news-inner
clock17:28 calendar-gray 10 İyun 2015 view-gray551 dəfə oxunub
view-gray551 dəfə oxunub

Lovğa tülkü-UŞAQ ŞEİRİ

Meşədə tülkü lələ,

Quyruğu yekə şələ.

Hamıya lağ edirdi,

Mən gözələm deyirdi.

Bir gün bu tülkü lələ,

Quyruğu yekə şələ,

Rast gəldi bir ayıya,

Başladı o davıya.

Dedi, kobud, qarasan,

Ölüb yerə batasan.

Amma mənə bax, mənə,

Get, ayıb olsun sənə!

Ayı çox kədərləndi,

Geri dönüb, qəmləndi.

Sonra bu tülkü lələ,

Rast gəldi bir dovşana,

Başladı yana-yana,

Nəğmə oxudu ona:

-Çəpgöz, yekəqulaqsan,

Sanma ki, çox qoçaqsan.

Amma mənə bax mənə,

Hamının əzəliyəm,

Meşənin gözəliyəm.

Dovşan çox kədərləndi.

Hətta gözü nəmləndi

Sonra bu tülkü lələ,

Rast oldu bir kirpiyə,

Paltarı iti iynə.

Dedi, uzun burnun var,

Tikanlı paltarın var.

Hamı səndən çox qorxar.

Kirpi məəttəl qaldı

Mısmırığın salladı

Sonra bu tülkü lələ,

Gözəl bir çaya getdi.

İndi də çaya baxıb,

Balığa lağ edirdi.

Eybəcərsən, deyirdi

Birdən bərk külək əsdi,

Onun ümidin kəsdi.

Çürümüş qoz ağacı,

Özündən razı bacı,

Onun başına aşdı,

Tülkü qana bulaşdı.

Sifəti oldu çopur,

Başı da qotur-qotur.

Onun şələ quyruğu

Lap dibindən qırıldı,

Lovğa bacı sarsıldı.

Tülkünün naləsinə,

Bayaqdan lağ etdiyi,

Ağlatdığı, üzdüyü,

Bütün dostlar yığışdı.

Ona çox acıdılar,

Əvvəllər bacıydılar.

Ucadan ağlayaraq,

Ürəyi dağlayaraq,

Üzrxahlıq elədi.

Dedi, sizə heç zaman,

Lağ etmərəm, söylədi.

Nə olar bağışlayın,

Deyib yenə ağladı.

O qopmuş quyruğunu,

Götürüb sığalladı.

news-inner-user

16048 məqalə

Oxşar xəbərlər

Xəbər lenti

Məşhur türk aktyoru vəfat etdi
11:20 05 Avqust 2020
Azərbaycanlı şairin şeirləri türk saytında
10:42 05 Avqust 2020
"Kobra"nın silahdaşı vəfat etdi
10:09 05 Avqust 2020
Mahnıları dillərdə dastan olan 5 Azərbaycan filmi - Video
09:01 05 Avqust 2020
Feysbuk məşhur yumor ustasının hesabını bağladı - Yəhudi düşmənçiliyinə görə
18:57 04 Avqust 2020
Məşhur romana çəkilən serialın ilk görüntüləri yayıldı - Foto
18:02 04 Avqust 2020
III Beynəlxalq Animasiya Festivalına daxil olan filmlərin siyahısı açıqlandı
16:21 04 Avqust 2020
Gözyaşardıcı qazlar elektron ağlamaqdır vətən üçün - Güneyli şairin şeirləri
15:18 04 Avqust 2020
Rənglərə aldanan uşaqlar – Cavanşir Yusifli müharibə hekayələrindən yazır...
15:14 04 Avqust 2020
Pelevinin yeni kitabı bu tarixdə nəşr olunacaq
14:28 04 Avqust 2020
Bəy qızını qaçıran, üç övladını itirən, on dörd il sürgündə qalan Xalq artisti - Səməd Vurğun onun həyatını necə xilas etdi?
13:22 04 Avqust 2020
Anar Nağılbazı kim öldürdü?
12:33 04 Avqust 2020
"YARAT" uşaqlar üçün sərgi açdı
11:50 04 Avqust 2020
Selfi çəkərkən tarixi abidəni qırdı
10:58 04 Avqust 2020
Məşhur yazıçının hekayəsinə film çəkilir
10:10 04 Avqust 2020
Ataqamdan yeni hekayə: Dişlək alma
09:00 04 Avqust 2020
Azərbaycan rəssamlarından Kazanda "Məxməri etiraflar"
17:03 03 Avqust 2020
Kim unudub məni yol ayrıcında? - Zərdüşt Şəfinin anım günü
15:58 03 Avqust 2020
Heyvanlar nə vaxtdan qurbana çevrildi? - Qurbanetmə aktının yaranması
14:53 03 Avqust 2020
Şəhid generalımız haqqında kitab nəşr edildi - Pulsuz paylanacaq
13:48 03 Avqust 2020