı haqqında film çəkdi - Video
18:56 24 Fevral 2021
Onu repressiyadan Mirzə İbrahimov xilas etdi – Abdulla Şaiq haqqında maraqlı faktlar
18:12 24 Fevral 2021
Yeni iddia: Kennedini Xruşşov öldürdüb
17:35 24 Fevral 2021
Qar yağanda ortaya çıxan 10 azərbaycanlı tipi
16:50 24 Fevral 2021
Azərbaycanda yeni teatr yaradıldı
16:02 24 Fevral 2021
Puşkin və 44 günlük Vətən müharibəsi – Cavid yazır...
15:13 24 Fevral 2021
Jerar Depardye təcavüzdə günahlandırıldı
14:22 24 Fevral 2021
101 yaşlı şair vəfat etdi
13:38 24 Fevral 2021
Sonuncu qar - Gənc şairin yeni şeiri
12:51 24 Fevral 2021
Ona Bakının Alen Delonu deyirdilər, son filmini çəkib Azərbaycandan getdi... - “Dədə-Qorqud”un Turalı necə Mark Jozef oldu?
12:10 24 Fevral 2021
Hamı bir-birini didməyə hazırdır - Sevda yazır...
11:30 24 Fevral 2021
Xalq artisti Nuranə Nurun sözlərinə mahnı oxuyub - Video
11:01 24 Fevral 2021
Əhmədiyyə Cəbrayılov haqqında sənədli film çəkilir
10:30 24 Fevral 2021
Öz ayaqlarına yıxılır adamlar – Aqşin Yeniseydən Günün şeiri
10:01 24 Fevral 2021
Gənc şair: “Davamlı olaraq qız aldadıram” – Müsahibə
09:02 24 Fevral 2021
Həsən Turabovun qızı: “Ona dedim, atamı sən öldürmüsən” – Müsahibə
21:00 23 Fevral 2021
"Yeni alınma sözlər lüğəti" nəşr olundu
19:35 23 Fevral 2021
"Tıq-tıq xanım" ingilis dilinə tərcümə edildi
18:42 23 Fevral 2021
"Çığırtı" əsərinin daha bir sirri açıldı
17:50 23 Fevral 2021
Xalq artisti Yalçın Rzazadə Lənkəranda dəfn edilib – FOTO
17:30 23 Fevral 2021