Odri Tatu kinonu tərk edir

Kino

Ana səhifə
Kino

Odri Tatu kinonu tərk edir

9 avqust 2011

14:30

“Ameli” filmi ilə dünyada məşhurlaşan fransız aktrisa Odri Tatu yaxınlarda kino karyerasına son qoyacağını deyib.

34 yaşlı aktrisa jurnalistlərlə söhbətində deyib: “Mən kinoya çox da bağlı deyiləm. Bir neçə planım var, üzgüçülüklə məşğul olmaq istəyirəm, rəsm çəkmək xoşuma gəlir. Çox şey öyrənmək istəyirəm, amma vaxtım çatmır. Məsələ də bundadır”.

Aktrisa Hollivud filmlərində çəkilməklə böyük nüfuz əldə etdiyini deyir: “Amma mənə nüfuz lazım deyil. Məni heç kəs başa düşmür, mənə təbiətimə yad adam olmaq istəmirəm”.

”Ameli” filmindən sonra Totu Hollivuda dəvət edildi. O, Tom Henkslə “Da Vinçi kodu” filminə çəkildikdən sonra, böyük layihələrdən imtina etdi və fransız rejissorlarla işləməyə üstünlük verdi. Totunun son rolu “Kompleksli gediş” adlı fransız komediyasında bərbər obrazı olub.

Rəna Nevzat