news-inner
clock08:30 calendar-gray 03 İyun 2015 view-gray180 dəfə oxunub
view-gray180 dəfə oxunub

Əsəd Cahangir: “Nigar Köçərli çox gülür”

“Əli və Nino” Kitab Evinin sahibi Nigar Köçərli Qafqazinfo.az saytında müsahibəsində tənqidçi Əsəd Cahangirlə bağlı münasibət bildirərək həmişə onun fikirlərini oxuyub güldüyünü deyib. Məsələ ilə bağlı Əsəd Cahangirin açıqlamasını təqdim edirik.

Nigar Köçərlinin Qafqazinfo.az saytına verdiyi müsahibəni oxudum, mənim doğrudan da gülməyim gəldi. Çünki amerikanpərəstlik etmək və təxribat törətməklə bağlı söylədiyim ittihamlara qarşı deyir ki, mənim buna gülməyim gəlir. Ümumən götürəndə Nigar Köçərlinin həddindən artıq çox gülməyi gəlir. Onun fəaliyyətinin bu və ya digər məqamları ilə bağlı etiraz irəli sürən, irad bildirən hər kəsə onun gülməyi gəlir.

Nigar Köçərliyə deyirlər ki, sən ədəbiyyatla bağlı Milli Kitab Mükafatı təşkil etmisən, amma Azərbaycan dilində danışa bilmirsən, onun gülməyi gəlir. Nigar Köçərliyə deyirlər ki, sənin Millik Kitab Mükafatında əsərlərə qiymət verilərkən niyə bədii-estetik tərəflər deyil, başqa amillər nəzərə alınır, tutaq ki, dostbazlıq, şəxsi tanışlıq, antimilli amillər nəzərə alınır, onun buna gülməyi gəlir. Nigar Köçərliyə deyirlər ki, niyə sənin MKM-nin münsifləri ədəbiyyata bilavasitə aidiyyəti olmayan, digər sənət sahələrinin üzvləridir - teleaparıcılardır, kinoşünaslardır, siyasətçilərdir, iqtisadçılardır, sənin dostlarındır, tanışlarındır, qohumlarındır, onun buna gülməyi gəlir. Nigar Köçərliyə deyirlər ki, nəyə görə sən ancaq “Qanun” nəşriyyatının nəşr etdiyi kitabları öz mağazalarında satırsan, rəflərində ancaq “Qanun” nəşriyyatının kitablarına yer tapılır, başqalarına yox, onun buna gülməyi gəlir. Və ən nəhayətdə, sonuncu məsələ ilə bağlı Nigar Köçərlidən soruşurlar ki, Qan Turalının kitabına niyə sənin mağazanın vitrinlərində yer tapılmır, onun hətta buna da gülməyi gəlir.

Nigar Köçərli, açıq-aşkar danır ki, guya onun kitablarının nəşrindən imtina etməyib, Qan Turalı kitabları gətirsə onları satarlar. Doğrudan da belə olacaqdısa bəs bir həftəlik qalmaqal nə üçün idi?

Deməli, o, məsələnin şişdiyini, böyüdüyünü, ümummətbuat səviyyəsində müzakirə predmetinə çevrildiyini görərək diplomatik üsula əl atmaq istəyir, bir həftə əvvəl satışından imtina etdiyi kitabı satmağa razı olduğunu bildirir. Əgər o kitabı satmağa razı deyildisə öz sözünün üstündə axıra kimi duraydı və deyərdi ki, kitab məni qane etmədiyi üçün satmaq istəmirəm.

Amma ictimai təzyiq qarşısında geri çəkilib satmağa razılıq verirsə artıq bunun özü çox gülməlidir. Onu deyim ki, Nigar Köçərlinin təkcə kitab satışı ilə bağlı deyil, fəaliyyətinin başqa sahələri ilə bağlı da problemləri var. Onun bu fəaliyyətinin bir hissəsinə MKM də daxil idi.

Bir vaxtlar Aqil Abbas ona kəskin etiraz etmişdi ki, özəl mağaza sahibəsi ümummilli səviyyədə ədəbiyyat müsabiqəsinin təsisçisi ola bilməz. Onda biz hamımız bu sözü loyallıqla qarşılamışdıq. Amma üstündən bir-iki il keçəndən sonra Aqil müəllimin bu sözü yadıma düşür və mən onun bu sözləri necə uzaqgörənliklə dediyini indi görürəm.

