Nyu-Yorkda yerləşən “One Grand” Kitab evi yeni marketinq planı hazırlayıb. Elm və sənət dünyasının məşhurlarına “Kimsəsiz adaya düşsəniz özünüzlə hansı kitabları apararsız?” sualı ilə müraciət ediblər. Daha sonra isə məşhurların seçdiyi kitabları şəbəkənin mağazalarının rəflərinə yerləşdirib. Yeni plana aktrisa Tilda Swinton və musiqiçi Carrie Brownstein ilə başlayan kitab evi eyni sualı REM alternativ rok qrupunun solisti Maykl Staypa da verib. Staypın siyahısında Cek Keruakın “Yolda” və Vladimir Nabokovun “Lolita” romanları ilə yanaşı Patti Smitin yaxın vaxtlarda çap olunmuş “Ancaq uşaqalr” kimi kitabları da daxildir.

Maykl Staypın siyahısını təqdim edirik.

Bütün əsərləri, Artur Rembo

Patti Smit sayəsində hələ 16 yaşımda Rembonun bütün əsərlərini oxumuşdum. Hər kəlməsini anladığımı deyə bilmərəm, amma birnəfəsə oxumuşdum.

“Yolda”, Cek Keruak

Bu kitab REM-in ilham mənbəylərindən biridir. Ölkənin hər yerinə ayaq basacaq, xəyallarımızdakı kimi həmişə yollarda olacaqdıq.

“Dalqren”, Samuel Rey Dileni

Dileninin yaratdığı dünyada olduğu kimi gələcəkdə yaşadığımız dünyadan uzaqda istədiyimiz hər bir qadın və kişi ilə sevişə biləcəyik. Nə günah hissi, nə də həyəcan hiss edəcəyik. Eynən yuxularımızdakı kimi.

“Çempionların səhər yeməyi”, Kurt Vonnehut

Yumor və satira ilə Vonnehut sayəsində çalışdım.

“Normal ailələr olmur”, Duqlas Koupland

Məncə bu kitab Kouplandın dövrümüzün öndə gələn futuristlərindən biri olmasının sübutudur.

“Lolita”, Vladimir Nabokov

“Nabokovun incə yumoru, insanlığı qavraması və özünəməxsus dil ilə hördüyü gərginlik...”

“Play It as It Lays”, Joan Didion

Bu kitab məndə heykəllərə və əntiq olan hər şeyə qarşı yaranmış sevginin başlanğıcıdır.

“Four Plays by Aristophanes”, translated by William Arrowsmith

Müəllif və tərcüməçinin açıq-saçıqlığına heyran oldum.

“Salam, kədər”, Fransuaza Saqan

Dərmansız bir dərd, fransız tərzində melanxoliya.

“Ancaq uşaqlar”, Patti Smit

Kitabı oxuyanda elə bildim o cümlələri sanki Smit yox, mən yazmışam, inanılmaz kitabdır.

• Əfsanəvi türk müğənni Kazım Koyuncu haqqında film çəkiləcək
• "Sevgi də armud kimidir..." - İtalyan yazıçıdan sitatlar
• Alman kilsəsi - Afaq Məsudun hekayəsi