news-inner
clock18:20 calendar-gray 06 May 2015 view-gray252 dəfə oxunub
view-gray252 dəfə oxunub

Yazıb pəncərədən tullamaq

Otağımda tək oturmuşam. Yazmaq istədiyim çox mövzu var. Eyni anda beynimdə 4-5 mövzu var-gəl edir. Əlimə qələmi alanda qələm çaş-baş qalır.

Gah şeirə, gah da nəsrə çevrilir fikirlərim. Həyəcanlanıram. Ürək döyüntülərim sinəmin sol hissəsini narahat etdikcə alnımdan soyuq tər axmağa başlayır. Divardakı saatın səsi beynimin ən son hüceyrəsinə qədər çatır. Tik-tak, tik-tak, tik-tak. Gözlərimi yumub fikirlərimi cəmləməyə çalışarkən tərim qaşlarımın yanından süzülərək yanağıma qədər gəlir. Əlimin üstü ilə alnımı silib dərindən nəfəs alıram. Tik-tak, tik-tak, tik-tak:

- Yaza bilməyəcəm.

- Yazmalısan!

- Düşündüyün qədər asan deyil, belə həvəslisənsə al qələmi özün yaz !

- Mən sənlə mübahisə etməyə gəlməmişəm, sənə yardım etməyə gəlmişəm. Sakitləşməyə çalış.

- Çox çətindi.

- Bilirəm, amma sən də bilirsən ki, yazmalısan.

- Hə.

Bütün dünya yazacaqlarımı gözləyirmiş kimi hiss edirəm özümü. Heç kəs oxumasa da. Lap bu cızma-qaralarla dolu vərəqi büküb zibil qutusuna atsam da hamı tərəfindən oxunulacağını düşünürəm. Yazacağım hər hərfin məsuliyyətini çiyinlərimdə hiss edirəm. Yazacağım hər səhv söz gecələr yuxuma girib yaxamdan yapışacaq deyə qorxuram.

Tik-tak, tik-tak, tik-tak. Təlaş içində heç nə yazmadığım boş vərəqi sağ əlimlə bükürəm. Bütün gücümlə yumruğumu sıxıram. Sol əlimin barmaqlarını sakitcə açıb qələmi masanın üzərinə buraxıram. Ürəyim normal tempdə döyünməyə başlayır. Gülümsünürəm. Dərindən nəfəs alıram.

Yazı masamdan qalxıb pəncərəyə tərəf yaxınlaşıram. Burdan bütün şəhər ayaqlarımın altındaymış kimi görsənir. Pəncərəni açan kimi külək üzümə vurur. Sürətlə şütüyən maşınlar, tələsən piyadalar, qol-qola gəzişən sevgililər... Hamısı qarışqa kimi bir-birinə dəymədən yoluna davam edir. Həyatın davam etdiyini görüb bir az da rahatlayıram. Ovcumda bükərək saxladığım boş vərəqi var gücümlə pəncərədən çölə tullayıram. Külək onu insanların yanına qədər aparır və vərəq onlardan birinin başına dəyir. Yuxarı baxıb deyindikdən sonra heç nə olmamış kimi yoluna davam edir. Palçıqlı ayaqqabılar altında tapdalandıqdan sonra hündürboy, arıq, şlyapalı bir kişi vərəqi yerdən götürür. Bükülmüş vərəqi açıb diqqətlə baxmağa başlayır. Hərəkəti dayandırdığına görə tələsən adamlar onu itələyir. Şlyapalı kişi boş vərəqin digər üzünü oxumağa başlayır. Daha sonra başqa birinə ötürərək yoluna davam edir. Beləcə tapdalanmış boş vərəqi bütün insanlar oxuyur.

Pəncərəni şiddətlə çırpıb yazı masama qayıdıram.

- İndi anladın?

- Hə, anladım.

- Odur ki , yazmağa başla.

Qələmi əlimə alıb yazmağa başlayıram. Tez yazıb pəncərədən tullamaq üçün tələsirəm.

news-inner-user

20044 məqalə

Oxşar xəbərlər

Xəbər lenti

Tərəf müqabili ilə üçaylıq sevgi yaşayan, evi olmadığı üçün qarajda qalan, iki dəfə intihara cəhd edən Xalq artisti
21:00 28 Sentyabr 2021
Vətən Müharibəsi qəhrəmanı haqqında film çəkilir
18:50 28 Sentyabr 2021
Bakı Beynəlxalq Kitab Sərgisində nələr olacaq?
18:15 28 Sentyabr 2021
Sahilənin Sənanı və "Şeyx"i
17:28 28 Sentyabr 2021
Onun geridəqalmışlığı mükafata layiqdir – Aqşin Yenisey yazır
16:44 28 Sentyabr 2021
Filmimiz beynəlxalq festivalın ən yaxşısı oldu
15:59 28 Sentyabr 2021
Üzeyir bəyə tələ quran erməni musiqiçilər - Tarixin gizlinləri
15:10 28 Sentyabr 2021
Baydarovun filmi nufuzlu festivalda - Foto
14:22 28 Sentyabr 2021
Osmanlı sultanlarının portretləri satışa çıxarılacaq
13:35 28 Sentyabr 2021
Qarabağ mövzusunun dələduzları – Şərif Ağayar yazır...
12:54 28 Sentyabr 2021
Əri ola-ola Telman Adıgözəlov ona evlilik təklif etdi, kişi aktyorlarımızın arasına qısqanclıq davası saldı – “Bəyin oğurlanması”nın məşhur siması kim idi?
12:09 28 Sentyabr 2021
Ölməyə vətən yaxşı... - Onlar niyə qürbətdə öldülər?
11:32 28 Sentyabr 2021
Nazirlikdən bəstəkara cavab: “Beş min verdik, götürmədi” - Özəl
11:01 28 Sentyabr 2021
Məşhur şair Fərid Hüseynin tərcüməsində - Yeni kitab
10:25 28 Sentyabr 2021
Universitetin dördüncü mərtəbəsindəki it – Yeni hekayə
09:01 28 Sentyabr 2021
"Anam deyir ki, o, ayaqqabılarını çıxarmaq istəyəndə, birinci katib qoymadı" - Səməd Vurğunu belə görməmisiniz - Foto
21:02 27 Sentyabr 2021
Tağıyevin heykəli yaxın günlərdə açılacaq - Rəsmi
18:55 27 Sentyabr 2021
Məşhur ingilis tədqiqatçının Nizami yanlışı – Vilayət Quliyev yazır...
18:20 27 Sentyabr 2021
Yazıçıların qaranlıq həyatı kitab oldu – Yeni nəşr
17:40 27 Sentyabr 2021
Müharibə xəbərinə özünü itirən taksi sürücüsü
16:53 27 Sentyabr 2021