news-inner
clock18:10 calendar-gray 10 İyun 2015 view-gray232 dəfə oxunub
view-gray232 dəfə oxunub

Uzaq yollar ulayır üstümə - ŞEİRLƏR

Kulis şair Yafəs Türksəsin şeirlərini təqdim edir

Oğlum Şəhriyar haqqında

Oğlum Şəhriyar necə də mənə oxşayır

Bəlkə də

Hər dəfə dünyaya

Təzədən gəlmək istəyimdən yaranıb o

Geridə buraxdığım səhvlərin çoxluğundan

Doğmuşdu bu istəyim.

İlk sevdiyim qızı qaçırmaq istəmədim

Əvəzində bəxtimi əlimdən qaçırdım.

Yaman hikkəliydim o zamanlar

Ən balaca səhvin üstündə belə

Tez-tez döyərdim balaca qardaşımı.

Hikkəmi yelə verdi zaman

Əzə-əzə muma döndərdi məni.

İndi balaca qardaşı Bəxtiyarı döyməyi

Qadağan etmişəm oğlum Şəhriyara.

Anamın son tikəsini də alardım əlindən

Sanardım ki, yeməyi var gizlində...

Bənna atamın divara uyğun axtardığı daşı

Ən tez mən tapardım...

Həyatda yerimi tapmadım amma.

On yaşlı bacımla xəstə anamın

Xalça toxumaqla qazandığı çörək

Həmişə acı dadırdı boğazımda...

Kasıbçılıqdan xilasımıza

Yeganə ümidimiz olan

Son kurs tələbəsi qardaşımın

Qəfil vəfatından sonra

Uçdu

Bu dünyanın bənnasına bəslədiyim

İnam divarı.

Sevdiyim qızların heç birini

Ala bilmədim

Əlim çörəyə çatanacan uçub getdilər.

Dünyanın nə aşılmaz səddiymiş kasıbçılıq

Oğlumla eyni ölçülü paltar geyəndən

Əynim sevinməyib

Aldığım təzə paltarları

Birinci ona uzadıram.

Anası cibindəki

Sevgi məktubunu cıranda

İçimdə qırıldı nəsə...

O qədər yalanımı tutdu ki

Düzlüyü öyrədə bilmədim ona

Neynəyim öyrədə bilmədim...

Şair heykəli

Uçurun

Təzədən yonun şairlərin heykəlini.

Postament üzərində

Ayaq üstə qoymayın

Şair heykəlini.

Ya uçurun quşlarınan

Ya üzdürün balıqlarınan...

Bir solmuş çiçəyin ləçəyindən

Ya bir saralmış yarpağın

Ucundan asın.

Heykəlin üstünə ad yazmasaz da olar

Şair özü olmur şeir yazanda.

Cavan yonun şair heykəlini

Şairlər qocalmır heç vaxt.

Bir əlinə qələm verin

Ürək qanıyla yazan bir qələm

O biri əlinə ürək qoyun

İçi duyğu dolu bir ürək.

Gözlərini elə yonun görünsün

Dibindəki kədər.

Dilində bir düyünlü söz...

Siz allah bu cür qoymayın

Şair heykəlini

Diksinirəm

Qaçqınara

Tıncıxıram vağzallarda

havasız qalmış kimi.

uzaq yollar ulayır üstümə

lal bir mələrtiylə.

Kanalı dəyişirəm

ekranda kənd görəndə...

Diksinirəm zirzəmi

yataqxana

çadır deyəndə...

Q hərfindən yaman qorxuram...

İlan kimi çalır məni

soyuq diplomat gözləri...

Dürtülür gözümə

ölkə düşmənim

məmur düşmənim...

Uduzuram hər gün

meydansız... döyüşsüz....

Qorxma, qocalmağa qoymaram, səni

Mən sənin qoynunda cavanlaşıram...

Sənin ürəyindi, indi ürəyim,

Bəlkə də ruhum da səninki olub...

