writer1

Ömər Xəyyam

Məqalə sayı

47
clock11:47 calendar-gray 22 Aprel 2015 view-gray325 dəfə oxunub
view-gray325 dəfə oxunub

Tənhalıq kimə lazımdı?

Dünən nəvəsi zəng vurub əmimə ki, bəs anamın tutması tutub, çırpır özünü divardan-divara. Zalım ciddi-ciddi “link at, baxım” - deyib. Bu əndrəbadi zəmanəni lənətə gəlsin.

Biz ki səhər acqarına, üzümüzü yumamış bir siqaret yandırarıq eynisini sosial şəbəkələrə tətbiq etmirikmi? Yuxusunu yazıb-yozduran kim, axşamkı pozalarından nəql edən kim...

Lənətə gəlmiş şəbəkələr, xəstə eləyib məni. Atamın ölüm xəbəri yolda çatmışdı mənə - rayona gedirdim. Xəbəri alar-almaz status yazdım ki, Atam öldü, rayona gedirəm. Bu bir yana qalsın, anam girib rəy yazıb ki, səbirli ol bala.

Hansısa lotu öləndə sinə daşının üstünə link yazıblar ki, bu linkə daxil olub yas mərasimini və ölüm anını izləyə bilərsiniz.

Bu Mahmud ki var, İkinci, bir dəfə kafedə danışdığım söhbəti götürüb köşə eləyib, atıb mənə redaktəyə. Demişdim ki, Üzeyir Hacıbəyov və o dövrdən ta bura qədər tanıdığımız sənət adamları heç biri Azərbaycanca düşünməyib. Azərbaycanlı kimi düşünüb dahi olmaq mümkün deyil. Düşünmək alt şüura enməkdir ki, bizlərin alt şüuru bir topa ölü mövzulardan, çürük ideyalardan ibarət.

Azərbycanlı yazar və yazarələr var xaricdə. Ki, onlar baş götürüb gediblər bizdən. Di gəl, gedib Sürixdə “nənəmin örpəyi” janrında kitablar tirajlamaqdadırlar. A kişi, Qız qalasından yazır, yol mədəniyyətindən yazır, amma azərbaycanlı kimi... Məsələnin içindən baxır məsələyə. Təfəkkür olaraq azərbaycanlıdı, fiziki olaraq sərhədləri aşıb.

O qədər şair tanıyıram ki, ölü mətnləri ağzının suyu axa-axa qafiyələndirib. Kimə lazımdı bu?

Ədəbiyyat fotoqrafiya deyil ki, olduğu kimi çəkib qoyasan sətirlərə. Duyğu sümürüsü, ayrılıq, tənhalıq kimin nəyinə lazımdı?

Ədəbiyyat dünyanı yenidən dərk etməkdi. Di gəl ki, bizimkilər illərdi çevir tatı-vur tatı prinsipiylə saç ağardır. Bioqrafik janrda esselər, kənd həyatından dastanlar bağlayır.

Biri çoban itinin kəsilmiş qulaqlarını gətirir ədəbiyyata, biri kənddəki lətifələri.

Ədəbiyyat lətifələrə uduzub!

Bizim kənddəki Möhübbət kişinin dramatik sevgi hekayəsi avropalıya nə qədər maraqlı ola görən?

Bəşəri ideyalar, qlobal məsələlər 1258 köynək uzaqdı ədəbiyyatımızdan.

Qocalara ümid yoxdu. Bənövşəyi qalstuk bağlayıb, qarından eyvan düzəldən ölüb zatən. İyirmi il bundan əvvəl ölüblər, torpaq da götürmür leşlərini.

Baxırsan otuz yaşı var, yapışıb tarixdən, bioqrafiya yazır.

Daş başına!

Ona qalsa monqolların o boyda imperatorluğu vardı, indi acından dabanlarını gəmirirlər. Tarix ölü mətndi! (Biri mütləq çıxıb yazacaq ki, tarixin bilməyən nadandır).

Roman kitabları Quran qədər müqəddəsdi! (Roman deyirəm e, söhbət bozbaşdan getmir)

Avropalıya dolma bükməkdən, kəlağayıdan bəhs etmək deyil ədəbiyyat.

Dünya aşıq şeirimizlə, dastani-lətifeyi-xocanəsrəddinimizlə tərs-mütənasibdi.

Ayaqüstə kirayə qalan, 50 il bundan əvvəl ölmüş yazarlar var, iyləniblər. Süpürüb atmaq lazımdı tarixin zibilliyinə.

Neynəmisiz ki? Barmağını qatla ki, filan şey eləmişəm.

Sizi and verirəm bərəkətə, Facebookda “SÖZ NURU” səhifəsini tapın. Bir qrup bozbaş kişi və evdar qadının soğan-turşu janrında icmasıdır. Götürün dəftərlənizi də ....!

Reklam üçün söz atmıram e, məni sizdən çox adam tanıyır, Şəhriyarın ölmüşü.

A kişi ölmüsüz siz!

Virus yayılır sizdən gənclərə də. Gedin gömün özünüzü!

Ədəbiyyatda nə qədər 70-dən əvvəl doğulmuşlar var - hamısı ölü, hamısı gəzən meyit!

Tənqidçilərindən tutmuş, şairlərinə qədər - apar tulla!

REKLAM

Yazarın digər yazıları

Xəbər lenti

Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021
Öz ölümünü yazan şair - Günün şeiri
11:30 03 Avqust 2021
Qələbədən yazmaq çox çətindir
11:01 03 Avqust 2021
“Orxan Pamukun evi inanılmaz dərəcədə geniş idi” – Söhbət
10:30 03 Avqust 2021
Deyirsən, anamın yerində ayrı arvadla mazaqlaşsın? – Yeni hekayə
09:01 03 Avqust 2021
Açıq havada Kino Günü keçirildi - Fotolar
08:49 03 Avqust 2021
Azərbaycanlı şair vəfat etdi
08:08 03 Avqust 2021
"Qapalı olan həyatımın qapılarını indi açıram..." - Fəxrəddin Manafovla yubiley müsahibəsi
21:00 02 Avqust 2021