writer1

Qan Turalı

Məqalə sayı

228
clock13:02 calendar-gray 04 Dekabr 2015 view-gray274 dəfə oxunub
view-gray274 dəfə oxunub

Xatirələri pozmaq səadəti

Modianonun “Möcüzəli balaca” romanını bir gecəyə oxuyub bitirdim və arxasınca bu yazını yazmağa başladım.

Romanın ideyasını bircə cümlə ilə belə ifadə etmək olar: “İnsana əzab verən xatirələrdən xilas olmaq gərəkdir”.

Bu elə asandırmı?

Nazım Hikmət ölümqabağı müdrikliklə yazırdı: “Xatirələrimdən şikayətçi deyiləm”

Bu necə bir ucalıqdır, necə bir müdriklikdir.

Məncə, Nazım Hikmətin bu müdrikliyi Buddanın ağacın altında aydınlandıqdan sonra hiss etdiyi rahatlığa, hüzura bərabərdir.

Yaddaş bizə əzab verir, ondan qaçmaq mümkün deyil, o bizim içimizdədir daima.

Kənan necə deyirdi? “Özündən qaçmaq olmur”.

Bəs o zaman nə etməli?

Özümüz azmışıq kimi ətrafımızdakı minlərlə əşya, söz, məkan, mahnı, kitab bizi xatirələr cəhənnəminə aparır.

Peşmançılıqlar, çəkdiyimiz ağrılar, günahlarımız, sevdiklərimiz və incitdiklərimiz hamısı qoşun kimi çökər üstümüzə.

Özümüzlə bəlkə birtəhərə baş çıxarda bilərik, lakin pusquda o qədər mahnı dayanıb ki...

“Xatirələrdə qalardı bəlkə də zamanla incəbel / Namussuz çay belə incə belli stəkanda verilməsəydi əgər” - şeirinə baxın...

Bu necə bir dəlilikdir, bu necə bir əzabdır?!

İnsan sevgilisiylə armudu stəkan arasında əlaqə quracaq qədər dəli ola bilərmi?

Yox, söhbət bir dəlidən getmir, böyük bir şairdən gedir.

“Sənin adın qışda qarı öpməkdir”. Ya da buna fikir verin. Bu qədər incə düşünmək ürəyə xətər yetirməzmi? (Şairə intihar etdi zatən)

Bu şizofrenik, psixopatoloji ruh halıdır bizi məhv edən.

Elə bu Modianiyə də “xatirələrlə insan hekayələrini dilə gətirdiyinə görə” Nobel mükafatı verilmədimi?

Amma, bayaq dediyim kimi Modianinin əsas ideyası da budur: “Xatirələrdən xilas olmaq gərəkdir”

Di gəl ki, xatirəsiz adamlar bəsitdir.

Hekayəsiz adamlar kədərlidir.

Onların birini heç zaman unutmuram.

Məclisdə hamı maraqlı şeylər danışırdı, yazıçılar üstünlük təşkil eləyirdi, ola bilsin uydurmalar da vardı.

Bu hekayəsiz də həvəsə gəlib bir əhvalat danışdı.

Bir dəfə şəhərə çıxıbmış, Sahil metrosunun çıxışında bir dönərçi varmış, başqalarına çörəyin içinə dönəri yandan doldururmuş, amma bunu tanıdığı üçün çörəyin başından kəsib içinə doldurub, üstəlik dostları üçün də belə bir jest edib. Sonra da bulvarda gəzib evə gediblər. Hə, axırda ötəri şəkildə onu da dedi ki, bu yaxınlarda o dönərçi qəzaya düşüb ölüb.

O adama yazığım gəldi.

Təkcə ona görə yox ki, onun dediyi dönərxana bizim işin yanındaydı, mən ordan iki-üç dəfə dönər almışdım və o, mənim də dönərimi yuxarıdan doldurmuşdu.

Həm də xatirənin bəsitliyi ağrıtdı məni.

Üstəlik, gülmək üçün danışılan əhvalatın ucunda ölüm olmağı...

Mən o adam üçün çox kədərləndim.

Xatirəsiz qalmaq olmaz.

Bu adam təkcə o zaman bizim məclisi korlamadı, indi bu yazını da korladı.

Yazını bitirə bilmirəm.

Bu cür sonluq necədir?

Dönəri başdan doldurun.

REKLAM

Yazarın digər yazıları

Xəbər lenti

Sənət müsabiqəsi elan olundu - Mükafat fondu 50 min avro
19:00 28 İyul 2021
Qobustanda Hindistan qalereyası açıldı
18:20 28 İyul 2021
“Ev dustağıyam” kitabının təqdimatı olub
17:25 28 İyul 2021
Bu mənəm - şairlərin yuxusuna gizli kamera yerləşdirən – Güneydən şeirlər
16:40 28 İyul 2021
Bakıda yeni fotosərgi açılacaq
16:00 28 İyul 2021
“Nimdaş” müxbirin dönər sifarişi - Ulucay Akif yazır...
15:29 28 İyul 2021
Müslüm Maqomayevin heykəlinin yeri müəyyənləşdi
15:01 28 İyul 2021
Səndən ayrılanda, dağlar, cavandım - Günün şeiri
14:15 28 İyul 2021
Boşanmadan ikinci qadınla evləndi, ölümündən sonra oğlu meydana çıxdı, müəmmalı qəzada öldü – Səxavət Məmmədovdan 10 maraqlı fakt
13:30 28 İyul 2021
Səməd Səmədovun dəfninə gəlmədilər - Giley
12:40 28 İyul 2021
İşıqları keçirib yazanlar
12:00 28 İyul 2021
Dərnəgülün qansoranları – Vüsal yazır…
11:20 28 İyul 2021
“Fəryad 2” filminə kişi axtarırlar – 15 manata
10:40 28 İyul 2021
Müğənni 56 yaşında öldü
10:05 28 İyul 2021
Votsapda beş roman yazan xanım: “Mənim davam internetdəki əxlaqsız kişilərlədir” - Müsahibə
09:00 28 İyul 2021
Homoseksual kralın aşiq olduğu bəstəkar
21:00 27 İyul 2021
Özbək şairi 44 günlük müharibədən kitab yazdı
18:51 27 İyul 2021
Adam öldürmək istəyirəm - Yeni hekayə
18:01 27 İyul 2021
Bakıda caz müsabiqəsi elan olunub
17:09 27 İyul 2021
Taleh Yüzbəyovdan yeni film gəlir - Fotolar
16:13 27 İyul 2021