news-inner
clock21:00 calendar-gray 03 İyul 2015 view-gray293 dəfə oxunub
view-gray293 dəfə oxunub

Tanrıya açıq məktub - ŞEİRLƏR

Kulis gənc şair Əsəd Qaraqaplanın yeni şeirlərini təqdim edir

Kənd. Gecə saat 3

artıq bayquşlar da tərk eləyib bu yerləri
onlar da 1-ə kimi oxudular susdular
bu saatda kəndimizdə dəhşətli bir səssizlik var…

gözlərimin önündən bir kölgə keçib getdi qaranlıqda
atamın ruhudu sandım –

gəlmişdi on üç il sonra...
mən atasız böyüdüm
ata kimi böyüdüm…

böyüdüm adam olmağa yalnız oldum
uşaqlaşdım – gözlərimin önündə böyüdü ağrılarım
gözlərimin önündə böyüdü uşaqlığım
içim doldu bir yalnızın boşluğuyla
kimsələrə söyləmədim gedişimin səbəbini
anama belə söyləmədim
elə bildi qayıdacam nə vaxtsa
elə bildi balası hələ sağdı
elə bildi... elə heç nə bilmədi...

mən heç bilə bilmədim hardan gəldi bu ayrılıq
hardan gəldi bu sevgi
başıma daş kimi düşdü ağrılarım
ağrımadım gedişinə
elə şeylərə ağrıdım

heç biri mənim deyildi...
bu gecə mənim deyildi

bu kənd mənim deyildi
bu ana mənim deyildi...

mən anasız doğulmuşdum yalnızlığa
mən atasız böyümüşdüm
oyandığım saatların heç birində adam yoxdu
getdiyim şəhərlərdə sevdiklərim
sevdiyim qadınlarda sən yox idin…

bu saatda kəndimizdə mənə aid heç nə yoxdu
bu saatda bayquşlar da susub artıq
içimdəki yalquzaq da
mən də susmuşam indi yazdığım hər misrada…

gecənin bu saatında durub getməyə bir yer
sevməyə bir qadın yoxdu
sən də yoxsan gecənin bu saatında
heç nə yoxdu

heç kim yoxdu
mən də yoxam...

Heç Nəyi və Heç Kimi Olmayan Hər Kəs Mənəm

sərsəri rüzgar kimi baş alıb evə gedən bütün yolçular mənəm
küçədəki ağaclar ağacların altındakı maşınlar
küçə süpürən qadınlar hündür göydələnlər mənəm
mənəm evinə çörək götürmək üçün tələsən adamlar
zibil yeşiklərinin yanında mürgüləyən yiyəsiz pişiklər mənəm
zamanın ən acımasız ayrılığı içində
dünyanın ən böyük sevgisini daşıyan
heç nəyi və heç kimi olmayan hər kəs mənəm...

mənəm zalım polislər acımasız qatillər kor dilənçilər mənəm
qolları və qıçları olmadan tutunmağı yeriməyi bilirəm
həyatı sevməyimin tək günahkarı anam
məni sevməməyinin tək səbəbkarı mənəm...


yolların ən uzağı addımlayıb keçdiyim
uzaq qaçdığım adam ən yaxın adamımdı
mənəm hər gün yas tutub dirisini ağlayan

ölümə həyat verən həyatdan ölüm alan

söküb ciyərlərimin qanını şərab edən

bütün yolçuluqları sinəmə çəkib gedən

və oturub düşünən:
heç nəyi və heç kimi olmayan hər kəs mənəm...

Tanrıya Açıq Məktub

ya bə, Tanrım, nədən bir gün
məni tərk eyləyib getdin?!
bir sevgiyə urcah etdin
yaşarsan, söyləyib getdin?!

heç baxmadın yazıq yetim
ayrılıqlar içrə itib
sevdikcə azalıb, bitib
öldürdün, neylədin, getdin?!

bu qədər uzaq olmağa
gərək var idimi, ağa?!
məni qabağa salmağa
min dəfə əylədin, getdin?!

mən daha ölməyə belə
sevmək istəmirəm elə
sevigiyə yoxluğun ilə
sən məni öyrədib getdin...

İçdim Durmadım İçdim

bu gecə səhərəcən
içdim durmadım içdim
və sənin sağlığına
qalxdım vurmadım içdim

dəliyəm mən bu ara
mən hara sevgi hara
başımı bu divara
durdum vurmadım içdim

düzdüm dərdi səfə mən
döndüm əhli-kefə mən
bu gecə ilk dəfə mən
xəyal qurmadım içdim

yandım yanıb alışdım
yalnızlıqla barışdım
anlamağa çalışdım
sənə sormadım içdim

onda yatmışdın, nədi
daha sən yoxsan dedim
heç ruhun incimədi
səni yormadım içdim

təkəm tək otağımda
gecənin qan çağında
yuxusuz yatağımda
öldüm - durmadım içdim...

news-inner-user

19112 məqalə

Oxşar xəbərlər

Xəbər lenti

Filmimiz beynəlxalq mükafata layiq görülüb
16:28 23 İyun 2021
Ukraynanın yumor şousunda Bakı komandası da yer aldı
15:47 23 İyun 2021
Rəngkarlıq Muzeyində gənclər üçün ustad dərsləri davam edir
15:01 23 İyun 2021
Azyaşlı qızla evləndi, arvadı onu yatdığı yerdə tərk elədi, eyvandan yıxılıb öldü – “Arşın mal alan”ın talesiz Soltan bəyi
14:20 23 İyun 2021
Azərbaycan Beynəlxalq Film Festivalında təmsil olunub
13:41 23 İyun 2021
Nazirlik Qarabağdan film çəkmək istəyirsə... – Sevda Sultanova yazır
12:59 23 İyun 2021
"Fəlakət" boşandı
12:49 23 İyun 2021
Fərid Hüseynin kitabı Moldovada çap olunub
12:25 23 İyun 2021
Xanım şairimizin ən gözəl sevgi şeiri – Mətn
11:50 23 İyun 2021
Yaşı keçmiş subay kişilərin qorxuları - Günel Natiq yazır...
11:12 23 İyun 2021
Millət vəkilindən ilginc açıqlama: “Hüseyn Cavidi oxuya bilmədim”
10:38 23 İyun 2021
“Yaxından” adlı sərgi açılıb
10:04 23 İyun 2021
Qənirə Paşayeva: “Vaqif Səmədoğluna dedim, bir də məni belə məclislərə çağırmayın” – Müsahibə
09:01 23 İyun 2021
"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
21:00 22 İyun 2021
Bakı Musiqi Akademiyasının 100 illiyi qeyd edilib
19:30 22 İyun 2021
Şuşa ilə bağlı yeni qurum yaradıldı
18:47 22 İyun 2021
Dinlə, gör nə deyir bu dəli-dəli...
18:02 22 İyun 2021
Aqşin Yenisey: "Ədəbiyyatımız reanimasiya xəstəsidir" - Müsahibə
17:15 22 İyun 2021
Evində ölü tapılan Çingiz: bu gün dünyasını dəyişən rejissor kimdir?
16:26 22 İyun 2021
Türkiyə növbəti il "Avroviziya"da iştirak edəcəkmi?
15:44 22 İyun 2021