Sözün bütün mənalarında Nigar Köçərli ilə heç bir əməkdaşlığım olmayıb. Nə ekspert kimi, nə jüri kimi, nə yazıçı kimi, nə tənqidçi kimi, nə də kitab sahibi kimi. Və Nigar Köçərlidən fərqli olaraq mənim onun fəaliyyətinə, onun durumuna ağlamağım gəlir. Nigar Köçərli bu xalqın nümayəndəsi olaraq onun əleyhinə mənəvi təxribat aparır. Onun ədəbiyyatına qarşı təxribat aparır. Bir adam ki, özünü bu xalqın, bu torpağın nümayəndəsi hesab eləməyə, bu ölkənin sərhədlərindən kənarda olan müəyyən qaynaqlara xidmət edə, ordan maliyyələşə, ordan mənəvi güc ala, bax bunun özü heç gülməli deyil artıq, ağlamalıdır. Bu insan üçün çox böyük tragediyadır. Ona görə də mən inanıram ki, bu ağlamalı durumuna görə Nigar Köçərlinin gələcəkdə çox şeyə “gülməyi” gələcək. Nigar Köçərli nədəsə ona irad tutulan zaman “Mənim buna gülməyib gəlir” deyə hələ çox üzünə optimist maska taxmalı olacaq. Amma Nigar Köçərli bir şeyi unudur ki, “Əli və Nino” əsərində belə bir söz deyilib: “Çox gülən axırda ağlayar”.

news-inner-user

16836 məqalə

Oxşar xəbərlər

Xəbər lenti

Anar Kərimov: "Dəyərli xalçalarımızı hərraclarda tapmışıq"
18:58 28 Oktyabr 2020
Əməkdar rəssam vəfat edib
18:23 28 Oktyabr 2020
Oljas Süleyemenov Minsk qrupunu tənqid etdi
17:45 28 Oktyabr 2020
Əfsanələr taleyimizi dəyişə bilərmi? - Təbrizdən polemik yazı
17:10 28 Oktyabr 2020
Arif Məlikov haqqında kitab çap olundu
16:25 28 Oktyabr 2020
Böyümür ölü uşaqlar - Günün şeiri
15:12 28 Oktyabr 2020
Teatrşünas alim maaşını orduya köçürdü
14:55 28 Oktyabr 2020
Xalq artisti: "Artıq real film qəhrəmanlarımız var"
14:30 28 Oktyabr 2020
Fransız tərcüməçi Azərbaycan romanından yazdı: “Ona hirslənirdim”
13:44 28 Oktyabr 2020
Uşaqlığımın yay ayları – Pərvanə Bəkirqızı Qarabağdan yazır...
13:01 28 Oktyabr 2020
Bakı kəndlərində nökərçilik etdi, bir qız onu acından ölməyə qoymadı, arvadının çarpayısına qızılgüllər səpdi – Mirzə İbrahimovdan 10 inanılmaz fakt
12:18 28 Oktyabr 2020
85 yaşlı erməninin söylədiyi böyük həqiqət
11:46 28 Oktyabr 2020
Gənc yazar işğaldan azad olunan kəndlərindən danışdı: “Yuxu kimidir!”
11:01 28 Oktyabr 2020
Tanınmış uşaq yazıçısı vəfat etdi
10:10 28 Oktyabr 2020
Fransada yaşayan vəkil: “Burda işsizlik daha böyük problemdir, nəinki erməni məsələsi” – Müsahibə
08:55 28 Oktyabr 2020
Əməkdar artist vəfat edib
19:21 27 Oktyabr 2020
Məşhur serialın qəhrəmanı vəfat etdi
18:50 27 Oktyabr 2020
Fikrət Qocanın "Seçilmiş əsərləri" çap olundu
18:10 27 Oktyabr 2020
Üzünü o yana çevir – Sevincdən müharibə şeirləri
17:47 27 Oktyabr 2020
Nizami kino Mərkəzi Mel Gibsonun filmlərindən imtina etdi
16:32 27 Oktyabr 2020