news-inner
clock14:38 calendar-gray 16 Yanvar 2016 view-gray198 dəfə oxunub
view-gray198 dəfə oxunub

Balam xoşbəxt olacaq

***

Üzük taxdı Sevdiyin
Yuvamdan uçdun artıq
Əlim qaldı üzümdə, yaşım doldu gözümdə
Xatirən ayaq açdı, dolandı şaxələndi
Dayandı düz önümdə....
Baxıram ki, körpəsən
Əllərin titrəyişli, ovucumun içində.
Necə tez keçdi zaman, gəzməyə də başladın
Danışa bilməsən də səsləyərək ağladın
Gah yıxıldın, gah durdun
Rahatlığı qoynumda, qollarım arasında
Mənim yanımda duydun.
Saçların da uzandı, daradım yorulmadan
Bir əlində güzgü ilə, bir əlində darağın
Saçında bəzəklərin,
Sığal çəkdim xoşlandın
Gah rəqs edib nazlandın,
Gah sevimli oyuncaq qucağında uyudun
Mənim canım, ürəyim, dünyada xoşbəxt, balam
Sən necə dəyişmisən zaman ötüb bilmədən
Sən artıq böyümüsən.
Yola salıram səni.
Yox!... Axı sən hələ də mənim üçün körpəsən
Əzizləmək üçün fürsət axtarır gözüm
Həm sevinib gülürəm, hərdən də gizlin-gizlin
Gözümdən axan yaşı bir əlimlə silirəm
Barmağında üzüyə, üzündəki gülüşə
Sevgi dolu görüşə baxıb qürur düyuram
Ya Rəbb, şükür deyirəm.
Üzük taxdı sevdiyin
Yuvamdan uçdun artıq
Yolunu gözləyəcəm pəncərənin önündə
Qapının lap yanında
Telefon zənglərində
Hər yerdə axtaracam
Hər zaman istəyəcəm.
Bax sən hər gəlişində
Gedərsən otağına
O otaqdan qaçarsan... qaçarsan qucağıma
Sarılarsan boynuma
Deyərsən: - Su istədim. Əlim çatmadı, sən ver
Mənə yaşat o günü
Hər gün mənim yanında yaşadığın gün kimi!
Solma, çiçəyim mənim
Ətirli bir gül kimi nəfəs ver sən ömrümə
Mənə həyat bəxş elə hər gün xoş xəbərinlə
Bax beləcə qocalım
Sənin körpə ətrinlə.
Elə hey əzizləyim,
Sənin əşyalarını
Uşaqlıq yaylığını
Rəngli dəsmallarını
Üzərində “Anamı, atamı sevirəm mən”
Yazılı paltarını.
Yumuşaq ayaqqabın
Büzməli donlarını
Qoruyub saxlamışam
Boş şampun qablarını.
Onlarda xatirəm var
Hər birində ayrıca
Bir dünya xəzinəm var.
Üzük taxdı sevdiyin
Yuvamdan uçdun artıq
Necə darıxdım, Allah
Səni artıq qısqandım
Sevdiyin gəncə bu gün.
Mənim balam necədir?
Neynir indi evində
Görəsən yemək yedi
Üşümədi bu gecə?
Ömür bitənə kimi
Fikrim sənlə qalacaq
Səninlə oyanacaq
Səninlə yaşayacaq
Səninlə ağlayacaq
Eyni ağrı acını
Səninlə daşıyacaq
Bir ana qalır evdə
Bir ata qalır evdə
İnanıram, ilahi, balam xoşbəxt olacaq
İnanıram, ilahi, balam xoşbəxt olacaq....

news-inner-user

19991 məqalə

Oxşar xəbərlər

Xəbər lenti

“Son günlər işdən qanıqara gəlirdi” - Qızı Fikrət Qocanın ölüm səbəbindən danışdı
11:49 22 Sentyabr 2021
Oğul, oğul, amandır! - Günün şeiri
11:14 22 Sentyabr 2021
Dərsin ortasında fıştırıq çalan şagird: Distant təhsildən reallığa
10:38 22 Sentyabr 2021
Məşhur aktyor vəfat etdi
10:18 22 Sentyabr 2021
Aktyor Elcan Rəsulov: “Afaq Bəşirqızı mənə dedi, çıx get burdan” – Müsahibə
09:00 22 Sentyabr 2021
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
21:00 21 Sentyabr 2021
Pekində beynəlxalq film festivalı başlayıb
18:55 21 Sentyabr 2021
Gənc yazarın ilk şeirlər kitabı nəşr edildi
18:15 21 Sentyabr 2021
Aqşin Yenisey: “Bu, milli biabırçılıqdır” – Müsahibə
17:47 21 Sentyabr 2021
Seviş mənimlə, gecədir! – Məlihə Əzizpurun şeirləri
17:30 21 Sentyabr 2021
Ailə dəyərləri, qadın azadlığı və fahişəlik
16:44 21 Sentyabr 2021
Bizi zibilə salanlar - Sevda Sultanova yazır...
15:50 21 Sentyabr 2021
Rejissor öz ölümündən film çəkdi
15:10 21 Sentyabr 2021
Məktəb oxumayan yazıçı Nobeli necə aldı?
14:12 21 Sentyabr 2021
Fotoqraflar arasında müsabiqə elan olundu
13:02 21 Sentyabr 2021
Qardaşının ölümünü ondan gizlədilər, həkimlər övlad qadağası qoydu, “Ağlama, Zaur” şeirini yazdı - Anar Təhminəni onun həyatından götürmüşdü?
12:10 21 Sentyabr 2021
Şəhid anasının əli ilə veriliş bağlayan Tolik
11:33 21 Sentyabr 2021
Səməd Vurğuna görə ianə toplanır – Foto
11:01 21 Sentyabr 2021
Laçında teatr açmaq istəyən aktyor – Müzakirə
10:33 21 Sentyabr 2021
Çingiz Abdullayev Vətən müharibəsindən hekayə yazdı – Mətn
10:05 21 Sentyabr 2021