news-inner
clock15:14 calendar-gray 01 Aprel 2015 view-gray307 dəfə oxunub
view-gray307 dəfə oxunub

Teatr lətifələri: Qıratla Koroğlunun arasına...

Kulis teatr lətifələrini təqdim edir.

Saytların birinə Akademik Milli Dram Teatrından adının çəkilməsini bildirmək istəməyən bir dəstə aktyor zəng edib direktorları İsrafil İsrafilova qarşı etiraz aksiyası keçirəcəklərini bildirirlər. Sayt bu xəbəri adının çəkilməsini istəməyən bir qrup aktyora istinadən yayır. Jurnalistlərdən biri direktora zəng edib münasibət öyrənmək istəyir. Direktor eşitdiyi xəbərdən şoka düşür: “Anlaya bilmirəm, adının çəkilməsini istəməyən adamlar necə aksiya keçirəcək? İlahi, indi gərək mən onlar üçün əlavə maska tədarükü görəm…”

***

Rejissor Musiqili Komediya Teatrının buxaqları sallanan aktrisasını filmə çəkir: “Çənəni qaldır. İkincini də, üçüncünü də...”

***

Eldəniz Zeynalov tamaşa başlananda sözlərini pərdə arxasından deyə-deyə səhnəyə daxil olur. Baxır ki, alqışlamırlar. Səhnənin önünə gəlib sözlərini bir də ucadan deyir. Yenə də camaatdan səs çıxmır. Öz replikasını gözləyən tərəf müqabilinə dönüb “Bir deyğe ee, qərdeşim. Sən bir dəğə diyan” deyəndən sonra zala səslənir: “Mənəm də Eldənizəm, nöş əl çalmırsuz balam?”

***

Bir dəfə Opera və Balet Teatrında Koroğlunu oynayan, artıq xeyli yaşlanmış Lütfiyar İmanov nə qədər edir ata minə bilmir. Onda atı yedəkləyib özü ilə aparır. İkinci dəfə də eyni şey təkrarlanır. Üçüncü dəfədə rejissor ona irad bildirir. Cavabında Lütfiyar müəllim: “Bura baxın, at bilər, mən bilərəm. Qıratla Koroğlunun arasına Həmzə girə bilmədi, siz nə karəsiz ki...”

***

Akademik Teatrda Mərahim Fərzəlibəyovun hazırladığı uzun və darıxdırıcı tamaşalardan birində tamaşaçıların yuxuladığını görən rejissor Ağakişi Kazımov həmkarını sancır: “Görürsən də camaat yatır”. Gözucu zala baxan Mərahim müəllim üstünü vurmur. Üstündən xeyli müddət keçir. Ağakişi müəllimin tarixi mövzuda tamaşası zamanı Mərahim Fərzəlibəyov ona işarə vurur: “Bax da, Ağakişi müəllim, camaat xoruldayır”.

Ağakişi müəllim gülümsəyir: “Bunları deyirsən? Balam, bunlar sənin tamaşandan yatıb qalanlardır.”

***

Aktyor Nurəddin Mehdixanlı məşq zamanı rejissordan tələb edir: “Mən təklif edirəm ki, qonaqlıq səhnəsində içkilər həqiqi olsun, bu daha təbii olar”. Rejissor razılaşır: “Razıyam, amma onda gərək son səhnədə səni həqiqətən qılıncla çapsınlar, məncə bu daha təbii olar.”

***

Ramiz Əzizbəylinin “Yalan” filminə çəkilən aktyorlar birgə filmə baxırlar. Biri digərinə deyir: “Çox kədərləndim ee”. Yoldaşı cavab verir: “Hə, Ramiz müəllim əla çəkib, şedevrdir, məni də ağlamaq tutdu”. “Əşşi, ona görə yox ee, çəkiliş zamanı filmin əvvəlindəki qoyunları kəsib kabab eləməyimiz yadıma düşür. Hanı o günlər...”

***

Mərhum teatrşünas İnqilab Kərimovla Məryəm Əlizadə Gəncə teatr festivalı zamanı otelin yeməkxanasında səhər yeməyi yeyirlər. İnqilab müəllim Gəncə teatrının tarixindən danışıb, sözlərini bu cümlələrlə bitirir: “...bax, Gəncə teatrının belə müqtədir sənətkarı olub”. Hövsələsi daralmış Məryəm xanım onun sözünü tələsik təsdiqləyib üzünü ofisianta tutur: “Bəli bəli, olduqca qüdrətli sənətkarlar idilər... Hətta... Oğlum, o qaymaqdan mənə də gətirə bilərsiz?”

news-inner-user
Aliyə

1003 məqalə

Oxşar xəbərlər

Xəbər lenti

Meyxanaçı Kərim ağır vəziyyətdədir - Həkimlər evə qaytardı
11:21 06 May 2021
Fikrət Qoca getdi, geridə nəyi qaldı?
10:59 06 May 2021
Yazıçılar Birliyindəki balacaboy kişinin zarafatı – İngiltərədən yazırlar...
10:24 06 May 2021
Misirdə Azərbaycan rəssamlarının sərgisi açıldı - Foto
09:35 06 May 2021
Abırsızlıqla azadlığın sərhədi itəndə – Sevda Sultanova "Həmin Zaur"dan yazır...
09:01 06 May 2021
Qızın qohumları onu öldürmək istəyirdilər – Məşhur şairdən maraqlı faktlar
21:00 05 May 2021
“Pişiyin evi” tamaşası nümayiş ediləcək
19:00 05 May 2021
Frans Kafkanın ikicildliyi Avstriyanın səfirinə hədiyyə olundu
18:31 05 May 2021
Koronavirusa yoluxan Xalq artisti danışdı
18:14 05 May 2021
Məzarıma kimi gedən bir yolçuyam - Fikrət Qocadan seçmə şeirlər
17:32 05 May 2021
O, bu romanıyla riskə gedib – Müzakirə
16:40 05 May 2021
Fikrət Qoca dəfn olunub
15:53 05 May 2021
“Buna görə atamı heç vaxt bağışlamayacam” - Döyüşdən qayıdan müğənni ilə müsahibə
15:19 05 May 2021
Azərbaycanda qeyri-adi aksiya: Piratlara qarşı müsabiqə
14:50 05 May 2021
“Vay-Vay! Çox dəhşətli xəbər oldu!” - Əkrəm Əylislidən Fikrət Qoca haqda ürək parçalayan sözlər
14:05 05 May 2021
Qarabağlı şairdən 30 illik foto xatirəsi: Kimdir bu adam?
13:36 05 May 2021
Bu gün xalçaçıların bayramıdır
12:54 05 May 2021
Çe Gevaranın bacısı ilə oteldə gizli görüşdü, qızı ingilislə evləndi, oğlunu amansızlıqla öldürdülər – Fikrət Qocadan maraqlı faktlar
12:14 05 May 2021
Səfirimizdən Şuşa ilə bağlı maraqlı təklif - 1000 ədəd...
11:45 05 May 2021
Səməd Vurğun onun şeirini oğurlayıbmı? – Eyni misralar var!
11:10 05 May 2021