news-inner
clock12:44 calendar-gray 13 Yanvar 2016 view-gray904 dəfə oxunub
view-gray904 dəfə oxunub

Əsmər bir ayrılıq sevdirirdi özünü – ŞEİRLƏR

Kulis şairə Nuranə Nurun yeni şeirlərini təqdim edir.

Cəsarət

Adam cəsarətlə doğulmur,

Cəsarətlə böyümür, yaşamır.

Cəsarəti öyrətmirlər adama,

qazanırlar ...

Yaltaqların, nadanların,

qanmazların qarşısında susduqca,

həyatımızı burnumuzdan qusduqca qazanırıq.

Həvvanın cəsarətini qınayırıq min illərdi,

o ağacı, o nəfsi yaradanı qınamırıq.

Biz yalnız ölümün üstünə cəsarətlə gedirik,

çünki ondan çox zəifik.

İlk cəsarətimi xatırlayıram -

yelləncəkdə ipdən buraxmışdım əlimi .

Sonuncunu yox.

Elegiya

Bir də Günəşi görməyə imkanın olmayacaq yəqin,

Bəlkə də Günəşi görməkdən başlayardı

Yenidən dünyaya qayıtmaq,

Sevdiklərini görmək istəyin.

Arzularını udmuşdun, ondan idi köksünün ağrısı.

Əsmər bir ayrılıq sevdirirdi özünü,

Yaman inandın, o ağzı torpağa.

Əyninə biçilmiş ömrü daraltmışdı,

Qoymurdu daha qorxduğundan qorxmağa.

Alın tərini, əcəl tərinə qatırdı əzizləyə-əzizləyə

Vergül qoyurdu , alnındakı yazıya...

Apardı, arxasınca qırdı göyləri saxlayan ipləri,

Heç olmasa aldatmayaydı,

Çatan kimi atmayaydı qara yerin qucağına...

Biri var imiş, biri yox imiş kimi...

Foto

Nə vardı gözlərindən gələcəyi oxumağa,

keçmişini xatırlatmasaydı.

Belə yaxın durmasaydı,

nəsə uydurmasaydı...

özündən gizlənməsəydi, bu baxışlar.

Düşüncələr qucağından qoymur yerə,

bu dəcəl uşağı.

Qoysa yoxuşlara yuvarlanar.

Xəstələnib sakit durunca dəcəl uşaqlar,

Anaları yalvararlar Allaha,

Tez sağalıb, dağıtsın ev-eşiyi.

Ən sevdikləri, qoruduqları əşyaları verərlər əllərinə.

Bax, elə vermişəm könlümü bu adama

Bircə mən bilirəm,

Ən yaxşı fotosu ömür boyu çəkdikləridi bu adamın.

***

Axşamüstü geyinincə,

O işıqlı paltarını,

İncə qaranlığından,

Qapısını döyüb qaçmaq istəyirəm bu şəhərin.

Çıxmaq istəyirəm övladlığından.

Kövrək Ay öpər üzümdən,

Yollar tutar əlimdən.

Çox sular axdı,

O körpünün altından.

Külək çoxdan qırıb,

O buludun qanadını.

O körpüdən, o buluddan

Çəkdim yorulmuş gözümü.

Yol yolçunun xərcliyidi,

Yollardan aldım özümü.

Nə bir ünvan tanıyıram,

Nə bir insan,

Dincəm indi.

Bilmirəm kim xatırlayar,

Yaşım qədər gəncəm indi.

news-inner-user

19976 məqalə

Oxşar xəbərlər

Xəbər lenti

Qarabağda 15 tarix-memarlıq abidəsi pasportlaşdırılıb
18:59 20 Sentyabr 2021
Pikassonun əsərləri Fransa hökumətinə bağışlanacaq
18:31 20 Sentyabr 2021
Britaniya filmi beynəlxalq müsabiqədinin qalibi oldu
18:00 20 Sentyabr 2021
Uşaqları sevməyimizin sirri - Sahib Altay yazır...
17:16 20 Sentyabr 2021
Məmməd Əmin Rəsulzadənin nəvəsinin ölüm anı lentə alınıbmış - İlk dəfə - Video
16:38 20 Sentyabr 2021
Soyuq burnunla toxunursan üzümə - Rasim Qaracadan şeirlər
16:17 20 Sentyabr 2021
Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyirlər? - Sorğu
14:41 20 Sentyabr 2021
"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021
Qəbrinin üstündə kitab rəfi yaradılan Nərminin hekayəsi
11:00 20 Sentyabr 2021
Çinarənin mahnısı qalmaqal yaratdı - Oğru kimdir?
10:31 20 Sentyabr 2021
Güllü Muradova: “Məni efirdə görüb, deyib, bu qızı alacam” – Müsahibə
09:00 20 Sentyabr 2021
Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021