Bir-birinə bağıran çılpaq rəssamlar

Marina Abramoviç ən məşhur performans rəssamlarından biridir. Rəssamın bütün performansları hər dəfə qalmaqala səbəb olur. Onu “Performansın nənəsi” də adlandırırlar.

Kulis Marina Abramoviçin on məşhur performansını təqdim edir.

Ritm 0

Marina Abramoviç ən məşhur performanslarından birində özünə ən massiv rol seçərək təşəbbüsü tamaşaçılara verib. Hər bir tamaşaçı stolun üstündə olan 72 əşyadan istədiyini seçərək bununla hərəkətsiz dayanmış rəssama xəsarət yetirə, alçalda, həzz verə bilərdi. Tamaşaçıların aqressivliyi getdikcə artıb və altı saatlıq performansın sonuna yaxın tamaşaçılardan biri onu silahla vurmaq istəyib.

Məkanda münasibətlər

Çılpaq Abramoviç və rəssam Ulay (onlar 12 il birlikdə yaşayıb və işləyiblər) bir-birlərini taqətdən düşənə qədər döyürlər.

Imponderabilia

Sərgiyə baxmaq istəyənlər girişdə dayanmış iki çılpaq arasından keçməlidirlər.

Özünə ölüm

Abramoviç və Ulay 20 dəqiqə ərzində ağız-ağıza dayanaraq biri-birinin nəfəsini udublar. Performans iştirakçılardan biri oksigen çatışmazlığından huşunu itirənə qədər davam edib.

Zaman-zaman münasibətlər

Abramoviç sevgilisi ilə saç-saça bağlanıb. 17 saat bu vəziyyətdə qalıblar.

AAA-AAA

Bu dəfə Abramoviç və Ulay nəfəsləri kəsilənəcən bir-birlərinə bağırırlar.

Rahatlıq enerjisi

Abramoviç əlində ox, Ulay isə gərilmiş kaman tutub. Bu vəziyyət dörd dəqiqə davam edir. Səsgücləndiricilər onun ürək döyüntülərinin səsini nəfəs alış-verişini məkana yayırlar. İstənilən ehtiyatsızlıq ölümlə nəticələnə bilər.

Balkan barokkoso

Abramoviç vətəni Yuqoslaviyada ölənlərin xatirəsini yad etmək məqsədi ilə sümüklərdən yaradılmış təpədə oturub onları yumaqla məşğuldur.

Skeletlə birgə çılpaq

Abramoviç təbii skeletə sarılaraq 700 saatdan çox uzanılı vəziyyətdə qalıb.

Rəssamın qarşısında

Rəssam 700 saatdan çox hərəkətsiz oturub. Tamaşaçılara isə təklif olunur ki, onun qarşısında əyləşib rəssamın gözlərinə baxsınlar.

• “Arşın mal alan”ın Əsgərinin başına gələn dəhşətlər – Sonralar hansı yaxınları ona dönük çıxır?
• "İndi yalnız bir cəbhə var!" - Əvvəlki ədəbi nəsillə əlaqə lazımdırmı?
• Bəxtiyar Vahabzadənin kitabı özbək dilində təqdim edilib