news-inner
clock12:58 calendar-gray 20 May 2015 view-gray814 dəfə oxunub
view-gray814 dəfə oxunub

Hər gün daha çox üzülürəm axmaqlığıma ŞEİRLƏR

Kulis Cəlil Cavanşirin yeni şeirlərini təqdim edir.

Gedə bilməyən adamın şeiri

Hara çıxıb gedəsən?
Getməyə yer də yoxdu...
Vida etməyə adam
Sıxmağa əl də yoxdu...

Daha yazmaq da olmur bu boyda tənhalığı...

Bir az can sıxıntısı
Bir az nigarançılıq
Ürəyim boş, əlim boş
ağlayıram, susuram
Qapı zəngi çalınır, pəncərəyə qaçıram.

Daha darıxmaq olmur, adam kimi darıxmaq...

Mayın tam ortasında üşüyürəm, donuram.
Sıxır məngənəsində məni soyuq divarlar
Bu qapının o tayı günəşlidir, istidir
Hardasa çox uzaqda öləziyən ümid var

Ən böyük faciədir kişi ümidsizliyi...

Sən sonuncu ümidsən
Bu yadlar arasında
Bircə dəfə “getmə” de, qalım birgə yaşlanaq
Bircə dəfə dilindən gözəl səslənsin adım.
Yaxşı xatırlayıram sonuncu gedişimi,
Pencəyimi götürdüm getdim və qayıtmadım...

Bax, getsəm bu küçələr səni darıxdıracaq...

aşıqsayağı

Min işıq yolu uzaqda
Bir özgəyəm, yadam sizə
Bir xeyrim toxunmayıbsa
Niyə dəysin qadam sizə?

Hanı sözü bilən kəslər?
Bəhmənkəslər, filankəslər
Mənə şeytan deyən kəslər
Axı, deyir adam, sizə.

Dilləndim aşıqsayağı
Atdım qələmi, varağı
Bu nadinc, şıltaq uşağı
Mən necə tanıdam sizə?

Ölməmişdən itmişəm ki,
Tükənmişəm, bitmişəm ki,
çıxıb sizdən getmişəm ki,
Yenidən qayıdam sizə,
Axı hələ yadam sizə...

Oğluma deyə bilmədiklərim...

Mən sənə nə verdim ki?
Ancaq uşaqlığından, sevincindən, gülüşündən oğurladım
Sənə yalanlar danışdım uzun qış gecələrində
Keçmişsiz və gələcəksiz günlərimizdə
Danışdığım bütün nağıllar yalandı, oğlum
Gözlərinin dərinliklərindəki kədəri verdim sənə
Bir də əsəbi qışqırıqlarım qalacaq yadında
Bir az da üzüləcəksən
Bağışlamağın ölmək qədər çətin olduğunu anladığında…

Sən bir ömürlük yanımda qalmağımı istədiyin halda
Mən qaçmağı seçdim
Sən mənsiz darıxdığın gecələrdə
Mən sərxoş olanacan içdim…
İçdim ki, göz bəbəklərin girməsin yuxuma
İçdim ki, hıçqırıqlarını eşitməyim
İçdim ki, sənsizlikdən ölməyim…
Sənə heç nə verə bilmədim…
Əvəzində özümü də götürüb getdim…
Getdim ki, geri dönməyim…

Qucağıma sığınıb baxdığın filmlərin kiçik qəhrəmanlarına
Atasız və anasız uşaqlara birlikdə ağlamışdıq
Evsiz adamlara üzülmüşdük,
İşsiz ataların çarəsizliyini anlamışdıq…
Heç vaxt qəlbinə dəyməmişdim, dəcəlliyinə gülmüşdüm
Oynadığımız bütün oyunlarda, sənə qəsdən yenilmişdim
Və birlikdə olduğumuz o xoşbəxt günlərdə
Qoxunu içimə çəkmişdim, qızılgül qoxusu kimi
Boyuna baxıb sevinə bilməmişdim bütün atalar kimi,
Gecələr yuxusuz qalan da dərman əvəzi
Barmaqlarının ucundan öpmüşdüm…

