Yazıçı Əkrəm Əylisli barəsində cinayət işi başlanıb.
Bu barədə Kulisə yazıçı özü məlumat verib. Bildirib ki, cinayət işi haqqında onlara bu gün məlumat verilib. Deyilib ki, Cinayət Məcəlləsinin 221-ci (xuliqanlıq) maddəsi ilə cinayət işi başlanılıb.
Ə.Əylisli: “Təbii ki, bu çox qeyri-ciddidir. Guya, təyyarə gedəndən sonra mən orda dava eləmişəm, kimisə vurmuşam, xuliqanlıq törətmişəm. Halbuki belə bir şey olmayıb və ola da bilməz.”
Cinayət işinin açılma səbəblərinə gəldikdə isə yazıçı bunları deyib: “Görünür, ölkədən çıxmağıma imkan verməmək üçün belə bir addım atırlar.”
“Hüquqlarınızın müdafiəsi üçün nə etmək istəyirsiniz?” - sualına gəlincə Ə.Əylisli bildirib ki, heç bir planı yoxdur: “Heç bir planım yoxdur. Hələ də dünənki günün yorğunluğunu yaşayıram.”
Daxili İşlər Nazirliyinin mətbuat xidmətindən APA-ya məlumatı təsdiqləyiblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər