news-inner
clock08:55 calendar-gray 04 Mart 2016 view-gray464 dəfə oxunub
view-gray464 dəfə oxunub

Natiqin Yeganəsi – HEKAYƏNİN DAVAMI

Kulis Səhər Əhmədin “Natiqin Yeganəsi” hekayəsinin davamını təqdim edir.

Sonra Yeganəylə mən Şəkidə - xudmani bağçalı ikimərtəbəli evin ikinci mərtəbəsində - Natiqin otağında oturmuşduq. Bayırda şırhaşırla yağan yağışın səsi içəridə gurhagurla yanan sobanın gurultusuna qarışmışdı. Yeganənin sözləri də yağışın şırıltısına qarışıb axıb gedirdi:

- Sən buraların yağışını bilməzsən, - deyirdi mənə, - bir başladımı, kəsməz.

Yeganə nağıl edirdi ki, bu otağı, bu evi, bu bağçanı, hətta bu şəhərin küçələrini belə Natiqlə telefon danışıqlarından necə tanıyır, təsəvvür edir, əzbər bilirmiş. Avtobus gözlədiyi dayanacağı, maaş aldığı bankomatı, yağışda altında dayanıb onunla telefonla danışdığı ağacı. İndi yazıq qız həmişə xəyalını qurduğu, gəlməyə can atdığı həmin məkandaydı, amma tək, onsuz.

Divarboyu düzülmüş rəflərdə Natiqin kitab cəbbəxanası, pəncərədə qarmonu vardı, stolun üstündə müxtəlif vaxtlarda çəkdirdiyi şəkilləri səpələnmişdi. Uşaqlıq, sonra əsgərlik, sonra tələbəlik illərindən boylanan, həmin o dünyanın sirrini açacaqmış kimi dərin baxan oğlan.

Bu şəkillərdən öyrənirdim ki, Natiq ikinci təhsil də alıbmış. Eyni vaxtda başqa universitetin də filologiya fakültəsində axşam oxuyub. Eyni fakültənin iki diplomu ona niyə lazım olub, tələbəlikdən, ədəbiyyatdan, gənclikdən gözlədiyi, ala bilmədiyi nə imiş, taleyin onun qarşısına çıxardığı Yeganəsini qoyub nəyin dalınca gedibmiş - bu barədə fikirləşməyi bir kənara buraxıb başqa şey düşünürdüm. Qəribə bir qısqanclıq baş qaldırmışdı məndə. Deməli, Natiq o qızlarla da şəkil çəkdirib, onlara da hardasa yemək yeyərkən çəngəlini əlindən yerə salanda öz çəngəlini təklif eləyib, onları da təsəlli edib, məsləhət verib.

Qapı ehmalca açıldı, çay gətirdilər, sakitcə çay dəstgahını masanın üstünə qoyub çıxdılar. Ev əhli - Natiqin qardaşları və gəlinlər mənə mərhumun gənclik dostundan daha çox, onun haqqında yazmış yazıçı kimi baxırdılar (hekayənin birinci hissəsi artıq qəzetdə çıxmışdı). Bu - onların hörmət hesab etdiyi münasibət uzaqlıq, soyuqluq kimi məni incidirdi.

Yeganəni isə burda artıq evin adamı kimi, qardaşlarının canlı yadigarı kimi qəbul edirdilər. Baxmayaraq ki, o, Natiqin sağlığında bu evdə olmamışdı, ev əhli onu da qardaşının ölümündən sonra tanımışdı. İndi onlar tanış olmuş, qaynayıb-qarışmış, bir-birinə isinişmişdilər, Natiq isə yox idi.

- Burda rahat oluram, elə bilirəm ruhu burdadı, hər dəfə Bakıya qayıdanda elə bil onu yenidən itirirəm, - Yeganə deyirdi.

- Bəs sən niyə hər şeyi atıb Şəkiyə gəlmirdin?

