news-inner
clock16:30 calendar-gray 22 Mart 2018 view-gray323 dəfə oxunub
view-gray323 dəfə oxunub

Yazıçılardan Bayram Lətifələri

Kulis qarşıdan gələn Novruz bayramı münasibəti ilə yazıçılarla bağlı lətifələri təqdim edir.

Məşhur bir yazıçı yeni kitabının tərcüməsi və çapı ilə əlaqədar Azərbaycana çağırılır. Qonağı tərcüməçi Nadir Qocabəyli qarşılayır, “Qanun” nəşriyyatında çıxan kitabını ona təqdim edir. Məşhur yazıçı kitaba baxıb şaşıraraq həmsöhbətinə deyir:

- Axı, mənim romanım böyük olmalı idi.

- Əsərdə bir hissə vardı, oranı çıxartmışam – Nadir müəllim halını pozmadan cavab verir.

- Niyə?

- Şahbaz Xuduoğlu qonorarımı kəsmişdi.

***

Murad Köhnəqalanın atası ölüm ayağında imiş. Şair bunu eşidən kimi atasının görüşünə gedir. Bakıda da işləri çox imiş. Əlüstü görüşüb otaqdan çıxanda atasına deyir:

- Mən getdim, o dünyada görüşərik...

***

Şərif Ağayarın maşınında üzünü tərtəmiz qırxmış Ayxan Ayvaz qabaqda, Aqşin Yenisey arxada oturub yol gedirlərmiş. Birdən polis maşını saxlayır.

- Şərif bəy, Novruz bayramınız mübarək! Nəvənizi niyə qabaqda oturtmusunuz? Bıy, oğlunuz da arxadaymış ki!

***

Fikrət Qoca qocaldıqca hiss eləyir ki, səsi daha da tutulur. Ona görə AYB sədri Anardan qohum-qardaşı üçün nəsə istəyə bilmir. Qərara alır ki, yazıçıya məktubla müraciət etsin. Bir dəfə yazır, iki dəfə yazır... Amma hər dəfə məsələni yazılı şəkildə konkretləşdirməyə ürək eləmir. Ona görə iş uzanır. Axırı AYB sədri Fikrət Qocanı yanına çağırıb deyir:

- Ay Fikrət, bildim, səsin xırıldayır, danışa bilmirsən, heç olmasa məktublarında xırıldama da, sözünün canını de...

***

Seymur Baycan oteldə roman yazır. İşi yaxşı getdiyi bir vaxtda birdən duruxur. Ayağa durub var-gəl etməyə, düşünməyə başlayır. Elə bu vaxt qapını açıb içəri girən otel müdiri maraqlanır:

- Nə olub, Seymur bəy? Yaman fikirlisiniz.

- Romanın bir yerində ilişmişəm. Ata ilə oğulu görüşdürməliyəm. Bilmirəm harda görüşdürüm. – Yazıçı məyus-məyus dillənir.

Otel müdiri:

- Əşşi, burda fikirləşməyə nə var, de ki, gəlsinlər bura - otelə, görüşsünlər də... Yerimiz də ucuzdu...

***

“Azərbaycan” jurnalının baş redaktoru İntiqam Qasımzadə yeni şeirlərini gətirən gənc şair Nicat Həşimzadəyə üzünü tutub deyir:

- Sizin yazdığınız oxunmur. Kompüterdə yazıb gətirərdiniz də.

Nicat Həşimzadə:

- Kompüterə köçürəcəkdim, amma kağızda yazıb qurtarandan sonra özüm də oxuya bilmədim.

***

Əsəd Qaraqaplanın evinə papaq atırlar. Yazar bərk əsəbiləşir, papağı tullayıb qapını çırpır. Papaq atma bir neçə dəfə təkrar olunur. Axırda Əsəd bezib qışqırır:

- Ə yekə kişisiz, kasıb bir yazıçıya iki dəqiqədən bir papaq atarlar?!

Aşağıdan səs eşidilir:

- Bəs üç aydan bir roman yazıb bezdirmək olar camaatı?

***

Emin Piri parkda qızla öpüşür. Bu vaxt polis onların başının üstünü alır. Emin cibindən qırmızı vəsiqə çıxarır:

- Rəis, mən AYB-nin üzvüyəm eee...

Polis də əlini cibinə atıb eyni vəsiqədən çıxarıb qışqırır:

- Mən də AYB-nin üzvüyəm, noolsun?

***

Məhkəmə. Hakim Anar Amindən soruşur:

- Bu şeirləri siz yazmısınız?

- Hə, mən yazmışam.

- Oxuyun görüm!

- Mən ancaq yazıram. Oxumuram. Olar Qılman İman sazla oxusun?

***

Nəriman Əbdürrəhmanlı ilə Mirmehdi Ağaoğlu söhbət edir.

- Mirmehdi, bizim 80-cilər nəsli çox çətinliklər çəkirdi. İnanırsan, bəziləri dolanmaq üçün İrana bolt aparırdı.

Mirmehdi dodaqaltı mızıldanır:

- Mən də deyirəm İran boltlarının hamısı niyə “sarvat” çıxır...

***

Yazarların tez-tez oturduğu kafedə ofisiant Qan Turalıya yaxınlaşıb deyir:

- Müəllim, sizin yazılarınızda Yusif Səmədoğlu havası duyuram.

Tural sevincək ofisiantın cibinə on manat basır və məmnun halda çıxıb gedir.

O biri ofisiant iş yoldaşına yaxınlaşır:

- Səydərəş, sən Yusif Səmədoğlunu harda oxumusan?

Pul alan ofisiant:

- Hüşşş!!! Sakit ol! Bunların damarını tutmuşam. Keçən dəfə də Qisməti Orxan Pamuka oxşatdım, 20 manat verdi.

news-inner-user

16520 məqalə

Oxşar xəbərlər

Xəbər lenti

Məşhur aktrisa vəfat etdi
10:27 24 Sentyabr 2020
Gənc şairin ilk kitabı çap olunub
09:42 24 Sentyabr 2020
Səməd Vurğun 50 yaşında ölməyibmiş – Filosof yazır...
08:58 24 Sentyabr 2020
Məmməd Aslana halallıq - Şərif Ağayar yazır...
20:57 23 Sentyabr 2020
"Qəlbimin palitrası"ı təqdim olunacaq
18:51 23 Sentyabr 2020
10 ilə çəkilən film - Video
18:12 23 Sentyabr 2020
Atamın gələ bilmədiyi günlərdən çıx gəl - Fəridədən müharibə şeirləri
17:29 23 Sentyabr 2020
Qəni Camalzadənin sosial-bədii nəsri - Aydın Xan yazır
16:47 23 Sentyabr 2020
“Uliss”in tərcüməçisi dünyasını dəyişdi
16:08 23 Sentyabr 2020
Aqil Abbas: "Dağlıq Qarabağda vətəndaşlığımızı qəbul edən ermənilərlə işimiz yoxdur"
15:30 23 Sentyabr 2020
Şəbnəm Tovuzlunun erotik dərdi
14:49 23 Sentyabr 2020
Lalə Məmmədova həmkarlarını qınadı: "İcra başçılarından qorxurdunuz?"
14:06 23 Sentyabr 2020
Elçin Əfəndiyev: "Çox yaramaz iddiadır" -Məktub
13:29 23 Sentyabr 2020
“Mədəniyyət/Culture” jurnalının növbəti sayı nəşr edildi
12:51 23 Sentyabr 2020
Mirzə Cəlili aldatmışdı, Müşfiq onun evinə pəncərədən girirdi – Komediyamızın banisi haqqında maraqlı faktlar
12:06 23 Sentyabr 2020
“Azərbaycan tarixində atılmış 5 ən yanlış addım” kitabının imza günü olacaq
11:17 23 Sentyabr 2020
İnternet yoxdursa, necə olacaq? – Əyalətin təhsil dərdi
10:45 23 Sentyabr 2020
Nobel mükafatının təqdimat mərasimi təxirə salındı
10:16 23 Sentyabr 2020
Tom Kruzun kosmosa gedəcəyi tarix bəlli oldu
09:44 23 Sentyabr 2020
Ömər Faiqin İngiltərədə yaşayan nəticəsi: "Mirzə Cəlil babamın qollarında can verib" - Müsahibə
09:00 23 Sentyabr 2020