news-inner
clock13:41 calendar-gray 26 İyun 2015 view-gray498 dəfə oxunub
view-gray498 dəfə oxunub

İlham Tumas: Murovda qurddan - quşdan nə olubsa yemişəm

26 iyun Azərbaycanda Silahlı Qüvvələr Günü kimi qeyd olunur. Kulisin “Yeməli söhbət” layihəsinin budəfəki qonağı jurnalist İlham Tumas da 90-cı illərin əvvəllərində Azərbaycan Silahlı Qüvvələrinin tərkibində erməni separatçılara qarşı müharibədə iştirak edib. İlham Tumasla “Elmlər Akademiyası” metro stansiyasının çıxışı ilə üzbəüz olan “Künefe evi”ndə görüşdük.

- İlham bəy, ilk olaraq keçmiş döyüşçü kimi sizi Silahlı Qüvvələr günü münasibəti ilə təbrik edirəm. Sizin yeməyə münasibətiniz necədir?

- Təbrikə görə minnətdaram. Hesab edirəm ki, 26 iyun hamımızın bayramıdır. O ki, qaldı yemək məsələsinə, yeməyə kimin münasibəti pis ola bilərki?! Sadəcə olaraq mən yeməyi acından ölməmək, həm də məclisdə ünsiyyətə, söhbətə, deyib-gülməyə, yaxud kədərlənməyə aid olan ayin kimi baxıram.

- Siz Sumqayıtda dünyaya gəlibsiniz, amma əslən Cəbrayıldansınız. Cəbrayılda axırıncı dəfə yediyiniz yeməyi xatirinizdədir?

- Rəhmətliyin nəvəsi, mənim bu gün yediyim yadımdan çıxır, o ki, qaldı Cəbrayılda illər əvvəl yediyim yemək... Ümumiyyətlə, yaddaşımı nəyə görə yeməklə bağlı xatirələrlə doldurmalıyam?!

- Bəs Cəbrayılın spesifik yeməyi hansıdır?

- Uşaqlıqdan yadımdadır, biz tərəfdə yaxşı xəşil bişirirdilər. Bir də təbii ki, Cəbrayılın dadlı heyvanları olur. Ona görə də, yaxşı kababımız olardı.

- Cəbrayıl mətbəxinin yeməklərini Bakıda yeyəndə hansı hissləri keçirirsiniz?

- Mən biləni, xüsusi Cəbrayıl mətbəxi deyilən mətbəx yoxdur. Məsələn, bayaq unutdum, biz tərəflərdə çox dadlı plov hazırlayırlar: döşəmə aşı. Yaxud bizim tərəfin qara umacının, əriştəsinin dadı heç harada yoxdur. Ona görə, Bakıda bax, bu dediyim yeməkləri yeyəndə kəndin ab-havasına düşürəm.

- Müharibə vaxtı yemək məsələlərini necə həll edirdiniz?

- Yemək məsələləri ilə mən məşğul olmurdum ki, həll edim. Belə götürəndə döyüşlər vaxtı nə yediyim heç yadımda da deyil. Yeməkdi, geyimdi, bunlar müharibə vaxtı heç yada düşmür.

- Müharibə şəraitində hansı qeyri-adi yeməyi yemisiniz?

- Döyüşlər vaxtı dediyim kimi nə yeyib – içdiyimin fərqində deyildim, heç yadıma da düşmür. Ancaq Murovda zabit kimi xidmət etdiyim vaxtlarda dəniz səviyyəsindən 3-4 km yüksəkliklərdə uzun müddət qalmaq adama hər şey yeməyi öyrədir. Hə, bax burada əlimə düşən qurddan - quşdan nə olubsa yemişəm (Gülür). Ciddi deyirəm, Murovda turacdan, kəklikdən tutmuş, marala qədər hər şey yemişəm. Təbii ki, bunların sırasında sərçəsi, adını belə düz-əməlli bilmədiyim müxtəlif uçanlar və qaçanlar da var... (Gülür). Yaxud 2 gündən qalmış “perlova”lı qazana qarı doldurub, xeyli qaynadandan sonra alınan yala oxşar məhlulun içinə 2-3 dənə qalina-blanka atanda dadlı bir şey alınır. Ciddi deyirəm, adamın soyuqdəyməsi canından çıxır.

- Kimin bişirdiyi yemək üçün darıxırsınız?

- Heç kimin. Ancaq Azərbaycanın bəzi restoranları, kafeləri var ki, həmin yerlərin yeməyinin dadı damağımdan getmir.

