Tanınmış jurnalist, Kulisin əməkdaşı Ramilə Qurbanlının “33 pərdəli dram” adlı kitabı çap olunub.

Bu barədə müəllif özü məlumat verib. Kitabda R.Qurbanlının vaxtıyla mətbuatda çap olunan portretlər yazılar silsiləsi yer alıb.

Səyavuş Aslan, Telman Adıgözəlov, Yaşar Nuri, Kamal Xudaverdiyev, Həsənağa Turabov kimi dünyasını dəyişmiş sənətkarların portretləri həm peşəkarlar, həm də geniş oxucu kütləsi üçün nəzərdə tutulub.

Kitabda Rasim Balayev, Fuad Poladov, Mehriban Zəki, Ramiz Novruz, Nurəddin Mehdixanlı haqqında olan sanballı materialları da kitabda yer alıb. Adı çəkilən və çəkilməyən sənətkarların həm yaradıcılığı, həm də şəxsi həyatları barədə kitabda dolğun məlumatlar var, bir sözlə, oxuduqca onların tam portretlərini göz önündə canlandırmaq mümkündür.

Ramilə Qurbanlı bildirib ki, kitabın adı içindəki sənətkarların həyatı və səhnə taleyi ilə həmahəngdir.

“33 pərdəli” dram kitabına mədəniyyət aləminin tanınmış imzaları Azər Paşa Nemət və İlham Rəhimli ön söz yazıblar.

Kitab iki hissəlidir və hələlik birinci hissə çıxıb. İkinci hissədə Üzeyir bəy Hacıbəyli, Sabir Əhmədli, Tahir Salahov, Əzizə Cəfərzadə, Elza İbrahimova kimi böyük şəxsiyyətlər haqqında portret yazılar toplanıb.

Müəllif kitabın ərsəyə gəlməsində göstərdiyi köməyə görə Azərbaycan Respublikasının Prezidenti yanında Bilik Fonduna, Yaradıcılıq Fonduna təşəkkürünü bildirir.

“33 pərdəli dram” yaxın günlərdə oxuculara təqdim olunacaq.

• 37-ci ilin qanlı kölgəsi - Müşfiqin evinə girən gözlənilməyən "qonaqlar" kimlər idilər?
• Artıq səni dinləyə bilmirəm... - Günün mahnısı
• Məşhur prodüser 146 il həbs cəzası aldı - Səbəb