Qönçə dodaqların, təzə qan verir,

təravət gətirir, ilk bahar kimi.

Gözlərin qaytarır gəncliyə məni,

Nəfəsin sehrli bir iksir kimi,

yayılır canıma, təzəlik qatır.

Gülüşün, baxışın, sözlərin hələ

gəncliyi yağdırır başıma belə!

Qorxma, qocalmazsan, sən də, mənimlə

Belini qucuram 14 yaşımla...

15 yaşındadır pıçıltılarım...

18 yaşında gəzir əllərim,

sinəndə, saçında, məmələrində...

18 yaşlıdır iniltilərim...

19 yaşlıtək küsürəm səndən,

20 yaşımla barışdım sənlə...

Əlindən tuturam, 14 yaşımla,

Bığ yeri tərləyən növcavan kimi.

Saçını sayıram 16 yaşımla...

Səni qocalmağa qoymaram mənlə...

Səni qocalmağa qoymaram, qorxma!

Sanma, sən cavansan, mənsə qocayam...

news-inner-user

20044 məqalə

Oxşar xəbərlər

Xəbər lenti

Tərəf müqabili ilə üçaylıq sevgi yaşayan, evi olmadığı üçün qarajda qalan, iki dəfə intihara cəhd edən Xalq artisti
21:00 28 Sentyabr 2021
Vətən Müharibəsi qəhrəmanı haqqında film çəkilir
18:50 28 Sentyabr 2021
Bakı Beynəlxalq Kitab Sərgisində nələr olacaq?
18:15 28 Sentyabr 2021
Sahilənin Sənanı və "Şeyx"i
17:28 28 Sentyabr 2021
Onun geridəqalmışlığı mükafata layiqdir – Aqşin Yenisey yazır
16:44 28 Sentyabr 2021
Filmimiz beynəlxalq festivalın ən yaxşısı oldu
15:59 28 Sentyabr 2021
Üzeyir bəyə tələ quran erməni musiqiçilər - Tarixin gizlinləri
15:10 28 Sentyabr 2021
Baydarovun filmi nufuzlu festivalda - Foto
14:22 28 Sentyabr 2021
Osmanlı sultanlarının portretləri satışa çıxarılacaq
13:35 28 Sentyabr 2021
Qarabağ mövzusunun dələduzları – Şərif Ağayar yazır...
12:54 28 Sentyabr 2021
Əri ola-ola Telman Adıgözəlov ona evlilik təklif etdi, kişi aktyorlarımızın arasına qısqanclıq davası saldı – “Bəyin oğurlanması”nın məşhur siması kim idi?
12:09 28 Sentyabr 2021
Ölməyə vətən yaxşı... - Onlar niyə qürbətdə öldülər?
11:32 28 Sentyabr 2021
Nazirlikdən bəstəkara cavab: “Beş min verdik, götürmədi” - Özəl
11:01 28 Sentyabr 2021
Məşhur şair Fərid Hüseynin tərcüməsində - Yeni kitab
10:25 28 Sentyabr 2021
Universitetin dördüncü mərtəbəsindəki it – Yeni hekayə
09:01 28 Sentyabr 2021
"Anam deyir ki, o, ayaqqabılarını çıxarmaq istəyəndə, birinci katib qoymadı" - Səməd Vurğunu belə görməmisiniz - Foto
21:02 27 Sentyabr 2021
Tağıyevin heykəli yaxın günlərdə açılacaq - Rəsmi
18:55 27 Sentyabr 2021
Məşhur ingilis tədqiqatçının Nizami yanlışı – Vilayət Quliyev yazır...
18:20 27 Sentyabr 2021
Yazıçıların qaranlıq həyatı kitab oldu – Yeni nəşr
17:40 27 Sentyabr 2021
Müharibə xəbərinə özünü itirən taksi sürücüsü
16:53 27 Sentyabr 2021