- Sizə nəyi və yaxud kimisə xatırladacaq yemək var?

- Elə bir xüsusi hissiyyatım yoxdur. Yemək yeməkdir, adam da adam. Yeməklə kimisə, kiminləsə isə yeməyi xatırlamaq romantikası mənlik deyil.

- Tələbəlik illərində yemək məsələlərini necə həll etmisiz?

- İndi necə həll edirəm, tələbəlikdə də o cür. Ürəyim istədiyi yerdə, əlimə nə düşdü yemək vərdişim var. Təbii ki, hansısa dost məclisi məni gözləməsə.

- Spirtli içki ilə aranız necədir?

- Yeyib-içən adam kimi. Xüsusi bir bağlılığım, yaxud uzaqlığım yoxdur. Məclis varsa, hesab edirəm içki olsa, daha yaxşı olar (Gülür).

- Sizi adətən Vərəm Dispanserinin yanında olan kafedə yeyib-içən görürəm. Sizi o kafeyə bağlayan nədir?

- O kafe dostumuzundur. 20 yanvar şəhidi rəhmətlik İlham Allahverdiyevin qardaşı Elxanındır. Elxan hamımızın böyük qardaşıdır, onu çox istəyirik. Qoy lap reklam olsun, deyəcəm, əla kababları olur. Bir də, ora gedəndə cibimizdə nə qədər pul olduğunu hesablamırıq. Necə deyərlər, “yazdırmaq” olur (Gülür).

- Hesabı ödəmək məsələsini necə həll edirsiniz?

- Ya mən dəvət edirəm, ya da hansısa dostum, yaxud ən yaxşı variant olan “nemes hesabı”yla ötüşürük.

- Fast-foodla aranız necədir?

- Nifrət edirəm. Və yeyənlərə də məsləhət görmürəm. Fast-food mənim yaşımda olanlar üçün deyil. Hesab edirəm fast-food cavanların yeməyidir, ancaq xeyli zərərlidir. Ondansa 2 şiş basdırma yesələr faydası daha çox olar.

Oxşar xəbərlər

Xəbər lenti

Yazıçılar Birliyindəki balacaboy kişinin zarafatı – İngiltərədən yazırlar...
10:02 06 May 2021
Misirdə Azərbaycan rəssamlarının sərgisi açıldı - Foto
09:35 06 May 2021
Abırsızlıqla azadlığın sərhədi itəndə – Sevda Sultanova "Həmin Zaur"dan yazır...
09:01 06 May 2021
Qızın qohumları onu öldürmək istəyirdilər – Məşhur şairdən maraqlı faktlar
21:00 05 May 2021
“Pişiyin evi” tamaşası nümayiş ediləcək
19:00 05 May 2021
Frans Kafkanın ikicildliyi Avstriyanın səfirinə hədiyyə olundu
18:31 05 May 2021
Koronavirusa yoluxan Xalq artisti danışdı
18:14 05 May 2021
Məzarıma kimi gedən bir yolçuyam - Fikrət Qocadan seçmə şeirlər
17:32 05 May 2021
O, bu romanıyla riskə gedib – Müzakirə
16:40 05 May 2021
Fikrət Qoca dəfn olunub
15:53 05 May 2021
“Buna görə atamı heç vaxt bağışlamayacam” - Döyüşdən qayıdan müğənni ilə müsahibə
15:19 05 May 2021
Azərbaycanda qeyri-adi aksiya: Piratlara qarşı müsabiqə
14:50 05 May 2021
“Vay-Vay! Çox dəhşətli xəbər oldu!” - Əkrəm Əylislidən Fikrət Qoca haqda ürək parçalayan sözlər
14:05 05 May 2021
Qarabağlı şairdən 30 illik foto xatirəsi: Kimdir bu adam?
13:36 05 May 2021
Bu gün xalçaçıların bayramıdır
12:54 05 May 2021
Çe Gevaranın bacısı ilə oteldə gizli görüşdü, qızı ingilislə evləndi, oğlunu amansızlıqla öldürdülər – Fikrət Qocadan maraqlı faktlar
12:14 05 May 2021
Səfirimizdən Şuşa ilə bağlı maraqlı təklif - 1000 ədəd...
11:45 05 May 2021
Səməd Vurğun onun şeirini oğurlayıbmı? – Eyni misralar var!
11:10 05 May 2021
Fikrət Qocanın harda dəfn olunacağı açıqlandı
10:37 05 May 2021
Fikrət Qocanın son müsahibəsi: “Nəvəmi qapıdan içəri buraxmıram” - Müsahibə
10:01 05 May 2021