news-inner
clock12:27 calendar-gray 14 Oktyabr 2015 view-gray134 dəfə oxunub
view-gray134 dəfə oxunub

Tanınmış aparıcı: “Azərbaycan ədəbiyyatından uzaq düşmüşəm”

Kulisin kitabla bağlı suallarını tanınmış aparıcı Könül Arifqızı cavablandırır

- Nə oxumusnuz və oxuyursunuz?

- Bədii ədəbiyyat həmişə aktual olub mənimçün. Orta məktəbdə bizim yazarlarla yanaşı Jul Vern, Ata Düma, Konan Doyl və başqalarının əsərlərini xatırlayıram. İndi də vəziyyət pis deyil. Sentyabr ayında oxuduqlarım hələ ki, Dostoyevski, Jeyne Austen və Milan Kundera olub. Hal-hazırda balaca kitab var əlimdə: Selincerin "Çovdarlıqda uçurumdan qoruyan" əsəri...

- Sizcə aparıcı ədəbiyyat sahəsində nə qədər savadlı olmalıdır?

- Ədəbiyyat sahəsində nə qədər savadlı olmalıdır, bilmirəm. Onun dərəcəsini təyin etmək çətindir. Amma mütaliəsi olmalıdır.

- Məşhurların bir çoxu mütaliə etmir. Hətta məşhur xanəndələr var ki, ömrü boyu qəzəli səhv oxuyur, mənasını anlamır. Eyni zamanda aparıcılar sözü, vurğunu düz demir, bəhs etdiyi mövzuya yaxından bələd deyil. Bu məsələyə necə baxırsınız?

- Aparıcının sözü, vurğunu düzgün deyə bilməməsi həm də o kadrı hazırlayıb, yaxud da hazırlamayıb efirə buraxan insanların məsuliyyətidir. Ümumiyyətlə isə, hər hansı bir mövzuda danışmaq üçün mütləq hazırlaşmaq lazımdır. Bunun əksi anormaldır.

- Türkiyədəki tele və şou aparıcıları ciddi mütaliəlidirlər. Sizcə bizdə belələri varmı?

- Türkiyə aparıcılarının ciddi mütaliəsi haqda haqda heç bir məlumatım yoxdur. Təəssüf. Amma mən bu mənzərəni daha çox rus kanallarının erudik və maraqlı aparıcılarında müşahidə edirəm və zövq alıram.

- Sizcə, kitab mədəniyyəti nə vaxt formalaşacaq bizdə? Hansı ki, sovet vaxtı bu normal idi. Bəlkə elə birinci sənət adamlarından başlamaq lazımdır. Örnək olaraq...

- Bilmirəm. Amma mütaliə ənənəsi həqiqətən yox həddindədir. Onu bir dəb kimi gündəmə gətirmək və təşviq etmək lazımdır. Və ən əsası bunun yollarını tapmaq lazımdır.

- Yazırsınızmı nəsə? Həvəs üçün də olsa... Məktub, şeir, hekayə, nağıl, ən azı status-SMS...

- Yox (gülür). Söhbət bədii nümunədən gedirsə, heç vaxt heç nə yazmamışam. Status və SMS sayılmır (yenə gülür). Heç sınamamışam da. Məncə, belə şeylər vergi kimi olur. Ya var, ya yoxdur.

- Yeni mahnıların sözləri sizi qane edirmi?

- Yeni mahnılarda və ümumiyyətlə mahnılarda heç vaxt dərin fəlsəfi məzmun axtarmıram. İki-üç dəqiqə ərzində hər hansı pop-estrada nümunəsindən dinləyicinin gözlədiyi sadə, anlaşıqlı və rəvan düzülmüş sözlərdir. Heç keçmişdə yaranan mahnıların da hamısının mətnləri fantastik deyildi ki. Bir də baxır musiqinin janrına. Bu əgər rok nümunədirsə, orda həqiqətən podtekst, söz oyunu və dərin məzmun eşitmək istəyirsən. Yaxud sosial mesajlar və insani tərpədən və düşündürən fikirlər. Misal üçün, Zemfiranın mətnləri çox möhtəşəmdir. Qalan bütün hallarda bayağılıq, məntiqsizlik və əttökənlik istisna olunmaqla mətnlər keçərlidir.

- Şeir əzbərləyirsiniz heç?

- Çox yox. Yadımda saxlaya bilmirəm. Müşfiqin, Nazim Hikmətin, Musa Yaqubun, Bəxtiyar Vahabzadənin, Hüseyn Cavidin bir meçə misrasını bilirəm...

