news-inner
clock12:51 calendar-gray 28 Sentyabr 2015 view-gray217 dəfə oxunub
view-gray217 dəfə oxunub

Səlim Babullaoğlu Dünya Şairlər Hərəkatının səfiri oldu

Azərbaycan Yazıçılar Birliyinin (AYB) Bədii Tərcümə və Ədəbi Əlaqələr mərkəzinin rəhbəri Səlim Babullaoğlu bu yaxınlarda Dünya Şairlər Hərəkatının Azərbaycan üzrə səfiri təyin edilib. Bu barədəAdalet.az-a S. Babullaoğlu məlumat verib.

Qeyd edək ki, S. Babullaoğlu Hərəkatın Azərbaycandan ilk üzvüdür. Dünya Şairlər Hərəkatı 2005-ci ildə Çili şairi Luis Arias Manzo tərəfindən Valparaisoda yaradılıb. 5 qitə, 120 ölkəni əhatə edən 8000-dən artıq üzvü olan ən böyük peşəkar poetik gildiyadır. Baş katibi Luis Arias Manzo, prezidenti Athanase Vantchev de Thracyidir. Baş ofis Çilidə, prezident ofisi isə Fransadadır.

Azərbaycan ədəbi mühitinin növbəti uğuru hesab olunan üzvlüklə bağlı S.Babullaoğluna bəzi suallarla müraciət etdik.

- Dünya Şairlər Hərəkatı haqqında əvvəldən əlaqəniz və bilginiz vardımı?

- Vardı. İrandan, Türkiyədən, Serbiyadan bəzi şairləri tanıyırdım. Çepat Çapan, Ataol Bəhramoğlu, Ziba Kərbasi,Duşka Vrxovası… Hərəkatın bir Ümumdünya Manifesti də var. Onu da oxumuşdum.

- Manifestin əsas prinsipləri nədən ibarətdir?

- Hərəkatın bir neçə dildə olan saytı var.Poetasdelmundo.com.Manifestin mətni var orda. Humanist dəyərləri önə çəkən bir manifestdir. Xüsusən,həmin manifestdə bir məqam mənim çox xoşuma gəlir. "Şair olmaq yalnız yaxşı şeirlər yazmaq deyil, həm də onlarla yaşamaqdır. Onlarla yaşamaq şeirin, poeziyanın gözəlliyini hiss eləmək deyil, həm də onu həyata keçirməkdir.” Yəni əməldir.

- Bəs necə oldu Hərəkata üzv olmaq qərarı verdiniz?

- Bu mənim arzumla olmadı. Dünya Yazıçıların 52-ci Beynəlxalq Belqrad Toplantısından qayıdandan sonra əvvəl Hərəkatın Avropa üzrə vitse-prezidenti Duşka Vrxovasdan, sonra həmin günün axşamı isə Hərəkatın prezidenti Athanase Vantchev de Thracydən məktub aldım. Mənim namizədliyimi xanım Vrxovas irəli sürmüşdü. Cənab Vantchev razılığım olacağı təqdirdə qərarın artıq verildiyini yazır və məndən özüm haqqında bilgi istəyirdi. Mən razılıq verdim və tələb olunan məlumatı göndərdim. Bu gün isə Hərəkatın baş katibi Luis Arias Manzo mənə qərarı və bəzi qeydlər olan məktubu göndərdi. Qısacası belədir.

- Sizcə bu Hərəkatda olmağınızın faydası nə olacaq, ümumiyyətlə faydası olacaqmı?

- Yaşayarıq, görərik. Məncə olmamış olmaz. Hər halda ümid edirəm ki, bu milli ədəbi həyatımızın dünya ədəbi prosesinin bir hissəsi olmaq, müəyyən beynəlxalq tədbirlərə qoşulmaq kimi işlərdə, ədəbiyyatımızın, ələlxüsus da poeziyamızın tanınması istiqamətində az da olsa, amma hökmən öz bəhrəsini verəcək.

news-inner-user

19991 məqalə

Oxşar xəbərlər

Xəbər lenti

Məktəbə gəlməyə peşman olan əkiztayı, müəllimləri üçün darıxmayan uşaq, nəvəsindən bezmiş nənə – İlk dərs günündən reportaj
12:40 22 Sentyabr 2021
“Son günlər işdən qanıqara gəlirdi” - Qızı Fikrət Qocanın ölüm səbəbindən danışdı
11:49 22 Sentyabr 2021
Oğul, oğul, amandır! - Günün şeiri
11:14 22 Sentyabr 2021
Dərsin ortasında fıştırıq çalan şagird: Distant təhsildən reallığa
10:38 22 Sentyabr 2021
Məşhur aktyor vəfat etdi
10:18 22 Sentyabr 2021
Aktyor Elcan Rəsulov: “Afaq Bəşirqızı mənə dedi, çıx get burdan” – Müsahibə
09:00 22 Sentyabr 2021
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
21:00 21 Sentyabr 2021
Pekində beynəlxalq film festivalı başlayıb
18:55 21 Sentyabr 2021
Gənc yazarın ilk şeirlər kitabı nəşr edildi
18:15 21 Sentyabr 2021
Aqşin Yenisey: “Bu, milli biabırçılıqdır” – Müsahibə
17:47 21 Sentyabr 2021
Seviş mənimlə, gecədir! – Məlihə Əzizpurun şeirləri
17:30 21 Sentyabr 2021
Ailə dəyərləri, qadın azadlığı və fahişəlik
16:44 21 Sentyabr 2021
Bizi zibilə salanlar - Sevda Sultanova yazır...
15:50 21 Sentyabr 2021
Rejissor öz ölümündən film çəkdi
15:10 21 Sentyabr 2021
Məktəb oxumayan yazıçı Nobeli necə aldı?
14:12 21 Sentyabr 2021
Fotoqraflar arasında müsabiqə elan olundu
13:02 21 Sentyabr 2021
Qardaşının ölümünü ondan gizlədilər, həkimlər övlad qadağası qoydu, “Ağlama, Zaur” şeirini yazdı - Anar Təhminəni onun həyatından götürmüşdü?
12:10 21 Sentyabr 2021
Şəhid anasının əli ilə veriliş bağlayan Tolik
11:33 21 Sentyabr 2021
Səməd Vurğuna görə ianə toplanır – Foto
11:01 21 Sentyabr 2021
Laçında teatr açmaq istəyən aktyor – Müzakirə
10:33 21 Sentyabr 2021