writer1

Alik

Məqalə sayı

6
clock10:07 calendar-gray 09 İyul 2015 view-gray327 dəfə oxunub
view-gray327 dəfə oxunub

Yuxu

Yuxuda görürəm ki, bir tamaşadır. Adamlar toplaşıb. Ciddi-ciddi nəyəsə baxırlar. Görürəm, zal yarıqaranlıqdır. Yuxarıda, düz başımızın üstündən tozlu çilçıraq asılıb, amma bircə lampası yanır. Pəncərədən yaşlı qadınların mahnı oxumaq səsi gəlir. Pəncərədən aşağı boylanıram, görürəm ki, yaşlı kənd arvadları üzüm dənələri ilə bağlı mahnı oxuyurlar.

Görürəm, tamaşaya baxan adamların arasından qoca bir kişi var. Hiss edirəm ki, xəstədir. Gözümü ondan çəkmirəm. Ağ saçları, fağır baxışları... Gözlərinin içi qıpqırmızı... Az-maz saqqallı... Görürəm birdən ürəyini tutur, tərin içindədir. Ona tərəf qaçıram, görürəm, heç kəs fikir vermir. Kömək etmək istəyirəm.

Sürətlə qaçıram, amma çox yavaş irəliləyirəm. Ayaqlarım bir-birinə dolaşır, qışqırıram – səsim çıxmır.

Uzaqdan görürəm ki, cibindən qalın iynələr çıxardıb sinəsinə batırır və sakitləşir. İynələr batırdığı yerdən qan axır, köynəyi bulaşır.

Kimsə deyir, onun elə bir xəstəliyi var ki, yalnız sinəsinə iynə batırmaqla sakitləşə bilir. Ona çox yazığım gəlir.

Soruşuram: “İndi necəsən?”

Deyir, yaxşıyam, bu xəstəlik boş şeydir, öyrəşmişəm. Əsas oğlumdan narahatam.

Mən onun oğlunu tanımıram və barəsində heç nə bilmirəm.

Məəttəl qalıram.

Tamaşa davam edir.

Pəncərədən aşağı boylanıram, görürəm, yaşlı kənd arvadları üzüm dənələri ilə bağlı ağlaya-ağlaya nəsə oxuyurlar.

Görürəm bu məqamda qapıdan ağ donlu çox gözəl balaca bir qız uşağı girir, əlində 3 dənə sarı çiçəyi var. Gətirib pəncərənin qabağında su ilə dolu stəkanın içinə qoyur. Çiçəkləri suyun içinə qoyan kimi üçü də solub bürüşür. Uşaq bunu görüb oturur qocanın yanında, yerdə və başlayır ağlamağa...

Oyanıb görürəm yağış yağır...

Pəncərədən ağlaşma səsi gəlir...

Anam deyir, qonşunun oğlunu bıçaqlayıb öldürüblər. O saat balaca qızını xatırlayıram, ona yazığım gəlir...

Birdən baxıram ki, onların üzüm ağacı quruyub, kəsib yandırırlar...

REKLAM

Yazarın digər yazıları

Xəbər lenti

Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021
Tanınmış aktyor vəfat etdi
10:20 19 Yanvar 2021
Haaqada “20 Yanvar uşaqların gözü ilə” adlı virtual sərgi açıldı
09:55 19 Yanvar 2021
Müasir monqol hekayəsi: Portret - Orijinaldan tərcümə
09:00 19 Yanvar 2021
Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021
Dəyişən gerçəkliklərdə gizlənən həyat - Aliyə yazır...
17:01 18 Yanvar 2021
Xalq artisti xəstəxanaya yerləşdirildi
16:19 18 Yanvar 2021
"Şanlı tarix" sərgisi açılacaq
16:09 18 Yanvar 2021
Elçiliyə gecə saat 1-də gedən, Cəfər Cabbarlının qızını alan, baba olduğunu eşidəndə dünyasını dəyişən yazıçı – Maraqlı faktlar
15:27 18 Yanvar 2021
Yeşilçam filmlərinin məşhur aktyoru vəfat etdi
14:46 18 Yanvar 2021
Qazilərimizdən bəhs edən film çəkildi
14:29 18 Yanvar 2021
50 yaşı tamam olan yazıçı: “Az qalıram utandığımdan qaçıb gizlənəm” – Müsahibə
13:50 18 Yanvar 2021
Peyvənd vurduran nazir və qərarsız Facebook əhli
13:02 18 Yanvar 2021
Məni sevgi üstə yaxaladılar – Əlizadə Nuridən yeni şeirlər
12:15 18 Yanvar 2021