Bilik Fondunun təşkilatçılığı ilə Bakı Slavyan Universityeninin tələbələri və Məktəb-Lisey Kompleksinin şagirdləri “Ölülər” tamaşasına baxıblar. Bilik Fondunun İnformasiya təminatı sektorundan Kulisə verilən məlumata görə tamaşa “Auditoriya+” layihəyəsi çərçivəsində həyata keçirilib.
Görüşdə Bilik Fondunun icraçı direktoru Oktay Səmədov, Bakı Slavyan Universitetinin prorektoru Telman Cəfərov, Mədəniyyət və İncəsənət Universitetinin Elmi-tədqiqat şöbəsinin müdiri Nigar Sultanlı, Bakı Slavyan Universitetinin Məktəb Lisey Kompleksinin direktoru İlahə Carçıyeva, məktəblilər və tələbələr iştirak ediblər.
Əsası 1873-cü ildə qoyulan Azərbaycan Milli Teatrının 143 illiyinə təsadüf edən tədbirdə Azərbaycan Mədəniyyət və İncəsənət Universitetinin IV kurs tələbələri Cəlil Məmmədquluzadənin “Ölülər” əsəri əsasında səhnələşdirdikləri eyniadlı tamaşanı Bakı Slavyan Universitetinin Filologiya və jurnalistika fakültəsinin tələbələri, Məktəb Lisey Kompleksinin yuxarı sinif şagirdləri qarşısında oynayıblar.
ADMİU-nun dosenti Məmməd Səfanın rəhbərliyi ilə səhnələşdirilmiş tamaşa məktəblilər və tələbələr tərəfindən maraqla qarşılanıb. Sonda Fondun “Auditoriya+” layihəsində fəal iştirak etdiklərinə görə tələbə-aktyorlara təşəkkürnamələr təqdim olunub.
Məmməd Səfa həm də Bilik Fondunun dəstəyi ilə Azərbaycan Dövlət Pedaqoji Universitetində yaradılan “Mizan” dram dərnəyinin müəllimidir. Dərnəyin üzvü olan tələbələr M.F.Axundovun “Müsyo Jordan və Dərviş Məstəli şah” tamaşasını səhnələşdirirlər.
Bilik Fondu “Auditoriya+” layihəsi çərçivəsində paytaxtla yanaşı, bölgə gənclərini də klassiklərin əsərləri ilə tanış etməyi nəzərdə tutur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər