Əməkdar artist Nofəl Vəliyev Türkiyədə mükafat alıb. Azərbaycan Dövlət Gənc Tamaşaçılar Teatrının mətbuat xidmətindən Kulisə verilən məlumata görə o, “Ən yaxşı rejissor işi” və “Türkiyə xaricində mükafata layiq görülən teatrlar” nominasiyalarında mükafata layiq görülüb.
18-23 avqust tarixlərində Türkiyənin Bursa şəhərinin Mudanya bölgəsində “Teatr tətili” yay məktəbində iştirak edən aktyor bu il yaradılan və Türkiyənin müxtəlif şəhərlərindən məşhur teatr mütəxəssislərinin iştirak etdiyi məktəbdə ustad dərsləri ilə çıxış edib.
2014-2015-ci illər teatr mövsümü ərzində İstanbulda nümayiş etdirilən tamaşaların yozumu və aktyor oyununu qiymətləndirən Türkiyənin nüfuzlu "XV Direklerarası Seyirci Ödülləri" qurumunun qərarı ilə Nofəl Vəliyev iki nominasiya ilə mükafatlandırılıb.
“Ən yaxşı rejissor işi” nominasiyası üzrə mükafata aktyorun ötən mövsüm Türkiyə Cumhuriyyətinin Antaliya Böyükşəhər Bələdiyyə Teatrında Pərvin Ünalpın “Gec qalanlar” əsəri əsasında hazırladığı eyniadlı tamaşa layiq görülüb.
“Türkiyə xaricində mükafata layiq görülən teatrlar” nominasiyası çərçivəsində növbəti mükafata isə cari ilin may ayında Türkiyə Cumhuriyyəti Dənizli şəhərində keçirilmiş Beynəlxalq Teatr Festivalında nümayiş etdirilən “Qaçaq qocalar” tamaşası layiq görülüb.
Xatırladaq ki, sözügedən tamaşa ötən mövsüm Azərbaycan Teatr Xadimləri İttifaqının nəzdində fəaliyyət göstərən “Rejissorluq emalatxanası”nda Nofəl Vəliyev tərəfindən hazırlanıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər