writer1

Mirmehdi Ağaoğlu

Məqalə sayı

559
clock13:40 calendar-gray 21 Oktyabr 2015 view-gray267 dəfə oxunub
view-gray267 dəfə oxunub

Transformatorda sevişmək

Dünən gecə şəhərdə bədbəxt hadisə baş verib. Gənc bir oğlan sevdiyi qızla 6 min voltluq transformatorun qapısını açıb içəri girib.

Nəticədə qızla oğlanı tok vurub.

Hələlik onu bilirik ki, oğlan qolunun birini itirib, qızın da vəziyyəti yaxşı deyil.

Olduqca tragikomik durumdur. Adam bilmir gülsün, yoxsa ağlasın.

Məsələ aydındır. Kim öz xoşuyla transformatora girər! Onları o ölüm qutusuna salan enerjinin adı məlumdur.

Əslində baxsan bu ölkədə transformatora girən təkcə onlar deyillər.

Nə qədər cavan oğlan, cavan qız, sevgili hər dəfə görüşmək üçün bu cür xəyali qutulara-transformatorlara girir.

Məhəllə var, gərək qızla keçəndə əlindən tutmayasan. Şəhərdə sevgilini qucaqlayıb dodağından öpmək istəsən o dəqiqə sərt reaksiya alarsan. Transformator şükürlü olar.

Baxırsan ki, sevgilidirlər, hardasa tanış olublar. İndi görüşmək, sevişmək istəyirlər. Di gəl görüşmək, söhbət etmək üçün normal bir kafe, normal bir yer tapa bilmirlər. Əvvəla qorxursan ki, qızın qohumu filan peyda olar, problem yaranar, ikincisi də sarılmaq istəyən kimi ofisiant başının üstünə kəsdirib deyəcək bizim kafedə belə şey olmaz.

Qızın evinə getmək olmaz, məhəllədə tutsalar öldürərlər, qızı evinə də gətirə bilməzsən, öz məhəlləndə deyərlər ki, camaatın ana-bacısı var, məhəlləyə qız gətirir.

Vəziyyət bu cür olanda da sevgililər adamın ağlına gəlməyən yerlər fikirləşirlər. Maşını olanın işi yenə rahatdır, çöllük yerə, ağaclığa, dəniz qırağına gedə bilir. Vay o gündən ki, maşının da olmaya.

Onda məcbursan bu oğlan kimi transformatora girməyə.

Əslində dünənki hadisə vəziyyətin nə qədər acınacaqlı olmağının nümunəsidir. Gör adam nə vəziyyətə düşüb ki, 6 minlik transformator ona otel otağı kimi görünüb.

İnsanların şəxsi həyatlarına müdaxilə etdikcə, küçədə öpüşən görən kimi üzünə marıtladıqca, adamların namusunu, əxlaqını, cinsi həyatını ictimai müzakirə mövzusuna çevirdikdə bu cür bədbəxt hadisələr də davam edəcək.

Bu hadisədə isə anlayan üçün ibrət dərsi var.

Deməli, sevginin, şəhvətin, seksin qarşısında heç nə dayana bilməz. İstəyən bir yolunu tapıb ehtiyacını ödəyəcək. Lap bu yer transformator olsa belə.

REKLAM

Yazarın digər yazıları

Xəbər lenti

Ondan qorxurduq – Bacısı qızı Kafkadan yazır...
17:47 03 İyul 2020
Mehriban Vəzirdən yeni kitab
16:58 03 İyul 2020
Koronavirusa həsr olunan film çəkilir
16:13 03 İyul 2020
"Sehrbaz qadın" onlayn nümayiş olunacaq
15:21 03 İyul 2020
Xarici İşlər Nazirliyi nota göndərməlidir - Kino adamları od püskürdü
14:30 03 İyul 2020
Uşaqlar üçün tamaşa
13:57 03 İyul 2020
Anar yeni ssenarisini çəkməyə vəsait tapmır
13:15 03 İyul 2020
Hoşcakal, İrfan bey! – Ayxan Ayvaz yazır...
12:33 03 İyul 2020
Dünya ilə oynayan iki qadın - Mehman Qaraxanoğlu yazır...
12:07 03 İyul 2020
Qəmli-qəmli sevişmək – Oğuz Ayvaz yazır...
11:41 03 İyul 2020
Türkiyənin Azərbaycandakı keçmiş müşaviri vəfat edib
11:16 03 İyul 2020
Günün şeiri Küçük İsgəndərdən - Mətn
10:58 03 İyul 2020
Orxan Pamuk qızına çap qadağası qoydu
10:26 03 İyul 2020
İstəyirdim kimsə məni itələyib küçənin ortasına yıxsın - Bircənin romanı
09:00 03 İyul 2020
Azərbaycanlı fotoqraflar beynəlxalq fotomüsabiqədə 4 qızıl medal qazandılar
18:41 02 İyul 2020
Eşşək obrazına görə ərini tərk edən qadın – Əyyub Qiyasdan yeni hekayə
18:04 02 İyul 2020
Kosmosun qoxusu necədir? - NASA-dan 2 il əvvəl bunu düşünən azərbaycanlı
17:23 02 İyul 2020
Səməd Vurğunun şeirlər kitabı Türkiyədə nəşr olundu
16:41 02 İyul 2020
“Durna balığı” onlayn göstəriləcək
15:48 02 İyul 2020
Bakıda böyüyən yazıçının Avropada bestseller olan romanı - O, rus çarına niyə "dünyanın ən bədbəxt adamı" deyirdi?
15:02 02 İyul 2020