- Gəlmirdimmi, hər şeyə tüpürmürdümmü, alimliyə də, Bakıya da, evimə də. Hər şeyə. Qoymadı, "heyifsən", -dedi, "mən gəlim, ev alaq, hər şeyə təzədən başlayarıq, allah bizim itirdiyimiz illərin əvəzini verəcək, görərsən", - deyirdi. Təkid eləmirdim, elə qorxurdum ki, birdən incidərəm onu, xətrinə dəyərəm. Elə əsirdim ki üstündə...

***

Sonra biz şəhərin yuxarı - dağlıq hissəsində yerləşən qəbristanlıqdaydıq. Yağış heç kəsməyəcək kimi yağırdı, Yeganə Natiqin çələnglərlə bəzənmiş qəbrinin baş ucunda çömbəlmişdi, torpağı dayanmadan sığalladığından əli sarımtıl palçığa bulaşmışdı, məzara xitabən danışırdı:

- Qalx, dostunu gətirmişəm, qalx!

- Sən qalx, - mən çarəsiz qızın qolundan tutub qaldırdım.

Molla dua oxumağa başladı, yağış daha da gücləndi. Biz beşimiz də - məzarı əhatə eləmiş bir alim, bir yazıçı, bir molla və mərhumun iki qardaşı bu duaya eyni itaətkarlıqla tabe olmuşduq. Ölüm yeganə hadisədi ki, onun haqqında bütün insanların biliyi sıfıra bərabərdi.

***

Yağış doluya çevrilmişdi, biz yenə həmin ikimərtəbə qədim evin eyvanındaydıq, Yeganə əlüzyuyanda əllərini yuyur və sarımtıl palçıq çətinliklə də olsa, onun əllərindən təmizlənib gedirdi.

Oxşar xəbərlər

Xəbər lenti

İki dəfə oğlu ilə sürgün olundu, ac qalmamaq üçün şahın qızıl saatını satdı, oxuya-oxuya öldü – Əməkdar artistin dram dolu həyatı
14:41 01 Mart 2021
Azərbaycanda yeni muzeyin açılışı oldu - Dünyada ilk dəfə
13:54 01 Mart 2021
Azərbaycan-Türkiyə Mədəniyyət üzrə Birgə Komissiyanın iclası keçirildi
13:06 01 Mart 2021
Gözəlliyinə görə vəzifəyə gedən qadınlar
12:17 01 Mart 2021
Sosial şəbəkələrdəki duyğu mazoxistləri
11:45 01 Mart 2021
"Qızıl Qlobus"un sahibləri bəlli oldu - Fotolar
11:20 01 Mart 2021
Azərbaycanlı yazıçı anasından roman yazdı
11:06 01 Mart 2021
Mədəniyyət naziri Türkiyəyə gedib
09:59 01 Mart 2021
Ürək cərrahı Rəşad Mahmudov: “Şairlərin ürəyi fərqli deyil” – Müsahibə
09:00 01 Mart 2021
Həkimlərin əməliyyat masasında qoyub qaçdığı Nəzakət Məmmədova: Əri onu hər gün döyürdü
12:37 28 Fevral 2021
Karvan dayandı - Ənvər Məmmədxanlının hekayəsi
16:47 27 Fevral 2021
Azərbaycanlı rəssamın əsəri Türkiyə Prezidentinə hədiyyə edildi - Foto
15:31 27 Fevral 2021
Azərbaycan yazıçıları Sankt-Peterburqun nüfuzlu ədəbiyyat müsabiqəsində - İlk dəfə
14:16 27 Fevral 2021
Məşhur klarnetçiyə ağır itki
13:04 27 Fevral 2021
Özünü efirə satmaq istəyən Xatirə İslam
12:30 27 Fevral 2021
Yazıçımızın Fransada romanı çıxdı
11:29 27 Fevral 2021
"Washington Post" Azərbaycan mətbəxindən yazdı
10:32 27 Fevral 2021
Cəfər Cabbarlı bu filmdə nəyə etiraz edirdi? – “Sevil”in kadrarxası
09:00 27 Fevral 2021
Çağırdım bir qadını qızlıq familyasıyla - Akif Əhmədgildən şeirlər
21:00 26 Fevral 2021
Rübabə Muradovanın qızı vəfat etdi
18:12 26 Fevral 2021