- Azərbaycandan sevdiyiniz şeirlər, hekayələr, romanlar haqda da danışın mümkünsə.

- Son zamanlar Azərbaycan ədəbiyyatindan təəssüf ki, uzaq düşmüşəm. Əvvəllər oxuyardım. Amma özümə soz vərmişəm İsa Mugannanın əsərlərini tapıb oxuyacam.

- Dünya ədəbiyyatından sevdiyiniz əsərlər hansılardır?

- Sevdiklərim Bulqakov "Master və Marqarita", Herman Hesse "Muncuq oyunu", Remark "Üç yoldaş", Dostoyevski "Cinayət və cəza" və s.

- Yeni dövr Azərbaycan yazarlarından kimi tanıyırsınız?

- Heç kimi..

- Svetlana Aleksieviçi tanıyırsınız?

- Svetlana Aleksieviç, zənnimcə bu ilin ədəbi hadisəsidir.

- Sizcə, niyə ciddi bir kitaba 5 manat verməyən azərbaycanlı saiti samitdən ayıra bilməyən toy müğənnisinə və tamadalara minlərlə manat sayır? Bu ciddi problemdir, yoxsa heç bir zərəri yoxdur?

- Əlbəttə ciddidir. Amma ümid edirəm ki, müvəqqətidir.

- Səmavi kitablardan hansıları oxumusunuz?

- Yalnız Quranı... Müxtəlif tərcümələrdə...

- Son olaraq həmkarlarınıza və tamaşaçılarınıza ədəbiyyatla, kitabla bağlı nə dəmək istəyirsiniz?

- Kitab insanın hisslər, duyğular və fikirlər palitrasını zənginləşdirən və şəxsiyyəti formalaşdıran ən böyük mənbədir. Daha məntiqli düşünür və insan xarakterlərini, psixologiyasını ayırd edə bilirsən. Həyatı azca da olsa dərk edirsən. Bunu istəyən hər bir kəs ağıllı müəlliflərin kitablarından yapışsın.

news-inner-user

17203 məqalə

Oxşar xəbərlər

Xəbər lenti

Fuad Poladov: "Bir qız zəng vurub evimizə deyib ki, Fuadı Rostovda öldürüblər" - Müsahibə
09:01 05 Dekabr 2020
Beynəlxalq müsabiqədə şəhidlərimiz yad edildi - Ukraynada
20:05 04 Dekabr 2020
"Italyansayağı xoşbəxtlik" tamaşası onlayn nümayiş ediləcək
19:30 04 Dekabr 2020
Aydın sabahların dostu
18:56 04 Dekabr 2020
Sirlərin bədii və elmi sərgüzəştləri – Elçin yazır...
18:10 04 Dekabr 2020
Azərbaycanlı rejissor qəhrəmanlarımızdan film çəkmək üçün müraciət etdi
17:35 04 Dekabr 2020
Şəhid dənizçilərə kitab həsr olunacaq
17:10 04 Dekabr 2020
Xudayar Yusifzadə və bütün Şəhidlərimizin ruhuna: Vətən yaxşıdır
16:28 04 Dekabr 2020
"Ulduz" jurnalının yeni nömrəsi Qarabağa həsr olundu
15:46 04 Dekabr 2020
Bizim üçün ölümə gülə-gülə gedən 2783 adam
15:03 04 Dekabr 2020
Qadın yazarın yeni kitabı işıq üzü gördü
14:19 04 Dekabr 2020
Kamal Abdulla: “Mənim üçün ad günü kədərli gündür” - Müsahibə
13:37 04 Dekabr 2020
Koronavirusa qarşı qələbə vaksini - Ayxan Ayvaz yazır...
13:01 04 Dekabr 2020
Aqşin Yenisyey: “Bundan sonra hər gün “sayğı duruşu”nda dayanacağıq”
12:23 04 Dekabr 2020
Anar Vətən müharibəsindən danışdı: “Arzu edirəm ki...”
11:50 04 Dekabr 2020
Bir dəqiqə sükut... Gəmi siqnalı... – Günün şeiri
11:16 04 Dekabr 2020
Avropada şeir festivalında olan Ramil Əhməd: “Xalqımıza qarşı çox böyük sevgi gördüm”
10:45 04 Dekabr 2020
Mən də gedim komandir... – Döyüşçü-şair şəhid olan dostlarına şeir yazdı
10:15 04 Dekabr 2020
Bu gün şəhidlərimizin xatirəsi bir dəqiqəlik sükutla yad ediləcək
09:45 04 Dekabr 2020
Daşları yuxarıdan-aşağı maşının üstünə yağdırdım - Bircənin romanı
09:01 04 Dekabr 2020