news-inner
clock09:30 calendar-gray 05 Yanvar 2016 view-gray3308 dəfə oxunub
view-gray3308 dəfə oxunub

Qadınları dəyişən erotik film - “Emmanuel”

Kulis.az “Ən qalmaqallı filmlər” layihəsində fransız rejissoru Just Jakenin “Emmanuel” filmini təqdim edir.

1974-cü ildə ekranlaşdırılan film Tailand əsilli fransız yazıçısı Emmanuel Arsanın eyni adlı romanının adaptasiyasıdır.

Film gənc fransız qadın Emmanuelin seksual sərgüzəştlərindən bəhs edir. O, müxtəlif şəraitlərdə öz seksuallığını tədqiq edir. Emmanuel Banqkokda fransız səfirliyində işləyən əri ilə birlikdə yaşayır. Bütün diplomatik korpus şəhərin monoton, darıxdırıcı mühitindən sıxılır, darıxır və ona görə də həyatlarını müxtəlif seksual əyləncələrlə mənalandırırlar.

Əri Emmanuelə nəinki təsadüfi intim əlaqələri qadağan eləmir, hətta buna şərait yaradır. O, hesab edir ki, bu əlaqələr arvadının seks təcrübəsini artıracaq. Qısa müddətdə Emmanuel hər şeyi yaşayır: təsadüfi münasibətlər, hətta lesbi sevgisi və s.

Süjet açıq erotik səhnələr üzərində qurulub. Dünya kinosunun klassik erotik filmlərindən sayılan “Emmanuel” rejissoru bu filmin davamını çəkməyə ruhlandırdı. “Emmanuel” erotika janrının inkişafında böyük rol oynadı və müxtəlif ölkələrdə oxşar filmlər çəkilməyə başladı. Buna kimi isə Avropa tamaşaçısı açıq, ər-arvad münasibətlərində sərbəst rəftar, üstəlik, bunu ekzotik məkan fonunda görməmişdi.

Filmdəki aktyor oyunu da diqqəti cəlb elədi. Məsələ onda idi ki, tamaşaçının erotik filmlərdə adət elədiyi cansız, hissiyyatsız obrazlardan fərqli olaraq, burda ilk dəfə baş rola zahirən məsum, eyni zamanda gizli, qapalı erotikliyi, çılğınlığı olan qadın çəkilmişdi.

Filmə baxan qadınlara görə “Emmanuel” onlara öz seksual istəklərini anlamağa imkan verdi. Və Emmanuel obrazı onlar üçün istədiyi kimi yaşayan azad qadını özündə təcəssüm edirdi.

Film bir neçə il kinoteatrlarda nümayiş olundu. Populyarlığına baxmayaraq o zamankı Fransa prezident Jorj Pompidu tərəfindən filmin nümayişinə qadağa qoyuldu. 1974-ci ildə o, öləndən sonra hakimiyyətə Valeri Jiskar d'Esten gəldi. Və yeni prezident filmin prokatına izn verdi.

Amerikada isə kinoməhsulların istehsal qaydalarına nəzarət edən assosiasiya filmə “X” kodu təklif elədi ki, ona da ancaq xüsusi və özəl kinoteatrlarda baxmaq olardı. Kaliforniya ştatının Kovin şəhərinin meri kinoteatr menecerinə əhalinin bu filmin nümayişindən narahat olduğunu bildirdi. Kinoteatrdan şikayət olsa da, prokurorluq bununla bağlı iş açmadı.

Film ətrafındakı ajiotaj Sovetlər Birliyinə də çatdı, sovet liderləri onlar üçün xüsusi olaraq qeyri-leqal gətirilən belə filmlərə tez-tez baxırdılar.

Film Argentinada, Amerikada, Koreyada Almaniyada ixtisarla göstərilib.

Bu film 11 il kinoteatrlarda göstərildiyi üçün Ginnessin rekordlar kitabına düşüb.

Rejissor filmi çəkəndə onun məşhur olacağını sanmırdı: “Mən bilirdim ki, burda əsas cazibə qüvvəsi Emmanuel rolunu oynayacaq aktrisa olacaq”. O, bunun üçün məşhur aktrisalara müraciət elədi. Amma onlar nüfuzlarına zərbə dəyəcəyindən qorxaraq imtina elədilər. Rejissor aktrisa tapmaq üçün bütün Avropanı gəzmişdi və onu yalnız Amsterdamda tapdı.

