news-inner
clock16:00 calendar-gray 12 Yanvar 2016 view-gray812 dəfə oxunub
view-gray812 dəfə oxunub

25 dəqiqəyə “Sergi ata”nı necə oxumaq olar? – ARAŞDIRMA

Həyat tempi artdıqca mütaliəyə vaxt azalır. Amma buna baxmayaraq insanların oxuma istəyi qalmaqda davam edir. Normal insan isə dəqiqədə 200 sözdən artıq oxu bilmir. Bəs nə etməli, oxu sürətini necə artırmalı?

Araşdırmalar göstərir ki, insanlar müəyyən vərdişlərə yiyələnməklə oxuma sürətlərini artıra bilərlər. Bu sürət dəqiqədə 600 sözə qədər qaldırıla bilər. Gəlin konkret misalla deyək ki, daha aydın olsun. Məsələn, dəqiqəyə 600 söz oxumaq qabiliyyətinə yiyələnmək o deməkdir ki, siz Lev Tolstoyun “Sergi ata” əsərini 20-25 dəqiqəyə oxuya bilərsiz.

Düzdür, sürətli oxu vərdişləri sayəsində dəqiqədə 800, hətta 1000 söz də oxumaq mümkündür. Ancaq araşdırmaçılar qeyd edirlər ki, sürət artdıqca mətni başa düşmək səviyyəsi də aşağı düşür. Belələri mətni oxumaqdan çox ona “göz atırlar.”

Tarixə qısa ekskurs

Sürətli oxunun əsasında fransız həkim-oftolmoloq Emil Javalın araşdırmaları dayanır. O, 1878-ci ildə müəyyənləşdirir ki, insan gözü qısa fasilələrlə hərəkət edir. Bir sətri oxuyarkən göz hər işarədən sonra deyil, üç-dörd işarədən bir pauza verir. Araşdırmalar göstərdi ki, gözün görmə dairəsi bizə məlum olandan çoxdur. 1894-cü ildə isə sürətli oxunun üstünlükləri haqqında ilk məqalə dərc olunur. Kütləvi təhsilin artması ilə birlikdə sürətli oxuya maraq da artır. İlk sürətli oxuma kursu 1925-ci ildə ABŞ-ın Sirakuza universitetində təşkil olunur.

Keçmiş SSRİ-də də sürətli oxuya maraq var idi. Bu sahədə araşdırmalar aparılır, onun yollarını öyrədən kitablar çap olunurdu.

Necə sürətli oxuyaq?

Bəzi insanlar anadangəlmə sürətli oxumaq qabiliyyətinə malik olurlar. Yəqin ki, tarixi şəxsiyyətlərin bir çoxunun belə qabiliyyətinin olması barədə eşitmisiniz. Təəssüf ki, bir çoxumuz bu “pay”dan məhrumuq. Amma bu o demək deyil ki, bu vərdişə yiyələnə bilmərik. Bunun üçün bəzi vərdişləri əldə etmək lazımdır.

Sürətli oxuma üçün ən böyük maneə sözləri ürəyimizdə tələffüz etməyimizdir. Buna başqa adla subvokalizasiya da deyirlər. Bəziləri hətta sözləri astadan tələffüz edirlər. Bu isə normal oxu vərdişi sayılmır. Əgər oxuduqca sözləri ürəyimizdə təkrar etmək vərdişini qarşısını ala bilsək, oxuma sürətimiz də artar. Bunun üçün ən yaxşı məşq mütaliə zamanı saqqız çeynəməkdir. Bu zaman biz sözləri təkrar edə bilmirik və daha sürətli oxumağa başlayırıq. Saqqızla məşqlər nəticəsində biz sözləri ürəyimizdə tələffüz etməkdən yaxa qurtara bilərik. Subvokalizasiyadan yaxa qurtarmaq üçün başqa məşqlər təklif edənlər də var; məsələn, oxuyarkən şeir, yanıltmac, atalar sözləri söyləmək, 20-ə qədər saymaq və sair.

Mütaliə zamanı ən vacib elementlərdən biri də diqqəti cəmləməkdir. Diqqəti oxuduğunun mətnə cəmləyəndə və özünüzü ətraf aləmdən təcrid etdiyiniz təqdirdə oxuma da sürətlənir. Bunun üçün xüsusi məşqləri yerinə yetirmək lazımdır.

Sürətli oxu üçün göz məşqləri də vacibdir. Gözümüz sətirdə nə qədər çox söz görürsə o qədər sürətli oxuyuruq. Göz qavrayışının genişlənməsi üçün müxtəlif məşqlər aparılır (Şult cədvəli), bunun nəticəsində gözün qavrama qabiliyyəti böyüyür. Mütaliə zamanı sətri bütöv görməyə çalışmaq lazımdır. Bu vərdişi əldə etmək üçün qəzet oxumaq ən yaxşı vasitədir.

Unutmaq lazım deyil: Biz mütaliə zamanı adətən sözlərin səsini duymağa çalışırıq. Ona görə də ürəyimizdə təkrar edirik. Sürətli oxumada isə biz bu ənənəvi vərdişi unutmalı, sözləri “görməyə” çalışmalı, onlara şəkil kimi yanaşmalıyıq. Gözümüz sözləri oxuyarkən bir sətirdə nə qədər az pauza verir və sətrin nə qədərini görə bilirsə o qədər də sürətli oxuya bilirik.

Yuxarıda dediyimiz kimi oxuma sürəti artdıqca mətni qavrama səviyyəsi də artır. Buna görə də mətnlərdən asılı olaraq onun sürəti, oxuma növü də dəyişir. Adətən yüngül ədəbiyyat, qəzet və jurnal oxuyarkən sürətli oxunun “üzdən oxuma”, “ göz atmaq” kimi növlərindən istifadə olunur. Bu zaman mətndə əsas açar sözlər tapılır, əsas tezislər qavranılır. Bu vərdişlərin inkişafı üçün də müəyyən məşqlər var ki, buna yiyələndiyiniz təqdirdə siz mətnin müəyyən bir hissəsini oxumaqla onun ümumi məzmunu anlaya biləcəksiz.

Müasir dövrdə təkcə kağız vasitələrdən deyil, elektron vasitələrdən də sürətli oxumağın yolları öyrənilir, müəyyən tətəbiqlər, proqramlar hazırlanır. Ənənəvi kağız kitabların, qəzet-dərgilərin yerini elektron kitabların, medianın tutduğu bir dövrdə bu proqramlar olduqca gərəkli, lazımlıdır.

Oxşar xəbərlər

Xəbər lenti

Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021
Sənubər İsgəndərli yeni veriliş açır
14:10 17 Sentyabr 2021
Sevgilisi: "Vüqara yaraşmayan qadınlar qəbrinin üstündə hoqqa verir"
13:01 17 Sentyabr 2021
Narkotikaya qurşandı, cibindən 11 min manat oğurladılar, küçədə ağlaya-ağlaya pul diləndi – Oğlunun faciəsində Səyavuş Aslanın günahı
12:30 17 Sentyabr 2021