news-inner
clock17:31 calendar-gray 19 Yanvar 2016 view-gray54 dəfə oxunub
view-gray54 dəfə oxunub

”Azdrama”da 20 Yanvarla bağlı tamaşa olacaq


Azərbaycan Dövlət Akademik Milli Dram Teatrında 20 Yanvar faciəsinin iyirmi altıncı ildönümünə həsr olunmuş “Qarabağnamə” tamaşası nümayiş olunacaq.


Xalq yazıçısı, dramaturq İlyas Əfəndiyevin əsəri əsasında hazırlanan tamaşanın quruluşçu rejissoru Xalq Artisti Mərahim Fərzəlibəyov, quruluşçu rəssamı İsmayıl Məmmədovdur.

Rolları xalq artistləri Rafiq Əzimov, Firəngiz Mütəllimova, Hacı İsmayılov, Ramiz Məlik, əməkdar artistlər Kazım Abdullayev, Elxan Quliyev, Əjdər Həmidov, Əli Nurzadə, Aslan Şirin, aktyorlar Şəhla Əliqızı, Rövşən Kərimduxt, Anar Heybətov, Sərdar Rüstəmov, Əminə Babayeva, Rəşad Bəxtiyarov, Elnar Qarayev, Elnur Qədirov, Rada Nəsibova, Günel İmanova ifa edirlər.


Tamaşanın musiqi tərtibatçısı Həmid Kazımzadə, geyim rəssamı Aygün Mahmudova, işıq üzrə rəssam Rafael Həsənovdur.
Tamaşa XVIII əsrdə Qarabağ xanlığının mərkəzi olan Şuşada baş vermiş tarixi hadisələrdən və Qarabağ hökmdarı İbrahim xanın ictimai-siyasi, ailə-məişət həyatından bəhs edir.

Qeyd edək ki, teatrın kollektivi yanvarın 20-də Şəhidlər Xiyabanını ziyarət edəcək, Azərbaycanın müstəqilliyi uğrunda canından keçən insanların xatirəsini yad edəcək.

news-inner-user

14057 məqalə

Oxşar xəbərlər