news-inner
clock17:30 calendar-gray 15 Sentyabr 2015 view-gray580 dəfə oxunub
view-gray580 dəfə oxunub

Sevimli qadınlarıma... - Sevinc Çılğının yeni şeirləri

Kulis Sevinc Çılğının yeni şeirlərini təqdim edir.

ZÜLFİYYƏ

“Gülüşə qadağa”

“Ağlama, şükr et”

“Acları düşün”

“Başqalarının dərdi səninkindən böyük”

“Özündən başqa hamını gör anla”

Hər ağızdan bir avaz gəlir

Adamlara nolub, Zülfiyyə?

Mənim ki dərdim məni öldürür

Mənim ki gözlərimdə yaş qurumur

Mənim ki bir parça ürəyimdə yanğın bitmir ki bitmir

Sən ki görürsən

Bəs adamlara nolub, Zülfiyyə?

Hər səhər bir ovuc ümidlə oyanıb

Bu gün hər şeyin yaxşı olacağına inanırıq

Hər axşam nə qədər axmaq və mənasız olduğumuzu anlayıb

Buz kimi çarpayımızda qovruluruq

Uşaqca sevinclərimiz

Ahılca ağrılarımız var

Heç kəs görmür

Axı adamlara nolub Zülfiyyə?

Məsələn mən

Uşaq, ər, iş, ana, pul, paltar, bəzək qayğılarıyla

Məişətə uduzuram

Tıxaclarda şeir yazıram

Sənsə...

Gələcək övlad

Adam kimi adam sevgili

Zövqlü iş

Xəstə ana hayındasan...

Təksən

Təkliyinlə savaşırsan

Özünlə barışmısan

Başın şişir fikirdən

Gözün şişir gizli-gizli ağlamaqdan

Ama sən

Hər səhər gülümsəyirsən

Sussan da danışırsan

Sussam da anlayıram

Və bizi –

Məni ölü arzularım

Səni diri ümidlərin yaşadır

Bunca ağrının içində

Biz yaşaya bilirik

Bu adamlara nolub, Zülfiyyə?

Yaxşı, ağlama, Zülfiyyə

Dur çay dəmlə

Şirin çörəklər almışam

Unudaq yenə

Unudaq hər şeyi

Bir parça ət və sümükdən olduğumuzu

Yeməsək ölərik həqiqətini xatırlayıb

Üz-üzə oturaq yenə

Qaldır masadan ağrıları

Uzun dolaşıq saçlarına qurban olsun hər şey

Bizə nə adamlara nolub, Zülfiyyə

LEYLA

Leyla – mənim canlı sükutum!

Mən ovuclarımda ağrılarımı sıxıb-sıxıb gizlətdikcə

Sənin danışan baxışların üsyan edər

Mən sənə heç vaxt ağrıyan yerlərimi göstərmərəm

Sən mənə susmaq üçün göndərilmisən çünki...

Leyla...

Sən bilirsən adam hamıdan gizli öz içində necə ölür?

bilirsən...

unutmağın qabıq dəyişmək olduğundan xəbərin varmı?

Var, görürsən...

Bəs adamın...

Bəs adamın ölmədən öncə

Yoxluğuna ağlayan dostuna sarılıb “mənə unutmağı öyrət ki ölməyim” pıçıltısını necə, eşidirsən?

Sənə boyalı dırnaqlarımın şəklini yollayaram

Gözəldi deyərsən

Üzümə saatlarca susub

gözlərimin, dodaqlarımın sirrini açarsan

sənə dərdlərimi gizlədən gözəlliyimdən danışaram

özümə danışdığım yalanlara səni də inandırmaq istərəm

sən baxarsan

sən susarsan

gülümsəyib ürəyindən məni bağrına basmaq keçər

keçər, Sevinc, bu da keçər...

Leyla...

Leyla...

Nə gözəl adın var

Adın

üstümə yağdırmadığın suallarına

ən doğru cavabımdı – Leyla...

sən üçnöqtələrin arasında gizlənən həqiqətimi

iliyinə qədər hiss edərsən

və ən dadlı dərmanı – sükutu qoyarsan qanayan ovuclarıma

Leyla, xəbərin varmı

oğlum

bütün dostlarımı “lelaaaa” çağırır

dostun bir başqa adı – leyladır, xəbərin var?...

Oxşar xəbərlər

Xəbər lenti

Vərəmə yoluxdu, amerikalı ilə evləndi, Hollivudda güllələndi - Azərbaycanlı müğənninin faciəsi
16:36 25 Sentyabr 2021
İngilis müğənni "Gəl, ey səhər"i oxudu - Video
15:17 25 Sentyabr 2021
Oğlundan imtina edən, işə pijamada gedən, iki dəfə dəfn olunan azərbaycanlı alim
13:59 25 Sentyabr 2021
Yazıçı "Qanun" nəşriyyatını qanunsuzluqda ittiham etdi: "Bu hadisə Şahbaz Xuduoğlunun adına ləkə salır"
13:12 25 Sentyabr 2021
“Traviata” operası nümayiş olundu
12:09 25 Sentyabr 2021
Azərbaycan beynəlxalq kitab yarmarkasında iştirak edir
10:55 25 Sentyabr 2021
Sevginin intihara apardığı qadın
09:00 25 Sentyabr 2021
“Yusif Vəzir Çəmənzəminli və Şumer qaynaqları” kitabı çapdan çıxıb
18:07 24 Sentyabr 2021
Teatr və kinoteatrlar açılır - Qərar
17:53 24 Sentyabr 2021
Yağış düşdü sahildəki daşlara - Musa Yaqubdan seçmə şeirlər
17:30 24 Sentyabr 2021
Fərid Hüseynin yeni kitabı çap olundu
16:49 24 Sentyabr 2021
“Səs Azərbaycan” başlayır: Münsiflər kim olacaq? - Foto
16:05 24 Sentyabr 2021
Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021
Rusdilli olmaq başqa, rus dilini bilmək başqa: Özünə hörmət etməyən kimlərdir?
12:15 24 Sentyabr 2021
Ana dilini bilməyən nankorlara - Günün şeiri
11:38 24 Sentyabr 2021
Musa Yaqub xanımının məzarı üstündə şeir oxuyur - Video
11:01 24 Sentyabr 2021
Qızı ilə rusca danışan Elgiz
10:30 24 Sentyabr 2021