Beynəlxalq Aktyorlar Federasiyası (FİA) üzvü və Türkiyə təmsilçisi TOBAV Dövlət Teatrı Opera və Balet İşçiləri Yardımlaşma Vəqfinin idarə heyəti Azərbaycan Respublikasının Mədəniyyət və Turizm Nazirliyinə məktub ünvanlayıb.

Kulis məktubun mətnini olduğu kimi təqdim edir:

“Azərbaycan Respublikası Mədəniyyət və Turizm Nazirliyinə Ankaradan.

Türk dünyasının yetişdirdiyi ən önəmli teatr sənətkarlarından biri olan rəhmətlik Vaqif İbrahimoğlunun qurucusu olduğu YUĞ Dövlət Teatrının yerləşdiyi tarixi binanın sökülərək yerinə ticarət mərkəzi (hündürmərtəbəli bina) tikiləcəyi xəbərini Azərbaycan mediası və sənətkarlarından böyük üzüntü ilə öyrəndik.

Son illərdə şəhərin yenidən qurulması adı ilə ölkəmizdə də bir çox teatr binası eyni taleyi yaşadı. Ankarada, Qızılayda yerləşən “Yeni Səhnə” teatrı, təəssüf ki, söküldü. İstanbuldakı Atatürk Mədəniyyət Mərkəzi hələ də bağlıdır. Yenə Ankaradakı dövlət teatrlarına aid AKÜN və ŞİNASİ teatrları milli və beynəlxalq etirazlar nəticəsində xilas edildi. Beynəlxalq Aktyorlar Federasiyası (FİA) üzvü və Türkiyə təmsilçisi TOBAV son illərdə bu cür sənət ocaqlarının yox edilməməsi üçün aparılan mübarizənin əsas müdafiəçisi olub.

Türk Mədəniyyəti üçün təməl daş hesab edilən və işlərini yaxından izlədiyimiz YUĞ Dövlət Teatrının binasının sökülməsinin həm tarixə, həm sənətə, həm də Bakı şəhərinin mədəni həyatına bərpa edilə bilməyəcək ziyan vuracağına görə narahatıq. Bu qərarınızı bir daha nəzərdən keçirərək həm Azərbaycan, həm bütün Türk dünyası, həm də modern sənət ictimaiyyəti üçün böyük itki sayılacaq bu hərəkəti etməməyinizi sizdən rica edirik.

Hörmətlə Tamer Ləvənt,

baş direktor.

TOBAV Dövlət Teatrı Opera və Balet İşçiləri Yardımlaşma Vəqfinin idarə heyəti”.

• Şakiranın konserti üçün səhnə quraşdıran texnik faciəli şəkildə həyatını itirdi
• Nadir Məmmədli: "Orfoqrafiya lüğəti yaxın vaxtlarda nəşr ediləcək, orfoepiya lüğəti isə..."
• Rüstəm Dastanoğlu xalqın ağrılarına biganə qalmayan nasirdir - Nağdəli Zamanov