Anarın kitabı Macarıstanda işıq üzü gördü - FOTO

Azərbaycan Yazıçılar Birliyinin sədri, Xalq yazıçısı Anarın “Seçilmiş əsərləri” Budapeştin “Harmattan” nəşriyyatında çap olunub.

Azərbaycanın Macarıstandakı Səfirliyinin təşəbbüsü ilə işıq üzü görən kitaba yazıçının müasir əsərləri daxil edilib.

Povest və hekayələri macar dilinə Marqarita Herinq, Anna Vandor, Laslo Zahemski kimi peşəkar tərcüməçilər çeviriblər. Ümumi redaktorluq işini isə tanınmış macar azərbaycanşünası, Budapeştin ELTE universitetinin müəllimi Mariya Keneşi yerinə yetirib.

Macarıstan Yazıçılar Birliyinin sədri Yanoş Sentmartin azərbaycanlı həmkarının kitabına ön söz yazıb. “Əbədi dəyərlər sorağında” adlı bu ön sözdə Anarın yaradıcılığı timsalında ədəbiyyatın xalqın və cəmiyyətin həyatında oynadığı mühüm roldan bəhs edilir. / Senet.az /