news-inner
clock11:41 calendar-gray 13 May 2015 view-gray120 dəfə oxunub
view-gray120 dəfə oxunub

Kann festivalı bu gün başlayır

Bu gün, mayın 13-də Fransada 68-ci Kann Beynəlxalq Kinofestivalı öz işinə başlayır. Kulisin verdiyi xəbərə görə, festival fransalı rejissor Emmaniel Berkonun “Başını dik tutaraq” filmi ilə açılacaq.

Film yeniyetmə cinayətlərinə həsr olunub. Festivalın finalında tamaşaçılar Lyuk Jakın “Buz və səma” filmini görəcəklər.

Bu il festivalın münsiflər heyətinə Amerika rejissorları Coel və İtan Koen qardaşları rəhbərlik edəcək. Jürinin üzvləri sırasına aktrisalar Sofi Marso, Sienna Miller, kanadalı rejissor Ksavye Dolan, amerikalı aktyor Ceyk Cillenxol və meksikalı rejissor Qilyerme del Toro daxildir.

Xatırladaq ki, əsas müsabiqə proqramına 19 film daxildir. Kann Beynəlxalq Kinofestivalı mayın 24-də yekunlaşacaq və həmin gün festivalın nəticələri elan olunacaq.

news-inner-user

15835 məqalə

Oxşar xəbərlər