news-inner
clock13:21 calendar-gray 26 Yanvar 2016 view-gray167 dəfə oxunub
view-gray167 dəfə oxunub

Belə məsləhətdi!.. - Vidadi Həsənov yazır

Kulis Əməkdar artist, “Yuğ” teatrının aktyoru Vidadi Həsənovun “Belə məsləhətdi!..” yazısını təqdim edir.

Belə məsləhətdi!..

Yaxşı sözdü.

Yaxşı da sözdü?

Yaxşı, yaxşıdan da yaxşı sözdü.

Be-lə məs-lə-hət-di!..

Hə, burası belə, qərdeşimin – qərdeşi. İndi isə gəlim mətləb üstünə. Yani və yəni sözümün məmmədqulusuna, qəmbərqulusuna və quqqulu-qusuna. Son vaxtlar YUĞ teatrının gələcək taleyindən və onun binası ilə bağlı məsələlərdən hamı yazır, hamı danışır. Sağ olsunlar! Mən, hətta, yazmayanlara, danışmayanlara da təşəkkürümü bildirirəm. Bizi – teatrın ağsaqqallarını, ağbirçəklərini susmaqda qınayanlara və suçlayanlara – yani və yəni bir işarədən anlayıb-duyanlara isə heç kəs eşitməsin deyə astadan deyirəm: “Qərdeşimin-qərdeşi, guyam xoruz banlamasa, səhər açılmayacaq?!.” Əlbətdə, açılacaq, nöşün ki...

Belə məsləhətdi!..

Dillərdə “Sovetski” deyilən, əski adı isə “Bayırşəhər” olan ərazi sökülür. Əgər, sökülürsə, deməli...

Belə məsləhətdi!..

Əuzu-billəhi-minəş-şeytanir-racim! Şəhri-Bakımızda da tərsə-məzhəb, yani və yəni əndirəbadi bir teatr var, hansının ki, adına “YUQ”, “YUX” və “YUĞ” deyirlər, hansında ki, bəzi ağzıgöyçək sənətçi dostlarımızın dili ilə desək “istedadsız-bacarıqsız” boalar, “barsız-bəhrəsiz” baobablar yetişib-qocalır, indi bu teatrın binası da məzhəbsizlikdənmi, tərslikdənmi, əndirəbadilikdənmi gəlib vaqe olubdu bu irəməyə bənzər irəmdə. Və halon ki, belədi, onda qəzavü-qədər də gərəkdi ki, çatlasın o binanı və orda “hoqqabazlıq edən oyunbazların” başında. Nöşün ki, qərdeşimin-qərdeşi, birmincisi – hər şey fələyin əlindədi, ikimincisi...

Belə məsləhətdi!..

And olsun filan-filana, atalarımızın kitabında da, analarımızın dəftərində də, hətta Ana Yasamızda da birər-birər yazılıb ki, filan-filanı filan-filan eləmək qəti olmaz, amma... Yani və yəni tarixi abidələri sökmək, uçurmaq, dağıtmaq, viran qoymaq, məhv etmək, yerlə-yeksan eləmək, yer üzündən silmək ən azı cinayətdi, ondan da az qədər günahdı, amma... Üstəlik AMEA-nın müvafiq qurumları da rəsmi qaydada bildirirlər ki, əyər filan-filanı işdi filan-filan eləsəz, onda filan-filan qanunları filan qədər pozmuş olacaqsız, amma... Vallah-billah-taallah, sizi bilmirəm, şəxsən mən heç vaxt inanmayacam ki, hansısa bir azərbaycanlı məmur “sökülsün!” deyə göstəriş verəcək, hansısa bir azərbaycanlı iş icraçısı “dağıdın!” deyə əmr verəcək, hansısa bir azərbaycanlı “buldozersürən” heyfslənmədən “Ya Allah!” deyib bu binanı uçuracaq, amma... Deyəsən, elə məsələ də burdadı, yani və yəni, guyam ki, torbada ərəb... yox ey, torbada pişik var, babalı deyənlərin boynuna, amma... Yox, heç vaxt inanmaram ki, bizimkilər bu bapbalaca tarixi və mədəni abidəni – teatrı filan-filan eləsinlər. Əşşi, guyam eləsələr nolacaq ki, bu filan-filan dağılmayacaq ki?!. Amma... həə, bax bütün bu “amma”ların bir balaca “əmma”sı var, qərdeşimin-qərdeşi, yani və yəni...

