news-inner
clock09:00 calendar-gray 20 May 2015 view-gray305 dəfə oxunub
view-gray305 dəfə oxunub

“Arzuların ardınca”-xərçəng xəstələrinin basmaqəlib sevgisi

Alman yazıcısı Günter Qrassın “Tənəkə təbil” romanının təsiri altında Mirmehdi Ağaoğlu ədəbiyyatımız, sənətimiz haqda acı gerçəyi dedi: “Avropalıların 50-60-cı illərdə keçdiklərini biz indi keçirik. Onları oxuyanda görürsən ki, ədəbiyyatımız da, kinomuz da nə qədər balacadır”.

Məsələn, “Tənəkə təbil”in üstünlüyü, əhəmiyyətli ədəbi nümunəyə çevrilməsinin səbəbi nədir? İlk növbədə bir Qərb müəllifinin İkinci Dünya Müharibəsinə son dərəcə orijinal yanaşmasında. Kiçik uşağın gözü ilə böyüklərin qüsurlarına, təbiətinə, davranışlarına nəzər salırıq. Balaca Oskarın nəzəri həm də sanki bir Tanrı nəzəridir, müşahidəsidir.

…Uzun müddətdir ki, sosial şəbəkələrdə piarı gedən, gənc rejissor Ramil Ağasıyevin “Arzuların ardınca” filmini izləyəndə Mirmehdinin yuxarıdakı fikrini yenidən xatırladım. Yəni bizim sənətlə bağlı düşüncə tərzimizdə, yanaşmamızda ciddi problemlər, qüsurlar mövcuddur.

“Arzuların ardınca” Ramilin debüt filmidir. Ramil hələ çox gənc olduğundan yazımda uzun və sərt tənqidlər etmək istəmirəm. Amma düşünürəm ki, bəzi məqamları demək vacibdir.

Öncə melodram janrında lentə alınmış filmin süjetini qısaca anladım.

İki gəncə Kamilə və Arzuya xərçəng diaqnozu qoyulur. Onlar təsadüfən xəstəxanada qarşılaşır, tanış olurlar. Sonra təbii ki, bir-birinə aşiq olur, sayılı günlər qalan ömürlərinin bir anını boşa vermədən arzularını yetirməyə çalışırlar…

Əvvəla onu deyim ki, belə bir ağır mövzunun altına girən rejissor filmi həyəcansız, ekrandan tamaşaçıya ağrı ötürməyən, insan faciələri ilə manipulyasiya edərək duyğu sümürən bayağı teleproqram yüngüllüyü, qaramatlığı ilə çəkib.

İnsan faciəsinə fərqli, alternativ baxış təklif olunmur. Hərçənd, bunu Ramildən gözləyirdim. Çünki bildiyim qədərilə çox film izləyir, mütaliə edir. Amma görünür, bu, yetərli deyilmiş.

Arzuları ilə həyata tutunan, amma gerçəyi də qəbul edən gənclərin son günləri tragik-romantik, son dərəcə səthi təsvir edilib. Başqa cür desək, təsvirlərdə bədii həll yoxdur. Dialoqlar, kadraraxsı mətn uğursuzdur, adama toxunmur, sıradandır. Belə bəsit duyğusal mətnləri uğursuz sevgi yaşayan 17 -18 yaşlılar Facebook statuslarında çox yazır. Onlara “Kulis+”da çap olunan da gənclərin şeirlərində də rast gəlmək olar.

Hava-su qədər vacib olan materialın psixoloji detalları, obrazların psixoloji portretləri işlənməyib. Ona görə də əhvalatın yükü yoxdur, təsvirlərdə qan, göz yaşı, üzlərdə kədər görürük, fəqət ağrını, yaşantını, atmosferi hiss etmirik.

Bütün bunlar sadəcə dekorativ olaraq qalır. Və bu dekorativlik bilərəkdən edilmir. Bunu rejissorun həyat və kino təcrübəsinin azlığına bağlamaq istərdim.

Filmin əvvəlində verilmiş, melodram janrında klişeyə çevrilmiş tanışlıq səhnəsindən (Qadın və kişi təsadüfən toqquşur, əllərindən kitab, kağız və ya çanta yerə düşür. Beləcə bir ehtiyatsızlıqla tanışlığın, sevginin əsası qoyulur) artıq xilas olmaq, başqa variantlar təklif etmək lazımdır.

Romantikanın əsas detallarından biri kimi kişinin sevdiyi qadının ayaqları altını gül ləçəkləri ilə döşəməsi artıq çeynənmiş, əhəmiyyətsizləşən, təsir qüvvəsini itirmiş səhnələrdən də həmçinin. Ya bunlardan xilas olmaq, ya da bu basmaqəlib səhnələri yeniləmək, onlara yeni nəfəs vermək zəruridir.

Filmin əsas qayəsi ölüm ayağında olan insanların son istəklərini yerinə yetirilməsində də entuziazm əskikliyi var.

Rejissor faciəvi taleyi klişelərdən gen-bol istifadə edərək sıradan, adi əhvalat kimi nəql edir.

Çox ümid edirəm ki, Ramilin növbəti filmi seyrçini həyəcanlandıracaq və biz vaxtın tez keçməsini arzulamadan onu zövqlə, birnəfəsə izləyəcəyik.

Sevda Sultanova

Oxşar xəbərlər

Xəbər lenti

Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021
İntəhasız acı nəğmə - Qorki haqqında esse
13:25 11 May 2021
Sevgiliyə gül uzadan əllərin tənhalığı - Ramil Əhməddən yeni şeirlər
12:00 11 May 2021
Tom Kruz mükafatlarından imtina etdi - Qalmaqal
11:30 11 May 2021
“Qarabağa sülh, sevgi və ümid” adlı xeyriyyə konserti keçiriləcək
10:26 11 May 2021
II Nikolayın qızı onun şəklini istədi, çar öz sarayına qonaqlığa çağırdı - Azərbaycanlı qaçağın film kimi həyatı
09:00 11 May 2021
Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021