news-inner
clock17:28 calendar-gray 01 İyul 2015 view-gray65 dəfə oxunub
view-gray65 dəfə oxunub

Fərid Hüseyn işdən çıxmasından danışdı

“İşdən ayrılmaq səbəbim Mərkəzin açıqlanmasında deyildiyi kimi, "işin öhdəsindən gələ bilməyib" deyil. Olanlara səbəb yazılarım olub”.

Bu sözləri Nazirlər Kabineti Yanında Tərcümə Mərkəzinin Mətbuat və Nəşr məsələləri üzrə müşaviri vəzifəsindən azad edilən Fərid Hüseyn Kulisə açıqlamasında söyləyib.

F.Hüseyn daha sonra əlavə edib ki, mətbuata açıqlama verən keçmiş iş yoldaşlarımı da başa düşürəm: “Qəti incimirəm, həqiqəti deyə bilmirlər. Mətbuatdan da xahiş edirəm ki, onları deyə bilmədikləri məsələlərə görə açıqlamalarla sıxışdırmasınlar. Həm orda işlədiyim günlərin xatirəsinə və insanlara hörmətimə sadiq qalamağa çalışacağam. Onlara da, mənə də uğurlar.”

Məlumat üçün bildirək ki, Fərid Hüseynin işdən çıxarılması ilə bağlı Mərkəzin Aparat rəhbəri, yazıçı Yaşar Əliyev Kulisə açıqlamasında demişdi: “İşinin öhdəsindən gələ bilmirdi. Buna görə ona rəhbərlik tərəfindən dəfələrlə irad tutulub. Özü də bu iradlarla razı idi. İşini axıracan yerinə yetirməyi bacarmırdı. Ona görə ərizəsini yazaraq çıxdı”.

news-inner-user

14056 məqalə

Oxşar xəbərlər

Xəbər lenti