Belə məsləhətdi!..

Mən inanıram – dünyanın dörd bir tərəfindən Vaqif İbrahimoğlunu, YUĞ teatrını, onun sənətçilərini tanıyan həmkarlarımızın diqqətçəkən münasibətinə etinasız yanaşılmayacaq.

Mən inanıram – alimlərimizin, ziyalılarımızın, sənətçi dostlarımızın, teatrsevər vətəndaşlarımızın arzu və istəyi cavabsız qalmayacaq.

Mən inanıram – Mədəniyyət və Turizm Nazirliyi yaranmış vəziyyətin müsbət həlli üçün hər şeyi edəcək.

Mən inanıram – qəti şübhəm də yoxdu, Dövlət Orqanları hazırkı durumdan çıxış yollarını axtarırlar.

Mən inanıram – nəinki Azərbaycanda, hətta dünyanın bir çox yerlərində mədəni və mənəvi abidələrin qorunmasında müstəsna xidmətləri olan ölkəmiz kiçicik bir tarixi və mənəvi abidəyə mütləq və mütləq sahib çıxacaq.

Mən inanıram - əyər bir evin qapısını döyürlərsə, demək o evin kişisini soruşurlar. Həmin o evin kişisi də qapısını döyən adamı heç vaxt naümüd yola salmır. Niyə, neyçün, nə səbəbə? Oşün ki...

Belə məsləhətdi!..

Əl-qərəz. Qərdeşimin-qərdeşi, o ki qaldı: “Vaqif yoxdusa, onun teatrı da yox olub gedəcək” – deyən ağzıgöyçəklərə... Əşşi, qoy onlar getsinlər öz işlərinin dalınca. Mənim sözüm bir işarədən anlayıb-duyanlaradı, astadan deyim ki, heç kəs eşitməsin: “Gedən o kişinin cismi idi, ruhu bizdədi!” Niyə bizdədi, çünki...

Be-lə məs-lə-hət-di!..

news-inner-user

16850 məqalə

Oxşar xəbərlər

Xəbər lenti

İstanbulda əxlaqsız erməni yuvası - Aqşin yazır...
11:36 30 Oktyabr 2020
Günün şeiri: Salam, Şuşam!
11:01 30 Oktyabr 2020
Nəzakət Teymurova: "Pandemiya ilə mübarizə də müharibədir"
10:27 30 Oktyabr 2020
Misirli rejissor Kann festivalının qalibi oldu
09:59 30 Oktyabr 2020
Qışqırıb-bağırmağa başladım... - Bircənin romanı
09:00 30 Oktyabr 2020
“Ulduz”un oktyabr nömrəsi nəşr olundu
19:28 29 Oktyabr 2020
“Ayrı-seçkiliksiz gələcəyim” adlı foto-müsabiqə keçirilir
18:50 29 Oktyabr 2020
Nikol Kidman yeni seriala çəkilir
18:21 29 Oktyabr 2020
"Şeron"dan yeni cəngi - Video
17:43 29 Oktyabr 2020
Milli Dram Teatrı Silahlı Qüvvələrə Yardım Fonduna ianə edib
17:11 29 Oktyabr 2020
Bir əsgərin qeydləri: Ölümlə döyüşürəm - Yeni Şeirlər
16:30 29 Oktyabr 2020
Kann kinofestivalının rəmzi açılış mərasimi keçirildi
15:43 29 Oktyabr 2020
Xalq artistinə həsr olunan kitab çapdan çıxdı
15:00 29 Oktyabr 2020
Qızının cəsədinə sarılan atanın fəryadı
14:15 29 Oktyabr 2020
Jerar Depardye Fransa prezidentini homoseksual adlandırdı
13:36 29 Oktyabr 2020
Dünya yazıçıları Gəncə və Bərdə terroru ilə bağlı bəyanat yaydı
12:45 29 Oktyabr 2020
Türkiyədə yazı taxtasına yazdığım “Azərbaycan” sözü – Şərif Ağayar yazır...
11:40 29 Oktyabr 2020
Düşmənin başına daş salan Əbabil quşları: “Bayraktar”
11:01 29 Oktyabr 2020
Bu mahnı səslənəndə düşmən də atəşi saxlayırdı - Ən məşhur müharibə nəğmələri - Video
09:01 29 Oktyabr 2020
Anar Kərimov: "Dəyərli xalçalarımızı hərraclarda tapmışıq"
18:58 28 Oktyabr 2020