Salman Rüşdi Aşıq Ədalətin gününə düşdü

Haqqında ölüm fətvası verilən qalmaqallı yazıçı Salman Rüşdinin məşhur əsərlər haqqında yazdığı “aşağılayıcı” fikirlər etirazla qarşılanıb. Kulisin radikal.com.tr-yə istinadən verdiyi xəbərə görə etirazlar yazıçının “Goodreads” adlı saytda yer alan fikirləri internetdə yayılandan sonra başlayıb.

Özünü müdafiə etməyə çalışan yazıçı isə yazdıqlarının gizli olduğunu, hamı tərəfindən oxunacağını bilmədiyini söyləyib.

Rüşdünin “Googreads” də yazdıqlarının bəzilərini təqdim edirik:

Ceyms Coysun “Uliss” əsəri haqqında: “Belə sayıqlamaları heç vaxt oxumamışam. Kitabın ilk iki fəslini rahatca ötürə bilərsiz.”

Faust (Höte) haqqında: “ Əsərin uğuru o qədər cansıxıcı və qıcıqlandırıcıdır ki...”

Samuel Bekket haqqında: “Bekketin darıxdırıcı yazılarında həqiqətən nifrət edirəm. Hər bir cümləsi, qulaqlarımı cırmaqlayır, hətta zorlayır.”

Rüşdi saytdakı hesabında Kinqsli Amisin “Şanslı”, Harper Linin “Quşcuğazı öldürmək” romanlarına beş ballıq şakal ilə 3 bal verdiyi halda Skott Fitsceraldın “Möhtəşəm Getsbi” və bir neçə başqa əsəri ən yüksək dərəcədə qiymətləndirib.