news-inner
clock20:30 calendar-gray 09 İyul 2015 view-gray260 dəfə oxunub
view-gray260 dəfə oxunub

"Qu" deyəndə qurban olum... – RƏBİQƏDƏN YENİ ŞEİRLƏR

Kulis şairə Rəbiqə Nazimqızının yeni şeirlərini təqdim edir.

Zümrüd quşuna

Ətcə balalarını yerindən,
əjdahanı yemindən etmişdim, Zümrüd quşu.
Yuvanı tapmamışdım -
ovcumda saxlamışdım balalarını...

Körpə bədənlərindəki xəfif qızartı -
sığal yeri keçəcək,
Ana qucağında ağrıdan yox, sevgidən ağlayırlar,
səsləri kiriyəcək...

İstəsən, bir də dolaşmaram yaşıl ağacların altında,
əjdahanı görəndə yüz ağaclığından keçərəm,
köçərəm quşların olmadığı yerlərə -
yəni kor ola bilərəm göy üzünə.
İstəmə...

Sən yenə qanadın üstündə qaranlıqdan çıxdığımı xatırla,
işığa dönmüşdün tükdən asılı günlərimdə,
"qu" deyəndə "qurban olum",
"qa" deyəndə "qadan alım" söyləmişdim...

İndi alovlu ahlarını tökmə üstümə, Zümrüd quşu,
qəzəbli lələklərini lənət tək yağdırma başıma,
şimşək gözlərində sevməyə nəsə saxla...
Nə-sə.

Feminist şeir

Bir Tanrı tanıyır, bir də iblis – ilan
qadın ürəyinin gücünü.
Adəmə dərmişdi almanı Həvva -
qurban eləmişdi özünü.

Kişinin hələ də yoxdu xəbəri,
başı elə o vaxtdan bəri
ayaqlarına qarışıb
çılpaq gördüyü qadının...


Kafedə

Əqrəblər on biri dişləyir,
Qanına işləyir saatın zəhər.
O ki var içibdir sərxoş fincanım,
Limon parçaları çayda çimiblər.

Gecədir, yorğunam, səhv tutma,
Cümləmdə pozuldu uzlaşma -
Cəmdə görünsə də cansız xəbəri,
Qarson, sən yenə qarışma...

Gilasın gözləri üzümdə qalıb,
Bu gün gec bağlasan kafeni...
Bilirəm, ikimiz qalmışıq, gecədi,
Soyuyur, sən də iç qəhvəni...

Beş üstə bir artıq əskinas,
Ümiddir, bu da pul, al gedim...
Demişdim, nə olsun, yalan demişdim,
Bu gün heç kəsi gözləmirdim...


Nəm şeir

Tısbağa yerişli günün
üstünü xaçla örtürəm hər gecə
təqvim vərəqində...
Qələm neyləsin...

Adını ah kimi çəkirəm köksümə
gündə neçə dəfə...
Qulaqların nə bilsin...


Selsi necə ölçsün
Pəncərənin altında nə qədər üşüyürəm....


Qapının arasından keçirəm
İşıq sürəti necə çatsın...

Və divarların necə qurusun
dodaqlarımın, gözlərimin əlindən

Hər yer nəm..
Hər yer sən...

M.G. üçün ilk şeir


Qüssədən sarılıq tutmuş divarlara,
Gözləri yol çəkən tənha tavana,
xanalı örtüyə həbs olunan
biradamlıq divana
yola salmaq səni...

Sonra da gözləmək
balaca otaqdan
mənə uzanan
qollarının mötərizələrini.

Tiflisdə yazılanlar

1.
Tozumu necə silirdisə kirpiklərin
gözlərin bilmirdi
Təbəssümün necə gəzirdisə üzümdə,
dodaqların xəbərsizdi...
Təkcə barmaqların ağıllı-ağıllı
möhkəm yapışmışdı
bir-birinə
masanın üstündə...

2.

Kilsələrin şiş ucları yara bilmirdi göy üzünü -
yenə eyni tavanın altındaydıq.
Bir hecaya sığmışdı nəfəsimiz eşq dəyəndə.
Eyni sait birləşdirirdi adımızı
ikinci hecada
Və cırcıramalar dünyanın hər yerində
bizim bildiyimiz mahnını oxuyurdu...


3.

Tanrı yorğan kimi çəkəcək qaranlığı üstümüzə
Küləklər boynunu vuracaq yarpaqların bayırda
yağışlar pəncərələrin qübarını siləcək
içəridə
sən məni sevəcəksən
və…
kimin kimə nazla gülümsəməsinin
anlamı qalmayacaq...

***

tikanlar,
üzünü gizləyən tikanlar
nişan verir sərhədi...
yoxsa ki
məni nə saxlaya bilərdi...

news-inner-user

19029 məqalə

Oxşar xəbərlər

Xəbər lenti

SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021
Saçım sığalının dadını bilməz...
11:46 15 İyun 2021
Milli Qurtuluş Günü münasibətilə konsert proqramı təqdim edildi
11:22 15 İyun 2021
Cavanşir Yusiflinin ən çox sevdiyi 10 roman - Siyahı
10:58 15 İyun 2021
Heç utanırsan, Ayxan?
10:35 15 İyun 2021
Füzulidə kitab sərgisi açılıb
09:53 15 İyun 2021
Ankarada Yunus Əmrənin 700 illiyi keçirilib
09:47 15 İyun 2021
Azərbaycanlı yazıçı koronavirusdan vəfat edən anası haqda hekayə yazdı – Mətn
09:01 15 İyun 2021
Aşıq Ədalətin oğlu: “İkimiz də ağlaya-ağlaya bir-birimizə baxırdıq” – Müsahibə
21:00 14 İyun 2021
Reza Deqatinin Əfqanıstanda çəkdiyi fotoşəkillər sərgilənib
18:54 14 İyun 2021
"Yüz ilin adamları”: Toğrul Nərimanbəyov – Yeni veriliş
18:33 14 İyun 2021