Baş rolun ifaçısı Silviya Kristel deyir ki, bu rolu oynamağının səbəbi qadın bədəninin gözəlliyini və onu idarə etmək sənətinə yiyələnməyi göstərməkdir.

Kristelin atası qızının belə rola çəkilməsindən qəzəblənmiş, ondan familiyasını dəyişdirməyi tələb etmişdi. Anası isə nisbətən yumşaq reaksiya verərək sadəcə filmə baxmamışdı.

İzlənmə sayına görə rekord qıran filmdən sonra qadınlar ona məktub yazaraq cəsarətinə görə təşəkkür edir, ona hədiyyələr, gül yollayır və hətta sevgili olmaq istəyirdilər.

Kristel müsahibəsində deyir ki, 50-yə yaxın seksual partnyoru olub, onların arasında Alen Delon, Roje Vadim də var.

Kristel Fransa prezidenti d'Estenin sevgilisi olub. Dövrün seks simvolu olan Kristelin d'Estenlə münasibəti o, prezident olmadan öncə başlamışdı.

1974-cü il Pompidunun ölümündən sonra növədənkənar seçkilər keçirildi və d'Esten seçkilərdə Fransua Mitteranı uddu.

O, aktrisadan 26 yaş böyük idi. d'Esten prezident seçiləndən sonra da heç nə dəyişmədi. Kristel bütün rəsmi tədbirlərə dəvət olunurdu. O, prezidentin təşkil elədiyi rəsmi qəbullarda ev sahibəsi rolunu oynayır və onu xarici səfərlərdə müşayiət edirdi.

Sonralar populyarlığını itirən, özünü parlaq aktrisa kimi göstərə bilməyən Kristel çəkdiyi rəsmləri satmaqla, müxtəlif televiziya proqramlarda iştirakla pul qazanırdı. Aktrisa 2012-ci ildə vəfat edib.

Oxşar xəbərlər

Xəbər lenti

Övladlarınız haqqında dahiyanə sitatlar
21:01 09 Aprel 2020
Sevda Ələkbərzadədən pərəstişkarlarına karantin sovqatı
20:40 09 Aprel 2020
Azyaşlılar üçün nağıl müsabiqəsi elan edildi
19:05 09 Aprel 2020
Pandemiya çərçivəsində rəssamlara kömək üçün sorğu keçirilir
18:30 09 Aprel 2020
Dünyanın süfrəsinə duz dağılıb - Amil Amaldan yeni şeirlər
17:53 09 Aprel 2020
Gənc yazar oxuculara kitabla yardım edəcək
17:10 09 Aprel 2020
Uşaq ədəbiyyatı üzrə 58 adda kitab nəşr edildi
16:30 09 Aprel 2020
Vyana operası tamaşaları ləğv etdi
15:46 09 Aprel 2020
Gənc aktrisaya aşiq olub ailəsini tərk edən, üç dəfə evlənən, kabineti yandırılan rejissor - Maraqlı faktlar
15:05 09 Aprel 2020
25 yaşlı reper dünyasını dəyişdi
14:28 09 Aprel 2020
Eldar Mansurov: "Nəvələrimi görmək istəyirəm"
13:52 09 Aprel 2020
Ən çox mənfi obraz canlandıran aktyorların adı açıqlandı
13:14 09 Aprel 2020
Karantin zamanı ərzaq paylayan müğənnilər
12:36 09 Aprel 2020
Bağırovun İran siqaretinə görə güllələdiyi aktrisa
12:03 09 Aprel 2020
Kann Festivalından vacib açıqlama
11:29 09 Aprel 2020
Xalq artisti: "Arvadımla nərd oynayıram"
10:56 09 Aprel 2020
Azərbaycan şairləri Venesuelada dərc olundu
10:30 09 Aprel 2020
Mahnı müsabiqəsi elan olunub
10:06 09 Aprel 2020
Koronavirusdan bəhs edilən yeni Azərbaycan filmi
08:59 09 Aprel 2020
Bertolt Brextin bədənindən gələn leş iyi və "Ağ göl” romanı" – Ülvi Babasoy yazır...
21:00 08 Aprel 2020