Sənə bir şeir də yazmamışdım, qoxuna büründüyüm günlərdə
Sənə kitablar oxumuşdum, nağıllar danışmışdım
Və bir də dəcəlliyindən danışmışdım hamıya
Yanında ağlamışdım…
Gücsüzlüyümü, çarəsizliyimi, bacarıqsızlığımı anlamışdım…
Sənə yalan danışmışdım oğlum, yalan danışmışdım…

İndi telefonda titrəyən səsinlə gəl deyirsən,
Gedişim, dünyanın ən ağır yükü kimi,
Çöküb çiyinlərinə
Səsin dünyanın ən kədərli nəğməsi kimi içimi göynədir
Göz yaşlarım süzülür yanaqlarıma
Və hər dəfə ölüb yerə girirəm,
Peşmanam səni üzdüyümə, aldatdığıma…
Və nifrət edirəm özümə,
Və hər gün daha çox üzülürəm axmaqlığıma…

Oxşar xəbərlər

Xəbər lenti

Tərəf müqabili ilə üçaylıq sevgi yaşayan, evi olmadığı üçün qarajda qalan, iki dəfə intihara cəhd edən Xalq artisti
21:00 28 Sentyabr 2021
Vətən Müharibəsi qəhrəmanı haqqında film çəkilir
18:50 28 Sentyabr 2021
Bakı Beynəlxalq Kitab Sərgisində nələr olacaq?
18:15 28 Sentyabr 2021
Sahilənin Sənanı və "Şeyx"i
17:28 28 Sentyabr 2021
Onun geridəqalmışlığı mükafata layiqdir – Aqşin Yenisey yazır
16:44 28 Sentyabr 2021
Filmimiz beynəlxalq festivalın ən yaxşısı oldu
15:59 28 Sentyabr 2021
Üzeyir bəyə tələ quran erməni musiqiçilər - Tarixin gizlinləri
15:10 28 Sentyabr 2021
Baydarovun filmi nufuzlu festivalda - Foto
14:22 28 Sentyabr 2021
Osmanlı sultanlarının portretləri satışa çıxarılacaq
13:35 28 Sentyabr 2021
Qarabağ mövzusunun dələduzları – Şərif Ağayar yazır...
12:54 28 Sentyabr 2021
Əri ola-ola Telman Adıgözəlov ona evlilik təklif etdi, kişi aktyorlarımızın arasına qısqanclıq davası saldı – “Bəyin oğurlanması”nın məşhur siması kim idi?
12:09 28 Sentyabr 2021
Ölməyə vətən yaxşı... - Onlar niyə qürbətdə öldülər?
11:32 28 Sentyabr 2021
Nazirlikdən bəstəkara cavab: “Beş min verdik, götürmədi” - Özəl
11:01 28 Sentyabr 2021
Məşhur şair Fərid Hüseynin tərcüməsində - Yeni kitab
10:25 28 Sentyabr 2021
Universitetin dördüncü mərtəbəsindəki it – Yeni hekayə
09:01 28 Sentyabr 2021
"Anam deyir ki, o, ayaqqabılarını çıxarmaq istəyəndə, birinci katib qoymadı" - Səməd Vurğunu belə görməmisiniz - Foto
21:02 27 Sentyabr 2021
Tağıyevin heykəli yaxın günlərdə açılacaq - Rəsmi
18:55 27 Sentyabr 2021
Məşhur ingilis tədqiqatçının Nizami yanlışı – Vilayət Quliyev yazır...
18:20 27 Sentyabr 2021
Yazıçıların qaranlıq həyatı kitab oldu – Yeni nəşr
17:40 27 Sentyabr 2021
Müharibə xəbərinə özünü itirən taksi sürücüsü
16:53 27 Sentyabr 2021