Murad Köhnəqala aznews.az-a müsahibəsində Anarla aralarında yaşananlara və Rasim Qaraca, Həmid Herisçi ilə bir yerdə olduğuna görə peşmançılığını dilə gətirib. Xalq yazıçısı Anar məsələyə münasibət bildirib: “Qapım Murada açıqdır”. Müsahibədə adı çəkilən Rasim Qaraca və Həmid Herisçidən münasibət öyrəndik. Cavabları təqdim edirik.
Rasim Qaraca
- Sizin sorğunuza ədəbiyyat dilində cavab vermək istəyirəm. Cek Londonun "Həyat eşqi" hekayəsində ac qurd öz ovunu - insanı təqib edir, ancaq çox yorulub və əldən düşüb. Hər ikisi gücsüzdür. Son anda insan dişlərini qurdun boğazına keçirir, qanını içir və gözlərinə işıq gəlir. Muradın təslim olması mənə bu hekayəni xatırlatdı. Hə, bu qurbanlıq yorulmuş Anarın gözlərinə bir az işıq gətirəcək. Buna yalnız təəssüf edirəm. Neçə yaradıcı insanı beləcə məhv ediblər, hələ də davam edir...
Həmid Herisçi
- O vaxtdan bu günə xeyli vaxt keçib. Hər şey əbədi deyil. İnsan daim dəyişir. Mən özüm demokratik, tolerant adamam, onun fikirlərinə hörmət edirəm. Zaman keçdikcə insanın düşüncələri dəyişir. Görünür, indi Murad Köhnəqalanın da fikri dəyişir, buna da hörmətlə yanaşmaq lazımdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
