news-inner
clock11:37 calendar-gray 21 İyul 2015 view-gray239 dəfə oxunub
view-gray239 dəfə oxunub

Fikrət Qoca humanizmi

Ucalar ucası, qocalar qocası, “vot-vot” bir əsrin kürəyini yerə vurmaqda israrlı olan qocaman xalq şairi, gənc yazarların mübariz dostu Fikrət Qoca bu günlərdə mətbuata müdrik bir açıqlama verib.

AYB-nin əbədi başqanı Anar müəllimin əbədi katibi Fikrət müəllim dostumuz Fərid Hüseynin işdən çıxarılmasına münasibət bildirərkən inanılmaz fikirlər səsləndirib. Fikrət müəllim deyib ki, “Yazarın işdən çıxarılması onun hüquqlarının pozulması deməkdir”. Hə vallah, belə də deyib. Fikrət müəllimin bu humanizmi məni çox duyğulandırdı. Bir az ağladım, göz yaşlarım yanağımda cadarlı torpağın üzərində yağışdan sonra yaranan şırımlara bənzər şırım açdı. Humanizmin canlı abidəsi, qocaman şairimiz sonra bilirsiniz nə deyib? Deyib ki, “Onun yazdığı və digər mətbuat orqanında çap etdirdiyi hər hansı bir yazı kiminsə xoşuna gəlməyə bilər. Sözə görə insanı işdən çıxarmazlar”.

Sonuncu cümləni oxuyanda yenə göz yaşlarımı saxlaya bilmədim. Keçmişdə baş verən hadisələr yadıma düşdü. Fikrət müəllim nə qədər humanist insan imiş! Deyəcəm, inanmayacaqsınız, Fikrət müəllim bu humanist mövqeyini hər zaman qoruyub. Mərhum həmkarımız Rafiq Tağı, Akif Əli, Şərif Ağayar, məhz sözə görə AYB sıralarından uzaqlaşdırılanda onun haqq bağıran səsini hamılıqla eşitdik. Xüsusən Şərif Ağayarın AYB sıralarından xaric edilməsinə ilk etiraz edən, Anar müəllimdən gənc Şərifin bağışlanmasını rica edən məhz Fikrət müəllim olub.

Fikrət müəllim Rafiq Tağı, Akif Əli, Şərif Ağayar kimi qələm adamlarının sadəcə bir yazıya görə, özünün sözü olmasın “sözə görə” AYB-dən uzaqlaşdırılmasına, uzaqlaşdırıldıqdan sonra həmin qələm adamlarına qarşı aparılan şər-böhtan kampaniyasına ciddi və sərt şəkildə etiraz edib. Bilirəm, mənə inanmırsınız. Çoxunuz Fikrət müəllimin humanistliyinə ağız büzüb deyəcəksiniz ki, Fərid Hüseynin işdən çıxarılmasında Anar müəllimin adı hallanmasaydı, Fikrət müəllim bu məsələyə münasibət bildirməzdi. Ay-hay! Sizi əmin edirəm ki, siz düşündüyünüz kimi deyil. Şərif Ağayarı AYB-dən bir cümləlik fikrə görə xaric edəndə sinəsini qabağa verib onu müdafiə edən kim oldu? Əlbəttə Fikrət Qoca! Bu mənfur oyunun qarşısını almaq üçün Fikrət müəllim sona qədər savaşdı.

Yaxşı, yaxşı. Bilirəm nə deyəcəksiniz. Vallah-billah bilirəm ki, öz aranızda pıçıldaşacaqsınız ki, Fikrət Qoca etirazçı gənclərin düşmənidir, məsələn Şərif Ağayara səmimi qəlbdən nifrət edir, əlinə imkan düşsə Elnur Astanbəylini bir qaşıq suda boğar, Seymur Baycanın güllələnmə kağızı masasına gəlsə uf demədən dərkənar qoyar və. s. və ilaxir. Amma elə deyil. Fikrət müəllim elə adam deyil. Onun üçün ədalət, sözün qeyrəti, humanizm, yazıçı təəssübkeşliyi hətta dostu Anardan da üstündür. O heç kəsin sözə görə incidilməsinə göz yuma bilməz.

Ehh, nə deyim sizə. Onsuz da inanmayacaqsınız Fikrət müəllimin humanizminə. Sizi bilirəm də, Anar müəllimin düşmənlərinə inanan adamlarsınız. Heç olmasa mətbuatı izləyin. Google-da axtarış verib Fikrət müəllimin açıqlamalarını oxuyun. Görəcəksiniz ki, Fikrət müəllim kifayət qədər humanist insandır.

Sizi bilmirəm, amma mən əminəm ki Fikrət müəllim 1937-ci ildə represiya olunan ziyalılarımız haqqında danos yazanlarla eyni cərgədə olmazdı. Onun böyük humanizmi Stalin represiyası qarşısında susmaz, haqqı deyərək qurbanlarla eyni cərgədə olardı.

Ümumiyyətlə bilirsiniz nə var? Fikrət Qoca zor şairdi, ağsaqqaldı, sözün keşiyindədir!

Oxşar xəbərlər

Xəbər lenti

Qadınlar bayramı faciədən doğuldu – 8 Mart haqqında 8 fakt
12:30 08 Mart 2021
Gülay Hüseynova: “Mənə seksist suallar verirsən” - Müsahibə
09:00 08 Mart 2021
Qızı tərəfindən tərk edildi, kirayələrdə yaşadı, küçədə dünyasını dəyişdi – Xalq artistindən maraqlı faktlar
15:30 07 Mart 2021
Bəzənib, qurşanıb sеyrə çıxan yar... – Aşıq Ələsgərdən qoşma çələngi
11:00 07 Mart 2021
Məşhur müğənni kitabxanada striptiz klip çəkdi – Video
18:00 06 Mart 2021
Xalq artisti “Ay laçın” mahnısına klip çəkdirdi - Video
17:05 06 Mart 2021
Papaq - Cəfər Cabbarlının hekayəsi
16:32 06 Mart 2021
“Digitalart-lab” layihəsi çərçivəsində ustad dərsi keçirilib
16:10 06 Mart 2021
Oğuruq əşyalar Luvr muzeyinə qaytarıldı
15:02 06 Mart 2021
Qocalar evində yaşayan aktrisa vəfat etdi
13:45 06 Mart 2021
Tez öləcəyini bildiyi üçün evlənməyən aktyorumuz - Maraqlı faktlar
12:30 06 Mart 2021
Berlin Film Festivalının qalibləri açıqlandı
11:13 06 Mart 2021
Xalq rəssamı haqqında tədbir keçirilib
10:12 06 Mart 2021
Kişilərə qarşı terror törədən feministlər – Sevda Sultanova yazır...
09:01 06 Mart 2021
“Baku” jurnalı “Yandeks dzen” platformasında təqdim olunur
18:55 05 Mart 2021
Qadınlar Gününə həsr olunmuş sərgi keçiriləcək
18:01 05 Mart 2021
Qadına görə özünü yandıran məşhur meyxanaçı - Məşədibaba Elçini niyə öldürmüşdü? - Video
17:09 05 Mart 2021
“Oyaq gözəl” tamaşası onlayn nümayiş ediləcək
16:22 05 Mart 2021
Yanlış tanıdığımız Amerika – Cavid Ramazanov yazır
15:30 05 Mart 2021
Qodar kinodan gedir
14:40 05 Mart 2021